الموضوع: عندى شكوة صغيرة فى السحب

السلام عليكم...........يارب تكونوا بخير جميعا
العربية طول ما انا مسايسها زى الفل وتسحب وتجمع براحتها ومفيش حاجة عاملة اعاقة للسحب ولا التجميع
اما لو جيت وكبست دواسة البنزين على الاخر اول ما اوصل ل4 او4,5 ار بى ام الاقى الغيار قفل والعربية تكن كدة.
قفلت الغيار دى كأنى جبت اخر الغيار خالص والمؤشر دخل فى الred zone فى عربيات زى الماتريكس لما سوقتها وجبت بيها اخر الغيار العربية مش بتفصل لا دة الغيار بيقفل ساعتها و المتور صوت على الفاضى مفيش عزم والعربية من كتر العزم اللى كان بيطلع من المكنة تحس انها كنت اوى زى ماتكون بتجر حاجة وسيبتها مرة واحدة بس لو( كبست الدواسة على الاخر معملتش زى عندى وتفضل تسحب لحد اخر الغيار )

نفس الموضوع دة بيحصل معايا اول ما اوصل ل4او4,5 ار بى ام بس لما بكون كابس الدواسة على الاخرفقط
لو ماشى عادى ومحمل على الغيار هتفضل تكمل نعايا وهتعدى ال4 وال5 وال6 اربى ام عادى....
طبعا بشيل رجلى فى ساعتها لو نزلت بيها تانى على البنزين وعادى براحة هتكمل الغيار بردو

دلوقتى شيفين الكلام كدة عادىوالعربية كدة ولا ياترى عندى مشكلةفى الحساسات بتدى اشارة خطأ وبيفصل الغيار بدرى ولا اية بالظبت و بالنسبة للأخوة اللى طريقة سواقتهم رياضية شوية وينقلوا على ال6,5 اربى ام بيحصل معاكم كدة عادى ولما اكبس بنزين على الاخر فى حد واخف رجلى من على الدواسة مثلا بعد متوصل المكنة لعدد لفات معينة عشان انا مش متعود ازود على ال3.5 اربى ام ولو بجرى العربية كل اسبوع ولا حاجة بسيبها تسحب براحتها وانقل على ال5 اربى ام

نورونى الله يخليكم واشكركم لقراءة الموضوع

المشاركة الأصلية كتبت بواسطة hosamdaewoo

ما انا كل ما اجى اتكلم تقولى انا فى انتظار رد الاخوة ؟؟؟-----
فبطلت اتكلم معاك علشان ما تكسفنيش

ياباشا لاسمح الله انت بتقول كدة لية كسوف اية اللى بينا ما احنا كلنا اخوات
كلنا هنا لما حد يحتاج حاجة كل واحد بيقول رأية او لو مر بتجربة زى دى قبل كدة اكيد هيكون عندة خبرة لانة اتعامل مع المشكلة لحد محلها مع اراء الخبراء فى المنتدى والمهندسين بنقدر مع بعض نوصل لحل المشكلة

وانا قصدى( بأنتظار باقى رد الاخوة)
انى عايز اسمع اراء كتيرة حضرتك تقول رأيك ودة يقول رأية و انا اقول رأيى و نشارك كلنا الحوار
مش يمكن لما كل واحد يقول رأية واحد يكون عندة معلومة عن حاجة مش كاملة وشاف رد كملة معلومتة الناقصة يبقى هو كمان استفاد من الموضوع مش شرط انا لوحدى اللى استفاد
كمان ماحضرتك مش من ضمن الاخوة اللى بقول عليهم والله ياباشا رد اى حد على عينى وعلى راسى حتى لو دخل وقال معرفش كفاية انة قدرى دى عندى اهم من انى اعرف حل المشكلة حتى معرفة الرجال كنوز
ومقصدش ولا جة فى بالى انى لا اكسف ولا اصد حد فى مشاركة انا بعتبر الكل هنا اخواتى فالله بس كدة
بس لو الجملة دى مزعلاك انا هبطلها خالص ياسيدى ومتزعلش لو فهمت قصدى غلط وحقق عاليا
وكل سنة وحضرتك طيب وياجماعة اللى بردو فهم الكلمة دى غلط ومش عايز يرد عاليا عشان كدة حقة عاليا
انا مقصدش غير اللى قولت عالية