شكرا وأنا برده بسأل عشان حكايه ال ٣٤ ديه وكمان العجل عندي معمول على ٢٨ فكنت حاسس إن فيه حاجة غلط
عرض للطباعة
ايه أخبار abs انا مش حاسس بيه تحت رجلى فقالى مش هايشتغل غير فى الرمل أو الأرض اللزجه لكن انا مش مقتنع وأعتقد انه بيشتغل مع الفرمله القويه الفجائيه وده اساس عمله بالاضافه لما سبق علشان يفضل الدركسيون حر معاك وتقدر تفادى
هو بيشتغل لما عجلة أو أكتر تقفش (تزحف) يعني فرملة جمدة من غير ما العجل يقفش مش هيشتغل لإن ساعتها التحكم في العربيه هيبقى عادي لإن العجل لسه بيلف
وأنا بيشتغل تحت رجلي كل يوم:khd: عشان طريقي معظمة جوه حلوان أسفلت وغرقان من كتر الرمل
العربيه عاملة ٢٣٧٠كم في ٢٥ يوم (تقيم أول ٣٠٠٠ قرب خلاص)
يبقى فعلا صح هو بيشتغل لما العجل يبدأ يزحف بصرف النظر عن نوعيه الأرض وربنا يبارك لك ويستر طريقك ومافيش حد كبير على السواقه حتى لو بيسوق من 100 سنه
العربية دخلت وطلعت مش مظبوطة زاوية فعلا و بيقولي في خبطة في القنطرة و سألني اذا كنت أنا اللي خبطها قلتله مش أنا وهتصلحها على حسابكم لأني مستلمها كده
قال لي هعملهالك بس تعالى بكرة الصبح بدري
إيه رأيكم بقى كده تالت يوم أروح علشان السلاح العيب اللي في العربية
هوا المفروض اللي مديني المعاد رئيس الورشة وكلمني أكدوا المعاد من شوية بس المشكلة المهندس شريف ده شكله حطني في دماغه
أنا معادي 11:30
و حضرتك إيه يا عم أنا 19 سنة يعني اصغر منك بسنة كمان :44:
أنا مش عايز أتعبك معايا و هاخلي والدي ييجي معايا بكرة علشان هو حاسس إني مش عارف اتصرف معاهم
وأنا كمان حاسس كده برضه
ف هخليه يتعامل هو علشان أكيد هو ليه برده هيبة أكتر مني و هيعرف يهزأهم :khd:
انا معايا بيترا وعندنا ميكانيكى كويس جدا هنا فى دمياط بيعمل كل حاجة فيها
أنا هناك يا يوكو و لو فاضي عدي عليا
ديه نمرتي 0111297447
خير أصل أنا اليومين دول على أخري وكل شويه مشاوير فمبردش على حد أنا الصبح في الكليه وبعد كده عند صاحبي روحت البيت ساعة ونزلت المستشفى أزور واحد ونازل كمان ساعتين تاني :khd::khd::khd:
وإمبارح نزلت من البيت الساعة ٧.٣٠ الصبح روحت ١١ بليل
وفاكر الإمتحان الي قلتلك كل الناس عكت فيه نسبة النجاح الدكتور قالها إمبارح والمفاجئة نسبة النجاح كام
.
.
.
.
.
.
.
.
.
