المشاركة الأصلية كتبت بواسطة abou_ruqi
طيب تعالى نعرف الجودة بقه
الجودة كلمة حمالة أوجه و كل عصر و له جودته لحدما توصلوا إن مافيش حاجة اسمها جودة , الجودة الحقيقية إن المنتج يفي بإحتياجات العميل
يعني الإنسان اللي الجودة عنده عضم جامد , تبقى اللادا الوحيدة الجيدة والباقي زبالة
ولو الجودة عند إنسان سعر قطع الغيار يبقى العربية الجيدة هي الـ 128 والشاهين
ولو الجودة يعني كماليات يبقى أي عربية هاي لاين تعتبر جيدة فالشاري ليه إنه يوفر فلوسه و يجيب الأرخص
ولو الجودة تسارع يبقى الفيات بموتور تربو مثل البرافو هي العربية الجيدة
ولو الجودة يعني وسع وتحميل يبقى الكارينز عربية جيدة و الباقي تعبان
لو الجودة منظر (المناظر كتير ناقي اللي تعجبك)
لو الجودة إعتمادية يبقى ياباني و متفكرش تويوتا و نيسان وهوندا
والا عاوز تركن على جانب و تفتح الكبوت أول خمس سنين ؟؟؟ :)
ولو الجودة أمان (زي حلاتي) يبقى أي عربية بأكبر عدد وسائد هوائية و فرامل مانعة للإنغلاق ويا ريت تراكشن كونترول ونظام ثبات الكترون , طبعا كل ده جوه هيكل آمن و تم اختبار و حائز على الأقل على 3.5 من خمسة في اختبار التصادم
أنا عن نفسي الجودة إن العربية تعمل حادثة و تتعجن و تتقلب و اللي جواها يطلعوا سلام , هي دي العربية اللي يدفع فيها فلوس
المهم
الجودة متغيرة ودايما بيكون الواحد عنده طموح في أكتر من عامل في السيارة الواحدة (طبعا مستحيل يحصل على كل شيئ) إنما كل واحد يحدد أولاوياته و يعرف كويس هو بيضحي بإيه لما بيجيب عربية تعتبر اقتصادية