الموضوع: السواقة و الGames

المشاركة الأصلية كتبت بواسطة zoro007

على فكره دا نفس اللى بيحصل معايا واللى كنت بعمله فعلا وانا مش حاسس فى لعبه نيد فور اسبيد لما بتمشى بسرعه مقابل لعربيه مع فرق بينك وبين العربيه سنتيمترات بتاخد بوينت علشان تشحن النايتروز

دا اللى كنت بعمله فى الحقيقه وانا مش واخد بالى حاجه غير اراديه على اساس اخد بوينتات وكنت سايق عربيه قريب لى قبل كدا كان هيتجنن جمبى العربيه جايه مقابل ويلاقينى قمت شادد مره واحده ورايح عليها ههههههه ويدوبك بينى وبينها مسافه تكاد انى احكها

لكن الحمد لله بقالى فتره نسيت الموضوع دا لكنى لسه بلعب :(

سيارتى المفضله اللى بلعب بيها لانسر افليوشن

ربنا يستر

لسة كنت راكب مع واحد صاحبي امبارح وكان بيسوق بنفس الطريقة يعني لو الطريق واسع وفي عربية ماشية يروح يزنق عليها لدرجة انه كان هيخبط واحدة
فقمت مزعق فيه وانا مستغرب اللي بيعمله وقلتله في ايه ؟؟؟؟؟؟؟؟
قاللي والله انا مش عارف هي تقريبا عادة ومش عارف ابطلها فراحت جت في دماغي مشاركتك
فاقلتله انت بتلعب under ground كتير ؟
قاللي اه
فاقلتله بطلها عشان هي السبب وحكيتله المشاركة بتاعتك
ربنا يستر

المشاركة الأصلية كتبت بواسطة memoo305

بص أنا كنت مدمن racing games قبل ما أركب عربيات .بس لم ركبت العربية بقيت ما بعرفش ألعب games خالص وان لعبت لما أطلع الأخير أو Game Over H أوتخنق وماكملش اللعب .مش عارف ليه

حاول يبقي عندك روح المنافسة

المشاركة الأصلية كتبت بواسطة horas3000

و انت فكرتني باليوم اللي حضرت فيه فيلم Fast and furious الكل طلع من السينما سخنان جدا و كله روح شد و حرق

متفكررررررررررررنيش......انا اليوم دة كنت قاعد عمال افصل على الكرسى اساسا.....عيشت ايفا فى دور الفيرارى يويمها ...حمالة اسية والله يا ايفا .........وكمان طالعين الساعة 2 بليل والشوارع فاضية واللطيف ان الكوتشات عندى ممسوحة وجايبة اخرررها والعربية بتعوم لا ارادى وبلحقها على اخر جية ملف بيطلعك على شارع رايسى وعشت الدور وطلعتة بتعريضة والعربية لما صدقت ومش راضية تعدل لدرجة انها وصلت للرصيف البعيد وصحابى عايشين الدور ومعليين الكست وعمالين يقولوا يا جامد وبتاع وانا ...يا قلب امى كان قلبى هيقف ساعتها من المنظر وكنت بتشاهد على روحى

.....ومن ساعتها مسميها ايفا سسبينس ..تصغير الايفو يعنى هههههههه....وسسبينس لانها بتعيشك جو الافلام السسبينس لا ارادى من ثبتها الخرافى ...........

المشاركة الأصلية كتبت بواسطة memoo305

المشكلة في موضوع المنافسة دية أن الواحد بتلاقية بقى ماشي متحفز جداً لأي حد يطلع منه أو يزنق عليه أو ....(الحاجات إلى طرق وسائقي المحروسة معروفين بيها). الكلام ده مابيخليش حد يعرف يركب معاك ( الكل بيعاملك أنك معاك شهادة معاملة أطفال). و برده الموضوع ده بيأثر عليك في أنك بتلاقي نفسك متوتر ومصدع بعد كل مشوار بالعربية.
ده مايمنعش أن الواحد بيعمل كده فعلاً (مع مرعاة أن الموضوع ده بدء يقل بعد ما تخطيت سن الثلاثين)

حلوة شهادة معاملة الاطفال ده هههههههههههه
للاسف لسة فاضلي كتير علي التلاتين