بص يا سيدى ...
جينزات وشيرتات وسويت شيرت وكل ما تشتهيه الانفس وتلذ الاعين......بس يا معلم فعلا انت هتبقى اقل مقاس عنده ...
يعنى هتحقق أمنيه حياتك فى انك تاخد الهدوم وتروح تضيقها عند ترزى......يلا يعم مش حارمك من حاجه اهه...
عرض للطباعة
ههههههههههههههههه
يعني انا هبقى المقاس الضايع مابين البني آدمين العاديين والبني آدمين الوحوش صح ؟
بجد انا هبقى اقل مقاس
بجد والله انا مش قادر اتخيل انني ممكن ادخل مكان ويقولي مقاسك مش موجود زي مابسمعها كل مرة مع اختلاف السبب :36_6_3[1]:
انا انهاردة كان هاين عليا اعيط وانا في محل اكتيف :36_1_2[1]:
فى شارع الخليفة المأمون فى مصر الجديدة ، فيه ممر على اليمين فى نص الشارع تقريباً ، فيه محلات تخصصها بس مقاسات كبيرة وكله كاجوال وجنز ، ولو حد حجم عادى راح مش ممكن يلاقى مقاسه ، وفيهم كمان محل للأحذية مقاسات فوق الـ 45 فقط .. ومعاك لـ 50 وانت طالع.
وفيه ممر تانى فى الكوربة جنب البنك الأهلى فيه محلين نفس النظام.
يا ريت .. وخصوصاً لو كان مجرب ..اقتباس:
لو عاوز اديلك النظام اللي كنت ماشي عليه قولي وانا ابعتهولك
على فكره انا اللي عاملو وجاب نتيجه مبهره بالنسبه ليا
مستني ردك
والنتيجة كام كيلو فى كام أسبوع؟
عشان الحافز يعنى
انا فهمت حضرتك
بس في نقطه معينه
حضرتك بتقول بينجح في الاول وفعلا بتخس
يبقى في حاجه غلط اانا متوقعها
وهي ان حضرتك مش بتكمل الريجيم
النقطه هنا بقى وهي انك لازم تكمل مش لما تلاقي نفسك خسيت شويه تطلع تجري من الفرحه وتروح تاكل وتتخن تاني !!!!!!! (متزعلش مني انا بهزر)
انا مش هحسدك على التلذذ بالاكل لان دي حاجه حلوه اوي ونفسي فيها ههههههههه
عاوز اقولك اني وانا بعمل الريجيم اللي انا عملتوا دا ودي كانت اول مره اعمل كدا في حياتي
قسيت على نفسي اوي وحرمت نفسي من حاجات كتير بس النتيجه في الاخر اني بقيت الاقي لبس كويس اوي ومناسب عليا
بس مشكلتي اني بتخن بسرعه جدا مع قلة المجهود والكسل وبالذات في الشتاء
ودلوقتي انا في مرحلة التقليل جدااااااااااا في الاكل على قد ما بقدر
وباخدها واحده واحده
وادعيلي اني انزل للوزن اللي نزلتلو لما عملت ريجيم اول مره
دا انا جت عليا فتره لبست البنطلون مقاس 36 (عمرها ما حصلت)
علما اني كنت وانا تخين كنت داخل على الخمسينات ههههههههههههه
شجع نفسك وخس والله هتلاقي الحياه مختلفه واحلى من الاول من ناحية الحركه وخفة الوزن
والصحه كمان والنشاط وكلو كلو
أنا آسف مش فاكر قوى ..
أنا آخر مرة كنت هناك الشتا اللى فات ..
بس هو فى نفس الصف بتاع مول الكمبيوتر (اللى فيه الدور التانى بتاع المستعمل) ، وهو قريب منه خالص ، لأنى فاكر انى بعد ما اشتريت اللبس ، عديت واشتريت رامات قديمة من محلات المستعمل اللى فى مول الكمبيوتر
كام كيلو في الاسبوع دي صعب اني اقولك علشان مكنتش بوزن
انا كنت بنزل بالبركه كدا مبحسبش انا بنزل اد ايه
لكن لما كنت بلاقي نفسي بنزل كتير كنت ببتشجع اكتر وامشي على نظام الاكل
بص يا سيدي
اللي عملتوا
اول حاجه :- قرار لا رجعة فيه اني لازم اخس لاني كنت بدأت ازيد اوي ومش لاقي لبس مناسب واخدت القرار ونفذتو والحمد لله جاب نتيجه
النظام اللي كنت ماشي عليه بقى
الافطار امتنعت عنه تماما تماما تماما الا في بعض الايام كنت ببقى جعان اوي فكنت باكل نصف او ربع رغيف مع جبنه وشاي او عصير
الغداء :- كنت باكل كل حاجه (لكن بكميات قليله) وبالذات الرز والعيش والمكرونه
وطبعا قبل الاكل كان لازم اشرب ميه كوبايه او اتنين
وبعدين ابدأ في اكل السلطه (طبق او نصف طبق) طبعا مش يوميا لكن لما بتكون موجوده
وبعد كدا ابدأ في الاطباق الرئيسيه وبردو الكميات قليله اوي اوي اوي اوي
كنت بقوم من على الاكل نشيط جدااا وبطني فاضيه ولكن شبعان جدااااااااااااااااااااااا ااااااا
يعني زي ما رسولنا الكريم عليه الصلاة والسلام قال ثلث لطعامك وثلث لشرابك وثلث لنفسك
ومكنتش باخد يوم راحه ولا كلام فاضي من ده
لاني بالتعود بقيت اكل اكله صغيره جداااا واشبع منها
واتعودت على نظام الاكل ده علطول لمده كبيره
ولما كنت بجوع كنت بشرب ميه
وبليل كنت بشرب عصير (طبيعي) بعمله باديا (بعد كدا بقت خبره في موضوع العصائر ده)
وكنت بحط سكر عادي جدااا وساعات بستخدم لبن مع العصير (الفوائد كلها)
الحمد لله صحتي كانت كويسه جدا وخسيت وبقيت انشط
خد بالك اني مكنتش بتعشى خاااالص اي نوع من انواع الاكل بردو الا لما اكون جعان اوي باكل حاجه خفيفه جداااااااااااااااااااااا
وعموما طول ما الواحد بيعود نفسو على نظام بيفضل ماشي عليه
بس في نقطه بقى
اذا كملت على النظام ده هتفضل محافظ على وزنك
لكن اذا كسرته بعد ما تخس هترجع تتخن تاني بس مش زي الاول يعني هتتخن حاجه بسيطه
وطبعا عشان حضرتك بتركب علطول عربيه فأكيد هتربي طابع الوجاهه (الكرش)
لو في اي استفسار
انا جاهز للرد ان شاء الله
شكراً .. لكن انت كده أصبتنى فى مقتل ..
لأن موضوع (اللا عشاء) ده شبه مستحيل بالنسبة لى ..
أنا حياتى بتبدأ بعد الـ 11 مساءاً ، يعنى طول النهار مش عايش لنفسى ، والساعتين بتوع بليل دول بيبقى بتوعى أنا ، تقوم تقول لى مافيش عشا .. اهئ اهئ اهئ ..