الحمد لله اشتريت الساجا

**Honda_lover** · 04-12-2009 09:06 PM

انا متفق تمام الاتفاق مع كلام أخو الاستاذ allo ان العربية اللوجان تقفيلها الخارجي سئ للغاية مع اني مشفتهاش لسة من الداخل :
1- عمر حد شاف عربية تكون جرايد السقف مش واصلة لاخر العربية منتهية فقط عند الباب الخلفي.
2- فين جلد الزجاج الخلفي تحس ان الزجاج الخلفي راكب بأنبوبة أمير.
3- امسك كده جلد الزجاج الأمامي هتلاقيه مخاصم الزجاج معرفش ليه مجرد مظهر فقط.
4- عمر حد شاف عربية زيروو وتكون البهية بتاعتها مسيلة.
وانتظروا تقييمي علي السيارة من الداخل ان شاء الله.

**Abo.Mayyam** · 04-12-2009 09:08 PM

ربنا يباركلك فيها ويحفظهالك من أى سوء...

وزى ما حضرتك بتقول الموضوع أذواق

والصراحة اللوجان عربية تحفة والساجا عربية تحفة وربنا يحفظلنا عربيتنا من أى سوء وربتا يجعل مشاورنا بيه كلها فى رضا الله عز وجل

**gebreel** · 04-12-2009 09:24 PM

الف شكر يا باشا على ذوقك بس ياريت بردو اعرف وجهة نظر اخو حضرتك على التقفيل الخارجي ليها

المشاركة الأصلية كتبت بواسطة ahmedromance

انا متفق تمام الاتفاق مع كلام أخو الاستاذ allo ان العربية اللوجان تقفيلها الخارجي سئ للغاية مع اني مشفتهاش لسة من الداخل :
1- عمر حد شاف عربية تكون جرايد السقف مش واصلة لاخر العربية منتهية فقط عند الباب الخلفي.
2- فين جلد الزجاج الخلفي تحس ان الزجاج الخلفي راكب بأنبوبة أمير.
3- امسك كده جلد الزجاج الأمامي هتلاقيه مخاصم الزجاج معرفش ليه مجرد مظهر فقط.
4- عمر حد شاف عربية زيروو وتكون البهية بتاعتها مسيلة.
وانتظروا تقييمي علي السيارة من الداخل ان شاء الله.

يا فندم بالنسبة لموضوع جرايد السقف دي انا معاك بردو مش فاهمها بس متعيبش العربية في شئ
جلد الزجاج الخلفي لو حضرتك فتحت شنطة العربية هتلاقي الزجاج الخلفي متقفل بطريقة جديدة و في نفس الوقت محكم جدا زيو زي الجلد العادي و حضرتك الرينو عموما بيبقى ليها على حد علمي طريقة معينة في تركيب الزجاج و سيليكون معين
بالنسبة لجلد الزجاج الامامي انا شايف انو مش مخاصم الزجاج ولا حاجة ولا فيه بينهم اي مشاكل دول حتى واخدين بعض عن حب

موضوع البوية ده بقى من فضلك قلي فين اللي مسيلة دي؟! ده مستحيل و العربية عندي ما شاء الله بويتها زي الفل و مش مسيلة ولا بهتانة ولا الكلام ده خالص عربية زي اي عربية في البوية بتاعتها
ارجو من حضرتك التوضيح و تقيم العربية ككل مش بس شكل خارجي لأن فيه ناس كتير مش قابلين الشكل الخارجي بتاعها و دي مسألة اذواق
و عموما احنا مش هنقلب الموضوع هنا لمقارنة بينها و بين الساجا لأن ال2 عربيتين محترمين جدا بس انت عارف محدش بيطيق يسمع كلمة على عربيتو اللي بيحبها

بس احنا بس عاوزين توضيح للناس علشان الفائدة تعم

**gebreel** · 04-12-2009 09:34 PM

المشاركة الأصلية كتبت بواسطة nomercy22

لولا اختلاف الاذواق لبارت السلع انا شايف ان اللوجان حلوه والساجا حلوه وبقول الحمدالله اني اشتريت اللوجان لاني كنت هتعب من التفكير والمقارنه والحمدالله انا راضي عن اللوجان بنسبه 100% وربنا يباركلي فيها يارب

+1

**Youssef.Awad** · 04-12-2009 09:35 PM

100000000000000000000000000000000
مبروووووووووووووووووووووو ووووووووووووك

وفى انتظار المزيد من التفاصيل ورأيك بكل حيادية لإفادة الغير طبعا ...

**Egyzizo** · 04-12-2009 10:58 PM

شوف يا أخ أللو .. أنا شايفك فرحان بعربيتك الجديدة .. ومتحمس لها ، ودى حاجة كويسة ، وربنا يباركلك فيها .. بس أرجو ان حماسك ده لا يجعلك تتعامى عن العيوب اللى هتطلع فى العربية فى الكام يوم الجايين ..
أنا باقول لك الكلام ده لما لقيتك بتشكر فى الخامات الداخلية المتواضعة للساجا والتابلوه البلاستيك بتاعها ، فقلت مابدهاش بقى من الكلمتين دول ..

أنت اشتريت عربية ماليزى ، والطراز الاقتصادى بتاع الماليزى كمان ..
ان شاء الله تستر معاك وتعيش وأهى على قد فلوسها ..
بس رجاء خليك مفتح للى متوقع انه جاى ، وما تطنشى عن أى عيب موجود أوهيظهر فى العربية بوازع من فرحتك بيها وحماسك لها ..

وربنا يبارك لك فيها ..

**medo2o1o** · 04-12-2009 11:15 PM

المشاركة الأصلية كتبت بواسطة egyzizo

شوف يا أخ أللو .. أنا شايفك فرحان بعربيتك الجديدة .. ومتحمس لها ، ودى حاجة كويسة ، وربنا يباركلك فيها .. بس أرجو ان حماسك ده لا يجعلك تتعامى عن العيوب اللى هتطلع فى العربية فى الكام يوم الجايين ..
أنا باقول لك الكلام ده لما لقيتك بتشكر فى الخامات الداخلية المتواضعة للساجا والتابلوه البلاستيك بتاعها ، فقلت مابدهاش بقى من الكلمتين دول ..

أنت اشتريت عربية ماليزى ، والطراز الاقتصادى بتاع الماليزى كمان ..
ان شاء الله تستر معاك وتعيش وأهى على قد فلوسها ..
بس رجاء خليك مفتح للى متوقع انه جاى ، وما تطنشى عن أى عيب موجود أوهيظهر فى العربية بوازع من فرحتك بيها وحماسك لها ..

وربنا يبارك لك فيها ..

ربنا انساءالله هايباركله فيها وبعدين ماله الماليزى ماهه زى الفل و بيتباع فى اوربا (انجلترا)
وانساءالله مايبقاش فيها عيب قولو يا رب

-

-

الموضوع: الحمد لله اشتريت الساجا

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله حجزت الساجا المنيوال

اشتريت الساجا ورخصت

الحمد لله حجزت الساجا

الحمد لله على الساجا

اشتريت الساجا النهارده والحمد لله

الكلمات الدلالية لهذا الموضوع

المفضلات

المفضلات

ضوابط المشاركة