يا جماعه انا عايز اجيب عربيه فى حدود 150,000 ومش عارف اختار مين
- سكودا اوكتافيا A4
- رينو ميجان
- فورد فوكس
- بيجو 307
- تويوتا كرولا الجديده
- الهوندا سيفيك
- ميتسوبيشى لانسر الشكل الجديد ولا القديم
- المازدا 3
كل وحده ليها مميزاتها
مثلا الاوكتافيا محدش يختلف عليها كا فخافه واداء وثبات
الميجان كمالياتها ماشاء الله كتير جدا
البيجو شبابى اوى
الكرولا يابانى ومعروفه وتوكيل محترم وقطع غيار فى السوبر ماركت
انا بجد محتار جدا ياريت تساعدونى
متهيالي
كورولا ثم سيفيك حسب اختيارك ممكن العكس
ميجان او مازدا
لانسر
فورد فوكاس
بيجو 307
اوكتافيا A4
150000 جنيه ده فعلا مبلغ محير جدا عند الشراء لانه يجيب حاجات كتير ماشاء الله
عن رأيي الأوكتافيا أو السيفيك
مشكلة ال A4 انها ضيقة جدا من ورا ومكنتش بعرف اعقد ورا
بس بيجو 307 واسعة جدا وكبيرة وبصراحة انا برضة محتار بين الاتنين مش عارف اقولك اني واحدة
ده العيب الوحيد اللي في A4 بنسبة لاسعار فاعتقد كلهم قريب من بعض مش هتفرق كتيير
الفكترا ب 156 هاتها وانت مفمض وصدقني موضوع المانيوال ده مبيفرقش خالص خصوصا لو كانت عربيتك القديمة مانيوال
MAZDAAAAAAAAAAAAAAAAAAAA :shock: :shock: :shock:
الكرولا وشششش .. الياباني لا يعلى عليه
نصيحة منى علشان انا كمان بدور على عربية وهشتريها اول السنة ان شاء الله ، روح توكيل كل عربية وشوف العربية بنفسك واقعد فيها وشوف الكابوت والشنطة متسيبش حاجة فيها وبعد كده اقعد وهات ورقة وقلم واكتب مميزات وعيوب كل عربية من وجهة نظرك وكمان الكلام اللى بيتقال على العربيات وكلام الاخوة الافاضل فى المنتدي
يعنى مثلا المازدا 3 عربية جميلة جدا بس الكنبة اللى ورا ضيقة وتعبر من جوا ضيقة نسبيا ده مثلا عيب فيها لكن الانسر الشكل الجديد واسعة من جوا بس الشنطة ضيقة والموتور من غير غطاء ( اكتر حاجة مضايقنى يعنى ايه الموتور من غير غطا)
الرينو ميجان روعة عيبها الوحيد من وجهة نظرى ان الفتيس بتاعها ضخم وشكله غبى بس هى عربية جميلة بس دايما الناس يخوفونى منها
التويوتا كرولا الجديدة يعنى انا ركبتها ولقيت فيه كماليات ظريفة بس ما حبيتهاش مش عارف ليه (يمكن اذواق)
وهكذا انت اللى هتركب وانت اللى لازم تقرر :idea: وطبعا ان شاء الله الشباب هنا فى المنتدى هيقولوا كل حاجة باذن الله على قطع الغيار والتوكيل وده عوامل مهمة لازم تاخدها فى الاعتبار
بصراحه لو مكانك حجيب الكورولا
تويوتا كرولا الجديده و توكل على الله
رأى الشخصى ميجان
- تويوتا كرولا الجديده
لا طبعاً الكرولا مش هتلاقي قطع غيارها برة قبل سنتين ولا حاجة.اقتباس:
الكرولا يابانى ومعروفه وتوكيل محترم وقطع غيار فى السوبر ماركت
انا بجد محتار جدا ياريت تساعدونى
عموماًانا ارشح الكرولا برضة ... بس هي مش ياباني دي جنوب افريقي <<
هات الكورولا الجديدة فخمة بمعني الكلمة وامكانياتها روعة.
__________________
محمد عبدالله
1+اقتباس:
المشاركة الأصلية كتبت بواسطة محمد ابراهيم 1
Civic
كورولا 2008 شوف الخليجى والجنوب افريقى والى يعجبك اكثر اشتريه
انا رأى ان الخليجى احلى بس انت استنى عليه كام شهر علشان تشوف اقبال الناس عليه عامل ازاى والصيانه بتاعته
تويوتا طبعا مفيهاش كلام
كورولا الجديده بدون تردد
الترتيب بالنسبالي
هوندا سيفيك
أوكتافيا
ميجان
بعد كدة كورولا أو لانسر
بعد اما انا شوفتها من جو اتوهمت بجد شديدة ودى صورتها من الموقع الرسمى لها فى مصر
http://www.toyotaegypt.com.eg/Images...250-100894.jpg
طيب ما تكتبلنا الموقع كده يا باشا وربنا يجزيك خيرا
عنيا عليك ياباشا www.toyotaegypt.com.eg وبص هات لى الاعلان فى الاول ما تفتحوش اختار من القائمة السيارات corolla2008 واى خدمة
Man how old are you?! Is it 22?
