الناس الا ساكنة فى الدور الاخير

**Lion_Heart** · 06-12-2009 04:16 PM

المشاركة الأصلية كتبت بواسطة egyptawy2010

طيب لو حبيت اعمل العزل ده ياترى هيكلفنى كام

لو تقصد الحرارى بس
افضل الانواع هو فوم سعودى خاص لونه ازرق و اللوح عبارة عن 50سم * 1م سمك 5سم
و على فكرة السمك فى اى نوع المفروض انه لايقل عن 5سم لضمان الفعالية
و المتر المكعب يعمل حوالى 20 متر مسطح بعدد 40 لوح لما يكون اللوح سمك 5سم
و سعر النوع السعودى للمتر المكعب بيزيد عن 700 جنيه
فوم ازرق 700 جنيه/م3 - مصر - دعايات وإعلانات مبوبة
المصرى ممكن تلاقية اقل بكتير و هتلاقبة عند محال البناء الحديث بأسعار متفاوتة
لكن بصراحة مش عارف الاسعار نظامها ايه دلوقتى .
يارب اكون افدتك .

خللى بالك لو هتعمل العزل الحرارى لازم على الاقل يكون فوقه خرسانة الميول كالسابق لأنه لو اتساب مع نفسه طبعا بيطير

و انا رأيى الشخص تعمل فكرة الصاج المجلفن هنلاقيها ارخص و كمان افضل و ربنا معاك .

**SeiffoZ** · 06-12-2009 04:42 PM

أصلا فى سقف الدور الأخير بيكون فى عازل حرارة ...

و سقف الدور الأخير ده بيتكون من طبقات زيادة عن أى دور زى طبقة خرسانة 7 سم و عازل رطوبة و عازل حرارة ده غير الرمل و المونة و البلاط ....

و أصلا إنت أخر دور لكن هل إنت أخر سقف؟؟؟ فى ساعات بيكون فى غرف فوق إضافية زى غرف االمصاعد و غرف خزانات المياه ....

بس عامة لو عايز تركب عزل غالبا هتضطر تكسر فى الخرسانة و تشيل العزل القديم و تحط العزل الجديد أو لو لسه العمارة فى طور البناء خلى الشركة تعملهولك لأن التكلفة مش تركيب عزل بس لا ده تكلفة تركيب رمل و مونة و بلاط للسطح كله و كمان خرسانة الميول ....

**sha2e** · 06-12-2009 04:50 PM

لو حضرتك هتنفذ فكرة الصاج فنصيحه خاصه لازم تهتم جدا جدا بتثبيته والتأكد كل شتاء من ثباته
لأنه للأسف بعد مرور 4 او 5 سنين بيضعف وبيكون قابل للأقتلاع بفعل الهوا الشديد او الرياح اثناء فصل الشتاء
وفى حالة طيرانه قد يسبب مشاكل يصعب حلها عند وقوعه فقد يسقط على رأس احد المارة ويودي بحياته او يسقط على سياره وتتحمل انت تكاليف اصلاحها
لذا وجب التنبيه

**lancerevolution** · 06-12-2009 05:09 PM

مبروك الشقة أولا
ثانيا موضوع الحر فدا صحيح مية فى المية إحنا شقة دور أخير و الحر بيبقى شديد و السقعة اشد لو الوجهة قبلى زينا كدا إنما لو بحرى فمابتفرقش كتير قوى

**egyptawy2010** · 06-12-2009 06:53 PM

المشاركة الأصلية كتبت بواسطة lancerevolution

مبروك الشقة أولا
ثانيا موضوع الحر فدا صحيح مية فى المية إحنا شقة دور أخير و الحر بيبقى شديد و السقعة اشد لو الوجهة قبلى زينا كدا إنما لو بحرى فمابتفرقش كتير قوى

ليه كده بس زعلتنى بجد

طيب هل المكان والدور بيفرق
يعنى انا فى اكتوبر وانا فى تالت بلكونة الا هى الاخيرة يعنى 4 ادوار بس

هو صحيح الاخير لكن مش عالى قوى انت الدور الكام؟
وكمان الشقة مفتحة من 3 اتجاهات يعنى نصها قبلى ونصها بحرى

كده يعمل فرق ولا ايه