حساس الشكمان المشكله ؟ والحل الامثل
بسم الله
انهارده هنتكلم عن حساس من اهم الحساسات المسئوله عن أداء السياره وايضا عن استهلاكها للبنزين
وهو حساس الشكمان او ( O2 SENSOR )
طيب ايه اسباب تلفه ؟
1 سوء تصنيع
2 انتهاء عمره الأفتراضى
3 ردائة نوعية البنزين
4 رشاشات تالفه
5 موتور مفوت فبيرمى عليه زيت مع العادم
دى كانت أسباب تلفه
طيب ايه هى اعراض تلفه ؟
الاعراض
1 لمبة الشيك او الموتور بتنور على سرعة من 100 الى 120 كيلو
2 استهلاك بنزين غبى ( الصفيحه بتعمل 130 كيلو )
3 البوجيهات بتطلع سوداء مهببه
طيب وايه العلاج ؟
1 بنتأكد من تلفه بأننا نحط العربيه على الاسكانر علشان نتأكد (ب 30 جنيه )
2 هتغير الحساس فى التوكيل ( 350 حساس + 50 مصنعيه + طقم بوجيهات ب70 جنيه )
ده طبعا غير انهم هيفكو الفرن يطلعوه بره يعنى اكيد هيقولك جوانات فرن
يعنى عوار جامد طيب ايه الحل ؟
من هنا يبدأ موضوعنا
طبعا والعربيه بارده تلاجه
اول حاجه هنفك القطاش السالب من البطاريه
و ( بسم الله )
نبدأ الشغل
جبت حساس شكمان اصلى من بره التوكيل ب ( 250 جنيه )
http://i757.photobucket.com/albums/x...ps66912e94.jpg
http://i757.photobucket.com/albums/x...ps982d922e.jpg
وجبت مفتاح 22 مم مشنشر ب ( 12 جنيه )
وروحت اقصه نصين ومرفع وشه شويه على الجلخ علشان يبات مكانه لان المكان ضيق حبتين
http://i757.photobucket.com/albums/x...ps0678d638.jpg
وبعدين هنفك مروحه التكييف بمفتاح 12مم مسمارين من فوق وبعدين نسحبها لفوق هتطلع معاك وبعدين نفك فيشة الكهرباء بتعتها ونطلع المروحه بره خالص
http://i757.photobucket.com/albums/x...ps59125e69.jpg
بعد كده هنفك غطاء الفرن 3 مسامير 12 مم ونطلعه بره وهو الصاجه اللى بتلمع تحت البوجيهات
هيبقى ده المنظر قدامنا
http://i757.photobucket.com/albums/x...ps5facd38d.jpg
نيجى بقه للجد
هنفك فيشة حساس الشكمان اللى هيا من السلك البنفسجى اللى طالع من تحت الفرن
وبعدين ندخل السلك جوه المفتاح وبعدين نبيت المفتاح على الحساس ونبداء نشد المفتاح لفوق عشان نحل و ميمنعش لو حطينا شوية WD-40 او زيت باكم علشان نعرف نحل
http://i757.photobucket.com/albums/x...psdabd633d.jpg
http://i757.photobucket.com/albums/x...psea51a8c2.jpg
مبروك احنا كده حلينا الحساس وده كان الجزء الصعب
صوره بقى للحساس القديم والجديد علشان نشوف الفرق
http://i757.photobucket.com/albums/x...ps3af5168f.jpg
هنضف بقه مكانه و نبدأ نعيد الخطوات عكس ما بدأنا
بس استنى
مش هنركب غطأء الفرن دلوقتى
هنفك سلوك البوجيهات بالعقل واحده واحده
وبعدين هنفك البوجيهات و نضف مكانها
http://i757.photobucket.com/albums/x...ps8869dcac.jpg
صوره للبوجيه القديم والجديد عشان نشوف الحساس البايظ كان عامل ايه
http://i757.photobucket.com/albums/x...ps1debc502.jpg
نركب البوجيهات الجديده ونقفل غطاء الفرن ونلم كل عدتنا كويس ومننساش حاجه
وبعدين نوصل القطاش السالب للبطاريه اللى كنا فكينو فى الاول خالص فكرينه ؟
كده كله تمام
نيجى بقه للايدل ليرن
1 هنفتح الكونتاكت 5 ثوانى بدون دواره ونقفله 5 ثوانى
2 هنفتح الكونتاكت 5 ثوانى بدون دواره ونقفله 5 ثوانى
3 هنفتح الكونتاكت 5 ثوانى بدون دواره ونقفله 5 ثوانى
4 هندور العربيه على السلانسيه بدون تشغيل اى احمال ( نور , تكييف , كاسيت ) لمدة 3 دقايق
5 هنشغل التكييف على درجة 4 فريون + النور العالى + الشبوره ( يعنى كل الاحمال ) لمدة 2 دقيقه
6 هنطفى كل الاحمال الاول وبعدين نطفى العربيه
وكده يبقى كله تمام
ومستنى اسألتكم وردودكم
ودعائكم
على الفيس بوك
https://www.facebook.com/esamghanayem
او 01006898520
اخوكم
عصام غنايم