Octavia A4
Vectra
Corolla
Ford !!!
These cars are not for you at all! When you reach 45 years old start to think about it :)
Stick with Honda, Lancer, Mazda and Renault
For me I prefer to choose either between Honda or Lancer new shape but wait a little bit may be its price will be reduced.
Thanks
Eng.Sherif Shaker
انا هكتبلك مميزات و عيوب كل عربيه و انت صاحب القرار
A4:احسن عربيه فيهم في الاعتماديه و الكفاءه و طول العمر بس غاليه اوي و شكلها بقي قديم اوي و قطع غيارها مش رخيصه و لكن متوفره
megane:اعلي امكانيات و لكن العربيه فيها عيوب كتيره و في نفس الوقت العيوب دي بسيطه,قطع الغيار متوفره و اسعارها متوسطه,سعر اعاده البيع وحش اوي
focus:قطع غيار رخيصه جدا,عربيه قويه و تعيش العمر بس مش محبوبه و تقيله اوي في بيعها
307:غاليه اوي و توكيل مش كويس و ضمان سنه واحده بس و واطيه علي الارض
corrolla and lancer:طبعا انجح سيارتين في تاريخ مصر و شكل جميل,قطع غيار متوفره جدا و في قطع غيار تايواني رخيصه اوي, و يوم ما تقول هبيع هتلاقي الف واحد يشتريها منك و مش هتخسر فيها كتير و دي ميزه مش في اي عربيات تانيه,دايما الكورولا عمرها اطول من اللانسر بس معرفش الجنوب افريقي دي نظامها ايه
civic:انا ماركبتهاش بس اكيد حلوه لانها هوندا,واطيه شويه ,قطع غيار غاليه جدا و سعر اعاده بيع وحش
mazda3:تحفه رياضيه بكل المقاييس,شكل رائع,ثبات عالي,تجميع ممتاز,تابلوه تحفه, فخامه ملهاش زي,عربيه مافيهاش غلطه و لكن قطع غيارها غاليه و تقيله في بيعها,الكنبه الي ورا صغيره و مش مريحه
نصيحتي:لو مش فارق معاك سعر اعاده البيع و سعر قطع الغيار و ماعندكش مانع تدوخ بالعربيه لو جرالها حاجه يبقي مازدا بدون تردد
و لو عايز حاجه ما تتعبكش و تريحك و تبيعها بسهوله و في نفس الوقت عربيه كويسه يبقي لانسر او كورولا
شكرا يا باشا على مشاركتك الجميله بجد معلومات مفيده جدا
رأيى أوبل فيكترا من غير تفكير برقبة التويوتا و الـ A4 لو مش فارق معاك الجيربوكس المانيوال
لو عايز تركب أوتوماتيك يبقى الكورولا code G67 أعلى فئة فيها بـ150000 جنوط 16 و مرايات كهرباء طارة جلد مع الـaudio control , ومساحات rainsensor
+100000000000000000000000000اقتباس:
رأيى أوبل فيكترا من غير تفكير برقبة التويوتا و الـ A4 لو مش فارق معاك الجيربوكس المانيوال
لو عايز تركب أوتوماتيك يبقى الكورولا code G67 أعلى فئة فيها بـ150000 جنوط 16 و مرايات كهرباء طارة جلد مع الـaudio control , ومساحات rainsensor
بصراحه فارق معايا اوى
انا معايا اوبل فكترا موديل 2000 مانوال
بصراحه عربيه ملهاش حل بس انا عايز اجيب جديد ويكون فتيس استبترونك كمان (;
لو مش فارق معايا الفتيس كنت هجيب الفكترا الجديده او ال اوكتافيا A5
بس فارق معايا جدا الفتيس
تويوتا كرولا الجديده او بيجو 307 لو عاوز هاتش باك
mazda3 عربية ممتازة
ايه ده يا جماعه محدش يعني افتكر اللانسر الجديده؟؟ انا رايي انها جامد جدا جدا في كل حاجه
ولو عايز هاتشباك اكيد ال307 افضلهم
تويوتا الجديدة فول اوبشن...مع الترانسميشن الـ Mmt موتور الــ1600 124 حصان....عربية ممتازة.....غير باقي كمالياتها ...ايلي حتي مش موجودة في السيفيك او الميجان..