السلام عليكم و رحمه الله و بركاته
اخوانى الاوبلاوية
كل عام و انتم بخير
كان عندى استفسار
كنت عايز اكتر من حاجة للاوبل بتاعتى ( فكترا 1996 - الشكل القديم - 2000 سى سى - اوتوماتيك )
كنت عايز مروحة التكييف الامامية & مكنة السنتر للباب الخلفى & الفبراية الى بتغطى ستارة الشنطة من ورا و الى بيها فانوس الشبورة الخلفى & جوز كلاكس
انا سمعت عن الوكالة و بالفعل رحت عند محمد سوسو و كانت المفاجاة ان اسعارة عالية لانى اشتريت فبراية وش التقسيمة الى بتغطى سير الكتينة ب 280 جنية بالعافية و التويتر الامامى الى على اليمين ب 60 جنية و عملت الل لى معاهم و ده كان من الاخر
و بعدين سمعت عن عزبة شلبى ان المحلات بيها اكتر و اسعارها اقل و الجودة افضل
اية رايكم يا رجالة
و لو عزبة شلبى مين بالتحديد الى هو محترم و اسعارة كويسة و جودها مقبولة
منتظر ردكم
و كل عام و انتم بخير