هل من الممكن عمل تعديلات على اللادا 2107 حتى يصبح شكلها مقبول وحلو حيث اننى مقتنع بها كاداء ولكن شكلها مش عاجبنى وفين يمكن عمل هذه التعديلات وسعرها كام وشكرا
عرض للطباعة
هل من الممكن عمل تعديلات على اللادا 2107 حتى يصبح شكلها مقبول وحلو حيث اننى مقتنع بها كاداء ولكن شكلها مش عاجبنى وفين يمكن عمل هذه التعديلات وسعرها كام وشكرا
حضرتك مبدأيا تجيب تقم جنوط مع كاوتش نقشة رياضية بجد بيفرق جامد جدا جدا فى شكل العربية
الف شكر على اهتمامك وارجو الزيد من الردود
ليه مفيش اى رودود لرجو من اهل الخبرة الافادة فى هذا الموضوع
اول حاجة تعملها انك تهبطها في الحرفيين
بص يا سيدي .. انا عاوزك تقتنع تماماً انك راكب حته حديده .. و بوكس شيب علي الاخر ..
الشكل المقبول ... الله اعلم .. القوه في الاداء .. ارمي مكنه فلومكس .. او مكنه توين كام بتاعه كروما تيربو .. او اي مكنه توين كام جامده ..
بالنسبه للشكل .. الشكل مش وحش .. و مافيش في ايدك كتير تعمله
(عندنا لادا برضه احسن حد يفتكر اني باعيب فيها )
بص انت تركبلها طقم جنوط وكاوتشات مقاس 14 / 185 يعنى الجنط تجيبه 14 والكاوتش 185 وماتحاولش تعرض الجنط عن كده عشان العفشة بتاعت العربية يعنى 14 مناسب لـلادا
والكاوتش تجيبه مقاس 185 ده ممتاز جدا وعندك الأنواع المفضلة للادا
هانكوك / كومهو / ماكسيس / جى تى دول أفضل انواع للادا
ممكت تركب كساحة قدام تحت الاكصدام بس تكون عريضة عشان تديك منظر حلو وتركب فيها كشافين شبورة حجم كبير
وممكن تعمل فرش نضيف يتكلف حوالى 600 جنيه وطقم دواسات حوالى 100 جنيه وسماعات كبيرة وكاسيت Cd وتركب اسبويلر كويس
وكده عربيتك هتبقى عروسة وربنا يباركلك فيها
+ 100
w momken kaman te3melaha zawayed ya3ni 2eksedamat w 3atab sport w momken law 3awezha sport 2awi momken spoiler ma3dan w tesa2atha shwaya . 7atedi shakl sport gamed 2awi ( ma3 enni mesh ma3 fekret tas2it el 3arabeya ) la2enaha 7atdor el 3arabeya 3ala elmada el tewil w zay mat7eb ya basha
تمام زي ماقال الاستاذ / شريـف بس ممكن لو توطي العربيه شويه معا الجنط حيبقا شكلها حلو جدا ..
في حاجه كمان ممكن تعمل الفنوس من قدام رنجات حيبقا شكلها تحفه وتشيل الاكصدامات .. وأليك صور للادا :-
http://www.forum-auto.com/uploads/20...97935_lada.jpg
ودي صوره فيها كساحه حيبقا شكلها حلو عندك بأذن الله
http://www.motoradictos.com/images/2...a_tuning_1.jpg
ودا فيديو للادا بتعديل من شركه لوتس العالميه اضغط هنا