٤٦٪ بس (تييييييييييييييييييييييي يييييييييييييييييييييييت)
طب إبعتلي على الخاص
وأنا إن شاء الله هجيب ٥٠٪ أو بالكتير ٥٥٪ لإن الدكتور مالوش دعوه غير بالناتج النهائي (بيخلينا نرسم جدول في أخر ورقة الإجابة ونكتب جواه الإجابات وبيبص على النتيجة غلط يحط صفر صح يشوف الحل لو الحل صح تاخد الدرجة كاملة ولو متفبركة بتنقص درجتين ولو أكتر من إجابة متفبركة صفر في الإمتحان وبيعتبرك غشاش راجل مبيرحمش)
ألف شكر على اهتمامكم يا جماعة
بختصار أنا رحت الساعة 11 و قابلت المهندس شريف وبدأ شغل الساعة 1 وخلص الساعة 5 و قال لي عدلنا القنطرة وظبطنا زوايا و طلعت معاه نجرب العربية و حسيت إنه بيشتغلني لانه ماشي في طارق مكسر و يقولي العربية بقت مظبوطة
نيجي لاوحش حاجة قلتله اغسلي العربية وياريتني ماقلتله:khd:
العربية اتغسلت بقت زي الزفت و العامل مش عارف ينضفها أصلا
المهم إني معرفتش العربية اتظبطت ولا لأ لأن جسر السويس كان زحمة و أنا ماكانش فيّا حيل انزل صلاح سالم اجربها
إن شاء الله هانزل بيها الصبح و هالكم إذا كانت اتظبطت أو لأ
أوكيه و إن شاء الله هكلمك الصبح
[frame="9 10"]
انتا كدة اول عضو يفهم انا لية عملت الموضوع دة :10D5C8~1107:
يا جماعة اوماترا كتير اوى اوى اوى عليها توكيل فيات
ولا امكانيات و لا خدمة بعد البيع ولا كفائة فى الادارة ولا دعاية ولا اى حاجة خالص
واحنا الى بندفع التمن و بالاخص ملاك العربيات الجديدة
الوضع محتاج مراسلة او اكتر الى ميل فيات فى اطاليا ياما يسحب التوكيل او يضغط علية يعدل اوضاعة
بجد من غير الحل دة عمر التوكيل دة محيتعدل حالة و عمر المشاكل ماحتخلص:dontudear:
[/frame]
[frame="9 10"]
مع عظيم احترامى ليك
اغلب التقييمات بين مقبول و فاشل
و نسبة جيد و جيد جدا قليلة
وكمان لا يوجد اى تقييم بممتاز
انا نفسى يكون كل التقييم ممتاز بس مش بالكلام لا
ان يكون فعلا التوكيل يستاهل التقييم دة
يا جماعة
انا الموضوع مكتوب علشان اسم فيات و علشان ملاك و عشاق اسم فيات
مش علشان نهجم او نمجد فى اوماترا
[/frame]
الحمد لله العربية بقت تمام بس يا أستاذ حسام المشكلة بجد إني مش مرتاح نفسيا مع التوكيل على طول حاسس انهم بيشتغلوني أو بيحاولوا ينصبو عليا وده اخطر حاجة تخليك تقرف من العربية اساسا
[frame="9 10"]
دة احساس طبيعى بعد فقدان الثقة فى التعامل مع اى طرف
1- عدم الشفافية فى التعامل
2- عدم الالتزام بالمواعيد
3- عدم الاحتراف فى المعاملة
4- عدم انهاء سريع للمشاكل
5- عدم.......................
6- عدم......................
مستنى اية من العميل بعد كدة
يا جماعة انا شايف ان جة الوقت الى نخاطب فية فيات بمشكل التوكيل فى مصر
وعن تجربة شخصية لاحد الاعضاء الناس فى قمة الزوق و التعاون و التفاهم
كفاية انهم بيردو على اى ميل بيجلهم و بمنهتا الادب و الاحتراف بدون اى معرفة سابقة مع الراسل
[/frame]
انا كنت عايز اسال سوال انا هجيب الجراند بونتو 2010 بس خايف من اللى بيحصل ده والعربيه عاجبانى جدا
العربية ممتازة لو مانيوال
بالنسبة للاوتوماتيك الاستاذ أحمد شوقي بيعاني انه مش عارف يفهم الاوتوماتيك بتاعها و يسوقه كويس.
