إستشارة من الخبراء فيما يخص اسطوانة دبرياج الأونو
دلوقتي يا جماعة أنا الإسطوانة عندي سافرت و مطلعة روحي في السحب و التجميع و يادوبك العربية بتجيب 100 بالعافية و صوتها رزل اخر حاجة
الغريبة انها علي الغيار التالت بالتحديد مؤدبة و بتجيب لحد 60 مرتاحة جدا و الرابع بيجيب لحد 90 مرتاح
أول و تاني و خامس زفت الزفت
في النهاية انا وصلت أنها تعبت لأني عملت إختبار الطلوع علي الرابع لاقيت أن العربية طلعت و لا فصلت ولا هببت
المهم
دلوقتي انا قدامي طقم دبرياج كامل لاقيتة في شارع دمشق عامل في حدود 230 جنية إيطالي
الغريب ان لاقيت طقم تاني عند الكيلاني عامل 450 و إيطالي برضة بس مش ماجنيت ماريللي
دلوقتي انا محتار أجيب الرخيص و أوفر فلوس و كدة كدة الإسطوانة عمرها تقريبا واحد و لا أجيب الغالي و اشتري نفسي، ولا في الأخر حيطلع الإتنين واحد و فلوس في الأرض و خلاص ؟
انا فعلا محتار و مش عارف، أرجو ان حد يقولي رأي حاسم في الموضوع
