ارجو المساعده من اعضاء قسم رينو انا محتار اختار اللوجان ولا البيجو 405 علما يان سيارتى مرسيدس معدل واريد التغيير .......:3_3_102[1]:
عرض للطباعة
ارجو المساعده من اعضاء قسم رينو انا محتار اختار اللوجان ولا البيجو 405 علما يان سيارتى مرسيدس معدل واريد التغيير .......:3_3_102[1]:
حضرتك قصدك على ال 405 الايرانى الجديدة ؟
وحضرتك معاك مرسيدس موديل كام ؟ وعاملة معاك مشاكل ولا لأ ؟
والله انت في حيره فعلا انا هقولك علي اللوجان عربيه ممتازه بس بصراحه ماجربتش البيجو بس هوعيب البيجو ان الشكل يعتبر قديم هو فعلا قديم بس ياريت تنقل موضوعك قسم المقارنات
ايوه انا اقصد 405 الايرانى الجديده والمرسيدس اللى معايا موديل 77 بس كل المشكله اللى عندى انى غيرت 3 طرمبات بنزين فى مده حوالى 4 شهور عشان كل شويه تجيب زيت .... اسف للاطاله:majd(4):اقتباس:
المشاركة الأصلية كتبت بواسطة ringoo
انا معلوماتى قليلة جدا عن الروة الايرانى شوف الموضوع دة حتلاقى اراء محترمة جدا وحيادية عن العربية
http://www.nilemotors.net/Nile/21001-405.html
وطبعا فى قسم رينو مش حتلاقى اكتر من المواضيع عن اللوجان وانا بعد ما قرات الموضوع دة ارشحلك اللوجان عنها
405 نلزلة تاكسي ولكن ان هقسملك كام في المية العربيات التاكسي الجديدة اللي بشوفها في الشارع
لانوس27%
فيرنا 27%
سبيرانزا 25%
لادا20%
بيجو 1%
ده مش احصائية مدروسة ولكن من خلال مشاهداتي
و ده يدل علي ان البيجو مش ناجحة كتاكسي طيب ليه؟
اكيد في سبب انا الحقيقة مش عارفه
بس اللي اعرفه عن اللوجان انها ممتازة ولو اشتغلت تاكسي هتكتسح
فعلا لو اللوجان بقت تاكسي حتكسح الدنيا ويا سلام لو 7 راكب مكان البيجواقتباس:
المشاركة الأصلية كتبت بواسطة eng.geo
الرينو السبعة راكب شوفت منها تاكسى كتير فى اليكس بس تاكسى سياحة اللى هوا بتاع المطار و الفنادق الكبيرة
نصيحة الوجان افضل من اى حاجة
و ربنا يوفقك
اللي بيبقي لونهم رمادي ؟اقتباس:
المشاركة الأصلية كتبت بواسطة alex_life1989
ده كانت شغالة تويوتا كورولا من 3 سنين
عاش لوجان
الوجان طبعا الروءا عربية وحشة جدا وروح لقسم البيجو وانت هتلاقى مواضيع عنها هناك
حتى لو مش اللوجان
نصيحة منى ابعد عن البيجو 405 ايرانى
أنا معايا لوجان ومعجب جدا بيها واشتريتها بعد مقارنات مع عربيات كتير يعنى قارنتها بالكورى ولاقيت اللوجان تكسب اكيد بس بصراحة انا ما فكرتش فى ال 405 عشان شكلها ما عجبنيش وديه اذواق فلو عجبك شكلها فأنا اعتقد أن المقارنة هتبقى صعبة لان البيجو اسم مش قليل بس أنا سمعت أن تقفيل الايرانى مش حلو والتقفيل المصرى افضل بكتير بس المصرى ب 90000 وبتستلم بعد 3 شهور تقريبا
انا شفت لوجان 7 راكب تاكسي عادي اللي هو ابيض و اسود في صلاح سالم ناحيه دار المركبات كده
أنا كنت سامع أن اللوجان 7 راكب هتكون محل بيجو 504 الى شغال بين المحافظاتاقتباس:
المشاركة الأصلية كتبت بواسطة cheetos_892005
انا شايف كدة برضوااقتباس:
المشاركة الأصلية كتبت بواسطة zkralla
يعنى هنا فى الاقصر فى حوالى 5 / 6 عربيات لوجان mcv شغالة تاكسى زى الفل
انا كنت هقولك البيجو 405 الإيرانى
بس ده لو كانت بيجو أصلآ
العربية دى فيها موتور إنجليزى - مش فاكر إسمه - و غير كده نظام التعليق بتعها الخلفى قدييييم على جرايد
بصراحة انا لا أفضلها على الإطلاق