الموضوع: أستفسار بخصوص شراء سيارة جديدة. برجاء المساعدة

أزيكم يا جماعة، يا رب تكونو بخير

كنت بفكر انى اشترى عربية جديدة، بس يكون المقدم ميزدش عن 40 الف جنية
وقسط فى رنيج 1000 جنية كدة

بس يا ريت حاجة تكون شكلها شبابية، وحنينة فى قطع الغيار، مع العلم انى مش كييف شد وكدة

شكرا

المشاركة الأصلية كتبت بواسطة zoro007

لو بتفكر فى جميع النواحى مثل عربيه كويسه وقطع غيارها رخيصه ومتوافره وصيانتها سهله وووو
فالهيونداى الفيرنا بها مميزات كثيره
شكلها يعتبر جيد وشبابى وسعرها حنين هيناسب اللى انته عايزه وادائها جيد ايضا وعيوبها بسيطه جدا

نصيحه لو انته لسه بتقول ياهادى فى السواقه خليك فى المستعمل ممكن تجيب لك لانسر كرستاله علشان لما تحك العربيه او يحصلها اى حاجه متزعلش عليها كسر براحتك ولما تظبط نفسك فى السواقه ابقى بيع واشترى جديد

انا فعلا لسة بقول يا هادى، مطلع الرخصة اول شهر ستة اللى فات
بس لو هجيب مستعمل، يبقى اخلينى فى الأكسل المعايا، اصلية، مع والدى بقلها 13 سنة اهى مشتكتش، بس ابتدت تزأزء معايا

المشاركة الأصلية كتبت بواسطة musiccairo

بص انا مش هرشحلك عربيه معينه
مبدأيا حضرتك مكتبتش انت عاوز عربيه تكون عامله ازاي
يعني عربيه ليك لوحدك صغيره وبتاعة مدينه ولا عائليه وكبيره ولا متوسطه عاوزها سيدان ولا هاتش باك ولا حتى ستيشن او جيب
يعني المفروض حضرتك تفكر الاول انت عاوز ايه من العربيه وعاوز عربيه تكون ايه مواصفاتها
السي سي قليل ولا كبير الفتيش مانيوال ولا اوتو
يعني اشياء من هذا القبيل
بس في نصيحه هتكون في محلها ان شاء الله
حضرتك ادخل على كل قسم
واقرأ مميزات وعيوب العربيه اللي تناسبك
هتحب عربيات كتير اوي وهتكره عربيات تانيه من انطباعات الاعضاء عنها
لكن في النهايه هترسى على عربيه عن اقتناع
الاهم ان حضرتك تدور بنفسك علشان تكون مقتنع بالعربيه اللي انت عاوزها
شكرا ليك

بص، انا معظم خروجاتى بيبقى فيها ناس معايا، على الاقل واحد
وانا حددت الفئة السعربية بتعتى، لأنها هى اللى هتحكمنى، مش شكل ونوع العربية

وبالنسبة للبحث فى المنتدى، فأنا بعمل كدة برضة، بس قلت اخد رأيكم ، لأنه اكيد هيفيد

المشاركة الأصلية كتبت بواسطة nomercy22

توكل علي الله عندك بروتون سيجا او لوجان او سيمبول

المشاركة الأصلية كتبت بواسطة nomercy22

وفي كمان البيروسونا

طب يا جماعة بالنسبة للفيات بونتو، اية نظمها؟؟