استفسار-عن مشروع تأجير السيارات-للبترول

**tkamal** · 04-12-2009 06:53 AM

الاخوة الاعضاء
فى ناس كتير بينصحونى بانى اشترى سيارة جديدة واقوم بعمليه تاجير لها فى شركات الخدمات البتروليه لمدة سنتين او اكثر
ياريت لو حد عندة تجربه او خبرة بالموضوع

وياسلام لو فى دراسه جدوى صغنونه عن المشروع

**Most_H** · 04-12-2009 06:54 AM

المشاركة الأصلية كتبت بواسطة a_taamer

الاخوة الاعضاء
فى ناس كتير بينصحونى بانى اشترى سيارة جديدة واقوم بعمليه تاجير لها فى شركات الخدمات البتروليه لمدة سنتين او اكثر
ياريت لو حد عندة تجربه او خبرة بالموضوع

وياسلام لو فى دراسه جدوى صغنونه عن المشروع

ممكن توضيح اكتر؟

**hesham22822** · 04-12-2009 07:04 AM

يا عم العربية بتتبهدل و ما تعرفش حالتها هتبقى اية و انت و حظك و لية المغامرة

**mahmoud_magdy** · 04-12-2009 05:28 PM

هتجيب نتيجه في حاله واحده بس
انت حضرتك تكون اللي بتسوقها
يبقى في دخل للعربيه (اللي هو الايجار) ودخل للسائق والمالك في نفس الوقت (اللي هو حضرتك)
وأكيد هتحافظ على عربيتك غير اي واحد تاني يسوقها ويبهدلها
غير كدا العربيه هتتبهدل وعرضه للحوادث والاهمال
وفي شركات كتير بتطلب عربيات حديثه موديل السنه
والتعاقد بيكون كل سنه تقريبا
مستشفى دار الفؤاد بتمشي على النظام ده (على سبيل المثال)
مأجره عربيات من مكتب ايجار
بس مشاويرهم علقه سخنه جدااااا كل يوم

**أبو صلاح** · 04-12-2009 05:33 PM

عن تجربة كنت شاهد عيان فيها وانا السبب بلاش
اجرنا عربية لانسر زيروا رجعت عاملة 12000 ك في شهرين ومخدناش اي فلوس والعربية كانت مختفية والمكتب السمسار اتحبس على ذمة قضية هيروين والمكتب اتشمع وكان في 4 حالات غيرنا بس الحمد لله جت سليمة باقل خسائر في العربية كلفة حوالي 2000 ج

**mohamedbook** · 04-12-2009 06:15 PM

المشاركة الأصلية كتبت بواسطة a_taamer

الاخوة الاعضاء
فى ناس كتير بينصحونى بانى اشترى سيارة جديدة واقوم بعمليه تاجير لها فى شركات الخدمات البتروليه لمدة سنتين او اكثر
ياريت لو حد عندة تجربه او خبرة بالموضوع

وياسلام لو فى دراسه جدوى صغنونه عن المشروع

انصحك بلاش
وكل الي بيدور في دماغك من نحيه الموضوع دة مش هيجي زي منت عايز

**Abdm** · 05-12-2009 02:41 AM

المشاركة الأصلية كتبت بواسطة musiccairo

هتجيب نتيجه في حاله واحده بس
انت حضرتك تكون اللي بتسوقها
يبقى في دخل للعربيه (اللي هو الايجار) ودخل للسائق والمالك في نفس الوقت (اللي هو حضرتك)
وأكيد هتحافظ على عربيتك غير اي واحد تاني يسوقها ويبهدلها
غير كدا العربيه هتتبهدل وعرضه للحوادث والاهمال
وفي شركات كتير بتطلب عربيات حديثه موديل السنه
والتعاقد بيكون كل سنه تقريبا
مستشفى دار الفؤاد بتمشي على النظام ده (على سبيل المثال)
مأجره عربيات من مكتب ايجار
بس مشاويرهم علقه سخنه جدااااا كل يوم

أنا مع كل الكلام الخاص بالشركات لكن معرفش المستشفيات
والشركات أحسن لكن نفس الكلام السابق لازم انت اللى تسوق مش حد تانى الموضوع دة لو أتعمل صح ذى محنا قولنا بالذات مع شركات البترول أو الخدمات البترولية هتبقى أنت الكسبان بس فى شوية صعوبات ذى السيارة full Options ماركة عالية مش أى زيرو وخلاص ثم لازم تكون شركات خاصة أو استثمارية مش قطاع عام أو حكومى , ثم أخر حاجة تكون ليك حد معرفة جمدة أو عن طريق أعلانات الشركات ويفضل لو تعرف حد لكن لازم أنت اللى تسوق علشان متخسرش

**Lord_Fouad** · 05-12-2009 09:40 AM

انا في شركة بترول (قطاع اعمال)
و قليل لما بنأجر عربية لأننا معفيين من الجمارك و العربيات رخيصة بالنسبة لنا
لكن بنأجر عربية لما بيكون في مقاول شغال عندنا و طالب مننا عربية .. و طبعا العربية بتتكحرط و تتنفخ من المشاوير و سوء الطرق و ساعات بينقل فيها معدات و عمال
يعني بعد اللي شفته مانصحكش تعمل كدة .. الا لو انت اللي هتشتغل عليها او حد تكون بتثق فيه هيشتغل عليها

**mohamedrabia** · 05-12-2009 10:10 AM

موضوع الايجار موضوع معقد ليه الشركات بتاجر عربيات بالرغم من انها عندها قدرة تشتري سيارات كتير جداااا اولا علشان مضخمش الاصول الثابتة المملوكة للشركة وتزود مصروفاتها بالميزانية بند ايجار ثانيا اهلاك السيارة العربية بتترمي لصاحبها سنتين بالكتير وبتكون كالتالي عفشة عليها العوض مساعدين مفشخين ماتور 40% كماليات وفرش اتبهدل مش السجاير غير طبعا المرمات الي معمولة عند عم حوكشة السمكري لان الناس مش عايزة تضيع وقت في التوكيل نصيحة الحوار ده كل مشاكل ودورة راس المال فيه مش بتم علي خير ده رائي

**mr_sameh** · 05-12-2009 10:24 AM

الموضوع ده كان بيدور في دماغي من فتره بس بعد اللي سمعته خلاص

الموضوع: استفسار-عن مشروع تأجير السيارات-للبترول

LinkBack

أدوات الموضوع

عرض

-

-

-

-

المواضيع المتشابهه

مشروع تأجير السيارات بالمشوار .. ايه رأيكم ؟

اسعار تأجير السيارات الفان

معارض تأجير السيارات

استفسار ....... عن تأجير السيارات لشركات تأجير

الكلمات الدلالية لهذا الموضوع

المفضلات

المفضلات

ضوابط المشاركة