الاستاذyaserit عاجبة الاوتوماتيك جدا و فاهمه
ده ملخص الاحداث انا عن نفسي ما بحبش الاوتوماتيك عشان كده جبتها مانيوال
بالنسبة للتوكيل هو عادي زي باقي التوكيلات مش وحش ومش ممتاذ اوي يعني
فيه مفاجأة يا جماعة :10D5C8~1107:
عارفين بعد متعذبت 4 أيام فالتوكيل علشان اظبط الزوايا لقيت العربية برده بتحدف رحتلهم قالولي هيا كده بقت مظبوطة و هيا الطرق بتاعت مصر هي اللي مش مظبوطة ده على أساس إني أول مرة اركب عربيات و لقيتهم مش ناويين يعملوا أي حاجة تاني
رحت لبتاع العفشة اللي بتعامل معاه بص عالعربية قال لي مفيش أي خبطات من تحت قلتله اطلع جربها شوفها هتحدف ولا لأ لأني بقيت موسوس :B4_592: ومش قادر احدد بتحدف ولا لأ المهم طلع جرب و لقاها بتحدف فعلا
روحنا لبتاع كاوتش لقينا العجلة قدام يمين مظبوطة علا 28 والباقي على 32 :dzey:
طبعا كلكم عرفته العربية كانت بتحدف ليه
ظبط العجل كله على 32 العربية بيت مسطرة ما شاء الله
لا تعليق
[frame="9 10"]
والله انا مش عارف
ابارك ليك ان المشكلة خلصت ولا اعزيك فى مجهودك على الفاضى
بس الحمد لله انها خلصت على كدة
والحمد لله انها مكنتش مخبوطة انا عارف لسة العربية جديدة و دى حاجة تزعل
وبردة مقدرش اعاتب التوكيل
لانة من الاول كان ممكن تتاكد من ضغط الهوا و دة اجراء دورى مرتين فى الشهر على الاقل
وملهاش دعوة بان العربية جديدة او مستعملة ولا حتى نوع العجل ولا عمرة ولا المشاوير او الف بالعربية
كان المفروض تراجع دورى عليها بنفسك
عموما كفارة و الف مبروك عليك العروسة و ربنا يحفظك و يحفظهالك
[/frame]
ربنا يخليك يا أستاذ حسام و أنا شاكر اهتمامك
أنا العربية لسة مكملتش معايا اسبوعين و المفروض انهم قبل مايحطها على جهاز الزاويا يظبط العجل أو على الاقل يسألني أنا ظبطه ولا لأ مع العلم انهم حطوها على جهاز الزوايا 3 مرات و مفيش ولا مرة خدوا بالهم من الموضوع ده
طيب ممكن معلش سوال تانى انا عايز اجيب الجراند هاى لين بي بفكر استنى شويه واجيب الايفو عشان كماليات اكتر وعشان شكلها اجمد فى الطابلو الكاسيت و الشنطه وباقى الحاجات مع العلم ان فى تيكنولوجيا احدث فى الموتور بس الموتور 1300 مش 1400 انتو ايه رايكو بجد استنى لشهر 2 ولا اتكل على الله واجيبها
[frame="9 10"]
اولا لا شكر على واجب
ثانيا الف الف مبروك على العربية
انا كنت فاكر انها بقالها معاك اكتر من كدة
بس بصراحة كدة يبقى على راى م/ احمد
روح افتح القاموس المصرى فى ................ للتوكيل
المفروض ان جهاز الزواية المحترم يبان فية ظبط العجل بغط النظر عن حالة و ظغط الكوتش
وبيبان لو فية فرق فى الضغط على الجهاز فى قياس ارتفعات نقط اكسات العجل
اتمنى يكون كلامى مفهوة
يعى لو عجلة مهوية عن التانية بيبان دة فى ارتفاع العجلة عن اخرى فى الجهاز
من اجمالى كلامك و كلامى
اتمنى الاقى تقييم اقل من فاشل للتوكيل دة
اظن انة جة الوقت المناسب انى اعمل استفتاء عام
ارسال ميلات لشركة فيات بشكوى جماعية او متفرقة من التوكيل:khd:
يا ترا موافقين ؟؟؟؟؟؟؟؟؟؟:36_1_37[1]:
[/frame]
دووووس يا باشا واحنا معاك
[frame="9 10"]
انا عند وعدى
الموضوع مفتوح للمشاركة
ارجو الاهتمام لو فعلا عيزين نعمل حاجة مؤثرة و فعالة لينا فى الاخر
http://www.nilemotors.net/Nile/111171-a.html
[/frame]
للاسف توكيل اوماترا افشل تمثيل لفيات في مصر سواء من ناحية التسويق او الرعاية وخدمه ما بعد البيع وده شيء طبيعي لواحد هدفه الربح اولا واخيرا ومالوش دراية بالسيارات والاعمل المتعلقة بها ودة سببه الرئيسيي دخول من ليس له درايه في مجال مش بتاعة اساسا وحسبي الله ونعم الوكيل في من ظلم فيات في مصر
[frame="7 60"]
والله يا جماعه انا لسه مرحتش الصيانه بس حاسس ان الناس بتوع التوكيل معندهمش خبره كفايه بأمكانيات العربيه وديه حاجه مش حلو وشوف الكيا لما اتعمل لها شوية دعاية اكلت السوق وعلى فكره الفيات احسن منها بكتير بس ربنا يسامح الوكيل اللى فى مصر
[/frame]