عرض للطباعة
النهاردة العربية كانت عاملة 700 كيلو وشوية
بينى و بينكم طلعت على الطريق الدولى و كنت ماشى زى ما الكتاب بيقول 80 او 85 و مش بزود لقيت مرة واحدة كده رجلى زودت على البنزين و ال r>p>m زاد و جابت ال140 بسهولة و يستر
و ده يدل على سرع تجميعها و السحب كان حلو مع العلم ان العربية كان فيها 4 افراد
العربية سحبها حلو وأن شاء الله بعد التليين هيكون احسن على كلام الى عملوا اكتر من 5000 كيلو
بس ليه بتقول على الطريق الدولى طريق الموت بحس أنه من افضل الطرق فى مصر فيه اشارات واضاءة كويسة بالليل وملفاته مش ملفات جامدة ده أنا كنت راجع مع واحد صاحبى من مرسى مطروح ولما دخلنا الطرق من عند بورتو مارينا كان ماشى بين ال 160 وال 180 طول الطريق(أنا مش من هوات السرعة وكان شعر راسى واقف ) والكلام ده كان الساعة 3 صباحا عشان الردار
باشا اكيد كنت فى الصيف
لو انت من اسكندرية حتعرف انا سمته طريق الموت ليه و اكيد الاسكندرانية اللى بيطلعوا عليه يعرفوا كده كويس
الاضاءة و الاشارات فى الصيف بس علشان البشوات و البهوات بتوع البلد
لكن فى الشتاء طريق مهجور
ربنا يسترها عليك وعلى كل الى بيمشوا على الطريق وخليك يا عم فى 120 زى حلاتى ده باعتبرها كمان سرعة جامدةاقتباس:
المشاركة الأصلية كتبت بواسطة alex_life1989
ايام العربية الشاهين ربنا يرحمها كنت بغامر بيها لان قطع غيرها سهلة و اى ميكانيكى يفهم فيها لكن دى بعاملها بكل احترام و تقدير لانها تستاهل ذلك
انا بعامل العربية زى حمادة هلال فى الفيلم
و ربنا يستر
على فكرة انا تقريبا يوميا على الطريق الدولى لبرج العرب الوصلة من كارفور لحد اخر الطريق ممتازة فعلا دايما بمشى من 170 لحد 190 والطريق ممتاز ومنور وفاضى بالليل ومعلومة من ساعة ما عملو الطريق ومفيش ردار وقف عليه
اخطر يوم كنت ماشى فى الطريق دة كان الشتا اللى فات وكنت ماشى عليه بالليل ومرة واحدة لاقيت الدنيا من حوالية بيضة انا كنت فاكرها دخان حريقة وحعدى منها وخلاص طلعت شبورة من اللى قلبك يحبها ومش شايف اى حاجة غير اشارات الانتظار على خفيف الحمد لله ربنا ستر اليوم دة ورحت واخد اول يو تيرن وراجع على بيتنا الغريب فى الشبورة دى انها مش بتبتدى بالتدريج وتخلص بالتدريج لا تحس انك دخلت جوة سحابة مرة واحدة وبدون سابق انذار بجد كنت قلقان جدا اليوم دة
وربنا يستر طريقنا جميعا
فعلا مافيش ردار شوفتوا في الطريق خالصاقتباس:
المشاركة الأصلية كتبت بواسطة kingmax