الموضوع: للأسف... احذروا من النيوسيراتو...!!!!

المشاركة الأصلية كتبت بواسطة salehgharib

الأخ مش عاوز يقتنع خالص
تجيلو يمين يجيلك شمال

وش عارف مش راكبة معاه ليه

مشكلته إن كل سلعة متوسطة السعر أو منشرة رديئة

لأ هو بس بيقول زي ما كل الاعضاء قالوا إن الكمال لله وحده عشان كده في كل فئة سعرية إنت بتضحي بشيء على حساب شيء ولو جابو أحسن مهندسين في الدنيا عشان تعمل عربية برده هيضحوا
هو وجهة نظره عشان el-cerato تاخد الكماليات والشكل والموتور لازم يكون في تضحية في حتة تانية (برده تضحية مش معناه مش موجودة بس معناه مش أحسن حاجة)
أنا مثلا كان نفسي في الماني بس معيا 120 ألف بس فقبلت بشوية تضحيات وجبت el-SEAT IBIZA هي صحيح اسباني بس معظم اللي جواها فولكس صحيح صغيرة حبتين وضيقة ومافيهاش كماليات زي الكوري بس فيها فتيس DSG و حاجة شبه ال Active Steering
انما لو معايا 500 ألف كنت فكرت في BMW و حتى ساعتها كنت هابقى ضحيت بالعملية وسعر الصيانة وقطع الغيار

السلام عليكم، أولا حمد الله على سلامتك
ثانيا أنا رأى بسيط فى الموضوع
حضرتك نصيبك وقع فى عربية فيها عيب تصنيع وده كان واضح من الصوت اللى حصرتك كنت بتسمعه وأهملته وطبيعى ان لازم يكون فيه وحدات خارجة من المصنع فيها عيوب تصنيع .... أمال فايدة الضمان إيه

لكن لو افترضنا ان المقصات بالسهولة دى بتتكسر يبقى احنا مش بنتكلم على عربية طالعة من شركة محترمة زى كيا عربياتها هى واخواتها الكوريين التانيين زى الدايو والهيونداى مالية مصر من زمان ...لأ وحتى مش بنتكلم على عربية صينى .... ده احنا كده بنتكلم على عربية مصنوعة تحت بير السلم

أما بالنسبة لعيوب الصناعة زى ما قلت لحضرتك فوق فده طبيعى والمهم نسبتها كام فى وسط الانتاج الكلى .... هنروح بعيد ليه بص على اللى حصل فى التيوتا ..... ده بقى عيب التصنيع اللى نسبته كبيرة وبيعمل كوارث

ربنا يعوض عليك ويعافينا جميعا

أنا متأسف جدا كان أولى اسلم على حضرتك يا أساتذ غازي
حمد الله على سلمتك وربنا معاك وتقوم بالسلامة

الف سلامه يا بشمهندس وربنا يكمل شفاك على خير ويجعلها اخر الاحزان ويجعلها فى ميزان حسناتك ان شاء الله

ألف سلامة عليك وقدر الله وما شاء فعل

ربنا يعوض عليك ويقدر لك الخير

اللهم اجره في مصيبته واخلفه خير منها يا ارحم الراحمين

يعني دي تكلفة التكنلوجيا!!!