طقم شنبر لانوس 99

**ahmedmok** · 05-12-2009 12:12 AM

النهارده قبل ما ادور العربيه قولت اكشف على البوجيهات لان العربيه بحس كده انها مع الطلعه كانها حتبطل فلازم تدوس سنه بنزين علما بانى مغير الرشاشات و حساس الشكمان و الايدل ليرن وللعلم الدواره من اول تكه و مفيش دخنه ولا حاجه و الشكمان بيجيب مياه ...المهم لقيت البوجيه اللى معلهوش غطاء المونيوم ده معرق زيت المهم اتصلت بالميكانيكى و روحتله شاف البوجيه و قالى العربيه عايزه طقم شنبر ....ايه رأيكم هل ده فعلا معناه طقم شنبر ...و انا كنت قرأت فى المنتدى عن حاجه اسمها زيت شنبر هل ينفع احطه ولا ملوش لزمه ....ارجوكم زودونى بخبرتكم عشان اعرف اعمل ايه ...وعايز اعرف مصنعيه تغيير طقم الشنبر كام عشان قالى المصنعيه لوحدها 200 جنيه

**ahmedmok** · 05-12-2009 02:04 AM

الووووووووووووو

**ahmedmok** · 05-12-2009 02:09 PM

فين الردود ؟؟؟؟؟؟؟؟؟؟؟

**samirayad** · 05-12-2009 03:02 PM

لو البوجيه ده لو حده اللى معرق زيت
يبقى الميكانيكى ده أى كلام
واللى بايظ عندك
كاوتش الصبابات بتاع دلايل الغرفه دى
وممكن تكون شنابر المكنه تمام

وده أكبر دليل

وللعلم الدواره من اول تكه و مفيش دخنه ولا حاجه و الشكمان بيجيب مياه

**zocor742** · 05-12-2009 04:42 PM

مش عارف لية حاسس انة الميكانيكى دة عايز يفتح شغل فى العربية وخلاص
كمان لو العربية محتاجة شنبر اكيد هدخن مع الكبس على دواسة البنزين
جرب كدة حد يزودلك بنزين والعربية واقفة وشوف فية دخنة زرقا هتطلع من الشكمان ولا لأ
اصل بصراحة اول مرة اعرف ان لما بوجية يطلع مزيت يبقى العربية عايزة طقم شنبر!!!!!!

**ahmedmok** · 05-12-2009 05:23 PM

شكرا على الردود بس عايز اعرف حكايه كاوتش الصبابات دى كبيره ولا بسيطه يعنى

**samirayad** · 05-12-2009 05:30 PM

أرحم بكتير
من تغيير طقم شنبر
ومش مكلفه كتير

وممكن تعمل كرسى للبوجيه ده بصوره مؤقته ( بحوالى 10 أو 15 ج )
على ماتغير كاوتش صباب

**ahmedmok** · 05-12-2009 05:55 PM

الف شكر يا باشمهندس و الكبير كبير يا باشا ...بس ان الى مجننى الطلعه بتاعت العربيه بحس كان الموتور بيتخلع من مكانه و عصا الفتيس يتتحرك قدام وكان العربيه حتبطل و مع دوسه بنزين بتثبت .....واحد ميكانيكى غيرلى القاعه اللى تحت و مفيش فايده وميكانيكى تانى قالى القاعده اللى راكبه مش اصلى ....بصراحه حاجه تجنن