312.5 جنيه ومنتظر بالنسبة لعلبة الدريكسيون توصلهم من بره هغيرها (مجاناً طبعاً)
عرض للطباعة
312.5 جنيه ومنتظر بالنسبة لعلبة الدريكسيون توصلهم من بره هغيرها (مجاناً طبعاً)
حضرتك نورتنا من تانى,,,,وان شاء الله تغير علبة الدركسيون على خير ومنتظرين ان شاء الله كل جديد,,,,
لسه منتظرين علبة الدريكسيون وظهرت مشكلة صغيرة في دراع المساحات ان المساحات أحياناً بتعلق مبتفصلش (مشكلة بسيطة لما أروحلهم بإذن الله يظبطوها)
أولا: اللبقاء لله, و أدعو الله ان يكون فى الجنة مع والدى و باقى موتى المسلمين
ثانيا: مبروك على السيارة و ربنا يباركلك فيها
ثالثا: شكرا على المجهود و أتمنى ان الساجا الى هحجزها بكرة تكون أحسن من بتعتك :44:
بقالك كتير مش موجود انته روحت فين يا راجل وأخبار الساجا ايه معاك ,,, وغيرت علبة الدركسيون ولا لسة ؟؟؟ ,,, اتمنى يكون غيابك خير ان شاء الله...
الحمد لله دراع المساحات اتصلح في ساعتها وبعد حوالي 20 يوم جتلهم علبة دريكسيون وغيروهالي مفيش مشاكل
واسف على التأخير في الرد
اولا ازيك يا باشا انا حاسس انى اعرفك بقالى تلات ساعات بقرا فى الموضوع
البقاء لله
مبروك العربيه
انا عاوز اجيبها بس خايف من حاجه
اسمع والله اعلم كده ان التوكيل بيعامل الناس معامله تيت اخر حاجه
وكمان حوار علبه الدريكسيون والمساحه وكده وده انا بشوفه عادى وحظ ومفيش حاجه كامله
بس تانى بقولك على المعامله ؟؟؟؟
عاوز اعرف هيا بقالها كده معاك فتر قد ايه وهكلم حضرتك لما انوى اشوف موضوع البنك عشان هقسط
ولو ليك رأى فى التقسيط زى مين احسن البنك ولا الوكيل بيقسط كده يعنى موووووووضع ممتاز
دى اول مشاركه ليا بس انا متابع الموقع من فتره
ونسيت اخبار الزراير ايه وخامات التابلوه وكده لو زى الفيرنا تبقى ممتازه او الافيو حتى
وهل ممكن اى ميكانيكى ممكن يشتغل فيها ولا ده سؤال سابق لاوانه ؟
شكررررررررررررررررررررررر ررا
ربنا يخليك يا غالي واسف على التأخير في الرد معلش دخولي قليل جداً اليومين دول
بالنسبة للعربية انا عامل حوالي 23 ألف كيلو واقدر أقولك 3 كلمات
العربية رافعة راسي
انا مشيت بيها على جميع أنواع الطرق اللي ممكن تتخيلها
طرق محترمة - طرق ترابية - طرق متكسرة - طرق رملية - طرق منتهى قلة الأدب مفيش عربية ترضى تمشي عليها
ركب معايا فيها اسرة واسرتين واحياناً 6 عمال + أنا متسألش ازاي
حملت فيها كل ما تتخيله
حديد - شكاير اسمنت - عدد - مراتب سراير - كراسي - مواسير- خشب
أقصى سرعة جربتها 165 وراكب 4 بالغين + 4 اطفال + شنطة مليانة على الأخر + تكييف شغال
مشيت بيها في العاشر من رمضان - الشرقية - القاهرة- العين السخنة
ولله الحمد ولا مرة كسفتني
الخلاصة
اشتريها وانت مطمن وعلى ضمانتي