ممكن أمور العربية بدون دبرياج؟؟

**Egyzizo** · 04-12-2009 07:10 AM

بابقى ماشى على الرابع أو الخامس .. وأحتاج أمور العربية لسبب ما .. (مثلاً لابطاء سرعة العربية وأنا داخل على إشارة مثلاً ، إلخ ) ..

التموير ده باحتاجه مش قليل ، وكتير باكسل أرفع رجلى وأدوس الدبرياش ، فباخبط الفتيس خبطة صغيرة كده فيروح للمور من غير دبرياش .. أوكيه واللا مش أوكيه ؟؟

**sab3aawy** · 04-12-2009 09:06 AM

هو مش مشكلة بس مع ذلك صناع السيارات دايما ينصحوا بان استعمال الدبرياش افضل

**Egyzizo** · 04-12-2009 09:09 AM

ألف شكر يا باشا ..
صناع سيارات مين بس ..
طالما أبو السباع قال مش مشكلة ، يبقى مش مشكلة ..

**amrelsaqqa** · 04-12-2009 11:31 PM

بلاش تمور العربية اصلا

خصوصا لو على سرعة وخصوصا خصوصا خصوصا لو دخلت على منزل ولا حاجة

تبقى متقيد بنقلة احسن
وممكن تستخدم الengine break
انك تسقط نقلة او اتنين بدل ما تمور هتلاقى العربية فرملت بدون فرامل و هتبقى متحكم فيها تماما

لانك لما بتمور كأنك بتقول للعجل امشى زي ما انت عايز مفيش ماتور ولا فتيس ولا اي حاجة تمنعك

ده رايي
وياريت لو كلامى غلط حد يصححلى
وشكرا

**Egyzizo** · 05-12-2009 01:51 AM

المشاركة الأصلية كتبت بواسطة amrelsaqqa

بلاش تمور العربية اصلا

خصوصا لو على سرعة وخصوصا خصوصا خصوصا لو دخلت على منزل ولا حاجة

تبقى متقيد بنقلة احسن
وممكن تستخدم الengine break
انك تسقط نقلة او اتنين بدل ما تمور هتلاقى العربية فرملت بدون فرامل و هتبقى متحكم فيها تماما

لانك لما بتمور كأنك بتقول للعجل امشى زي ما انت عايز مفيش ماتور ولا فتيس ولا اي حاجة تمنعك

ده رايي
وياريت لو كلامى غلط حد يصححلى
وشكرا

غالباً لما باعمل كده ، بيبقى فيه عائق أنا عارفه على بعد كبير (كيلو مثلاً أو نص كيلو) فبأسيب العربية ماشية بالقصور الذاتى المسافة دى عن قصد وبابقى عايزها تمشى براحتها بدون ما أقيدها بالـ engine break ولا حتى الفرامل .. ودى بتفرق بصورة ملحوظة جداً فى استهلاك الوقود خصوصاً لما تكون حافظ الطريق اللى انت ماشى فيه.

**abo_lamar** · 05-12-2009 10:44 PM

المشاركة الأصلية كتبت بواسطة amrelsaqqa

بلاش تمور العربية اصلا

خصوصا لو على سرعة وخصوصا خصوصا خصوصا لو دخلت على منزل ولا حاجة

تبقى متقيد بنقلة احسن
وممكن تستخدم الengine break
انك تسقط نقلة او اتنين بدل ما تمور هتلاقى العربية فرملت بدون فرامل و هتبقى متحكم فيها تماما

لانك لما بتمور كأنك بتقول للعجل امشى زي ما انت عايز مفيش ماتور ولا فتيس ولا اي حاجة تمنعك

ده رايي
وياريت لو كلامى غلط حد يصححلى
وشكرا

**ganash** · 05-12-2009 11:06 PM

بعد اذن حضراتكم ايه هوه الengine break يعنى اكون ماشى على الخامس انقل الرابع من غير بنزين صح ؟؟

**amrelsaqqa** · 05-12-2009 11:45 PM

اه تمام
ومعلش غلطة مطبعية انا كنت كتبتها engine break
وهى engine brake ومعناها فرملة المحرك (لان العجل بيكون اسرع من الحركة الناتجة من الفتيس و المحرك فبيكون المحرك هو الLoad ويبطأ العربية)

يعنى بالبلدى تنزل لغيار اقل حسب تقدير الموقف
من الخامس للرابع او من الخامس للتالت ... او من الرابع للتانى و هكذا ..

بس طبعا اوعى تكون حارق على الغيار اصلا وتنزل للى اقل منه

**sameh127** · 06-12-2009 02:35 AM

Engine Brake حلو انه بيساعدك علي الفرامل بس عيبه استهلاك وقود اعلى و استهلاك قاعدة الجيربوكس ورولمان بلي الجيربوكس و خصوصا اللي بيحبوا يجروا

**Egyzizo** · 06-12-2009 02:46 AM

طيب ما هى الفرامل موجودة يا جماعة ، مور وسيب العربية تمشى براحتها بدون استهلاك بنزين ، وظبط سرعتك فى المعقول باستخدام الفرامل لو احتجتها .. أنا بقى لى 10 سنين بسوق على كده ، وماشية معايا فلة ..

الموضوع: ممكن أمور العربية بدون دبرياج؟؟

LinkBack

أدوات الموضوع

عرض

ممكن أمور العربية بدون دبرياج؟؟ - انشر الموضوع فى :

-

-

-

-

المواضيع المتشابهه

الأر بي ام و صوت الموتور بيهلى لما أمور و العربية ماشية

ايه رايك في العربيات المانيوال اللى بدون دبرياج

طقم دبرياج بلية ضغط والعربية نظامها بليه شفط .. إيه الحل بدون كونفرجن كت ؟

قيادة العربية بدون دبرياج

التموير بدون دبرياج

الكلمات الدلالية لهذا الموضوع

المفضلات

المفضلات

ضوابط المشاركة