نويت ان شاء الله اغير المساعدين وكنت عايز اعرف الفرق بين المونرو و الكونى فهل حد هنا جرب الكونى رى ماجربنا المونرو وايهما افضل
عرض للطباعة
نويت ان شاء الله اغير المساعدين وكنت عايز اعرف الفرق بين المونرو و الكونى فهل حد هنا جرب الكونى رى ماجربنا المونرو وايهما افضل
الموضوع كبير شوية يا باشا
الكونى أفضل من مونرو فى الثبات......بس طبعاً كل ما الثبات يزيد كل ما العربية تبقى أنشف فى المطبات.
الكونى فى منها 3 أنواع
1- رياضى عادى
2- رياضى بيتظبط نشوفيته
3- fsd وده بيظبط نشوفيته أتوماتيك مع نفسه حسب حالة الطريق و السرعة اللى أنت ماشى عليها.
لو عندك أسئلة معينة أتفضل.
الوكيل بتاعهم هو ارابكوم بمدينة نصر بجوار سيتي ستارز الشارع اللي قبل سيتي ستارز علي طول
+111111111
توافر المساعدين لأنواع معينة من العربيات و الأسعار لازم تسألو عليهم اللى بيبيع
أسمه ممدوح و رقمه
0101818328
الأنواع ال 3 الفرق بينهم كالأتى
1- الرياضى العادى ده زى المساعدين العادية اللى فى العربية مش هتعرف تقلل النشوفية و تزودها......بس أداءه رياضى
2- الرياضى اللى بيتزبط نشوفيته ده تقدر تقلل النشوفية و تزودها بأيدك ( بس لازم تكون عارف أزاى كويس جداً لأن لو ظبطت واحد أنشف من التانى ممكن واحد منهم يضرب )
3- ال fsd ده تقدر تقول عليه مساعد ذكى.....بيشوف نوع الطريق اللى أنت ماشى فيه هل هو ممهد و لا لأ و السرعة اللى أنت ماشى عليها كام و يظبط نشوفيته أتوماتيك مع نفسه.
و طبعاً كل لما النشوفية تزيد الثبات بيزيد و راحة الركاب بتقل
و كل لما النشوفية تقل الثبات يقل و راحة الركاب تزيد.
و الكونى موجودين عند حمادة غزى فى بورسعيد و فى خصم للمنتدى
بس مش عارف رقمه....
ممكن تكلمو العضو momo10000 و هو يظبطكو معاه.
أنا مجربهم قبل كده فى عربية بى أم كانت معايا و حالياً مجربهم فى عربية مراتى ( أكسنت 2006 )
لو هتقيم ال 3 مساعدين ( الفابريكة - المونرو - الكونى )
هيبقى أعلى ثبات هو الكونى ( أقل راحة )
المونرو أقل من الكونى و أعلى من الفابريكة فى الثبات....و فى الراحة أقل من الفابريكة و أحسن من الكونى.
الفابريكة هتلاقيه أقل ثبات فيهم و احسن راحة.
هى العربية أيه يا باشا و أنت بتحب العفشة ناشفة ولا لأ و بتجرى كتير بالعربية و تاخد ملفات على سرعات ولا لأ......عاوزك تقولى أنت طريقة سواقتك أيه و عاوز توصل لأيه بتغيير مساعدين الفابريكة.....و لا أنت هتغيرهم عشان باظو و عاوز تجيب نوع تانى من باب التغيير.
بص يا باشا من ناحيه السواقه فهى معتدله مش بحب الغرز الا فى وقت الضروره فقط
اما سبب التغيير ان العربيه نوبيرا 2004 والمساعدين اللى فيها بتوع الفابريكه وباظو وعاوز اغيرهم وشكرا لاهتمامك
أعتقد أن مونرو هيكونو أنسب ليك خصوصاً أن فرق السعر معتقدش هيكون قليل
كنت سألت للميجان على مونرو و أنا بشترى تقريباً كان الواحد ب 700 تقريباً
الكونى كانو الأربعة ب 3500 أو 3800 مش فاكر بالظبط....يعنى فرق من 700 الى 1000 جم فى الطقم.
بس نصيحة عشان تحس بتغيير غير ال 4 مع بعض.
و ممكن تسأل ممدوح.....جايز يكون عارف حد جرب المونرو فى نوبيرا و يقولك الخبر اليقين بالنسبة للأداء و السعر مع عربيتك.
شكرا يا باشا
تُأمر يا باشا
السلام عليكم
ايه أفضل مساعدين لأكسنت 1999
وشكرا
[QUOTE=Ahmed A.Maksoud;3872170710]+111111111
توافر المساعدين لأنواع معينة من العربيات و الأسعار لازم تسألو عليهم اللى بيبيع
أسمه ممدوح و رقمه
0101818328
QUOTE]
اتصلت بالرقم ده وسئلت على مساعدين كونى للفيات ال 131 قال لى مفيش بس اسئل العفشجى لو كان ينفع يتركب لعربيتك مساعدين عربيات جديده
لو سمحتوا انا عايز اسأل هو المساعدين الكونى والمونرو لكل العربيات ولا فى عربيات مش بيعملولها... وبرضو سؤال تانى هو المساعد الواحد ممكن يكون ينفع كذا عربية ولا كل عربية ليها مساعد خاص بيها
خش علي موقع كوني علي النت هتلاقي العربيات اللي ليها مساعدين عندهم
طيب معلش حضرتك عارف موقعهم ايه؟
أدخل على الصفحة دى على طول و أختار نوع و موديل عربيتك ( لو مش موجودين فى الأختيارات يبقى كونى مش بيعمل مساعدين عربيتك )
Koni: KONl Finder
طيب فين الاقي مساعدين امامي كوني لعربيتي فيكترا a موديل 1996 سعة 1600 سي سي؟؟