الموضوع: الحمد لله اشتريت الساجا

الفرامل كويسة جداً
لاحظ انها مش abs

طب اية نظام عزل الصوت؟؟؟

راجع موضوع الاستاذ محمود بخصوص العزل هو موضح جميع النقط

في موضوع بروتون ساجا تقرير بدون صور

المشاركة الأصلية كتبت بواسطة allo

انا نزلت معرض العربيات القريب مني اتفرج على اللوجان وكان معايا أخويا, أول مشفناها أخويا قال إيه التقفيل الزبالة ده .
للأسف أنا كنت متحمس جداً للوجان من كلام الناس عنها لكن بعد مشفت التقفيل صرفت النظر عنها.

الف مبروك يا سيدى بس حضرتك الى بلغتنا بكلام اخوك مش هو فياريت حضرت تقولنا ايه راى اخوك بقى فى تفقيل الساجا والتابلوه بتاعها ( ده عامل زى البلاستيك الى بيلموه من الزباله فى مصر وبيعديوا تدويره ده رأى اخويا برضه)

المشاركة الأصلية كتبت بواسطة wmz

الف مبروك يا سيدى بس حضرتك الى بلغتنا بكلام اخوك مش هو فياريت حضرت تقولنا ايه راى اخوك بقى فى تفقيل الساجا والتابلوه بتاعها ( ده عامل زى البلاستيك الى بيلموه من الزباله فى مصر وبيعديوا تدويره ده رأى اخويا برضه)

والله الساجا دي أخويا اللي خد باله منها (يعني لفت انتباهه نضافة تقفيلها عن اللوجان)رأي أخويا برده:b4_033:

المشاركة الأصلية كتبت بواسطة allo

والله الساجا دي أخويا اللي خد باله منها (يعني لفت انتباهه نضافة تقفيلها عن اللوجان)رأي أخويا برده:b4_033:

يعنى
كنت متوقع رد جامد وعصبى بس خيبت ظنى وردك مكنش فيه عصبية وبعدين الصورة بتاعة الابتسامة مظهرتش عندى
بس عاوز اعرفك حاجة مهمة وديه نصيحة لوجه الله
لما بيبقى واحد دافع دم قلبه فى عربية ويجى يلاقى واحد بيقول عليها زباله ده بيزعله قوى
وبعدين اللوجان بجد عربية حلوة بحد وتفيلها كويس قوى العربية مع والدى وطبعا اخويا ما يعرفش الساجا اصلا عشان يقول عليها حاجة
عشان دفعك بالتى هى احسن (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
هقولك مبروك عليك وربنا يديك خيرها ويكفيك شرها

المشاركة الأصلية كتبت بواسطة allo

راجع موضوع الاستاذ محمود بخصوص العزل هو موضح جميع النقط

في موضوع بروتون ساجا تقرير بدون صور

السلام عليكم

أنا مستغرب من رد حضرتك شوية , ايه المشكلة لما حضرتك تقولنا رايك الشخصى لأنك تعتبر أكتر واحد ساق العربية و أصبح عنده علم و خبرة بمزاياها و عيوبها وزى ما حضرتك عارف اى عربية جديدة بتبان مزاياها و عيوبها الحقيقية مع الوقت و المشى الفعلى بيها

كمان فى موضوع مقارنة بين الساجا و اللوجان فى قسم المقارانات لسه شايفه , و صاحب الموضوع بيتكلم بثقة عن مشاكل للساجا وانا مش لاقى حد رد عليه تمام فى النقط اللى قالها نظرا لقلة المستخدمين الفعليين للساجا , وبصراحه انا بدات اقلق اوى لأنى كان اصبح اقتناعى بالساجا 90% , أنا عايز اشترى عربية ولسه محتار بين الساجا و اللوجان و الجيتز

,و اتمنى ان ربنا يكمل شفاء والدك على خير