شهادة حق في حق الجزائريين

**أبو عبدالله** · 05-12-2009 12:59 AM

طبعا لا يخفى على احد ما حدث في الأيام الماضية من اخطاء في حقنا وحق الجزائريين من تعميم الشتائم والسب وغيره في حق شعب كامل اذا كان شعبنا او شعبهم

ولكن اوقفني مشاركة قرأتها على منتدى أشرف السعد رجل الاعمال المصري بلندن لأشرف السعد نفسه بيحكي فيها عن حكاية حدثت لعمرو اديب المذيع

كلام اشرف السعد

اخلاق الجزائريين
جاء عمر اديب الى لندن وكان يعتقد انه لو قابل جزائرى ستقع مشكلة ونصحه الناس ان يبتعدعن بعض المناطق التى يقطنها الجزائريون وقدفعل وذهب الى احدالمطاعم وكانت الفاجاة صاحب المطعم جزائرى وحكى لى انه وقع فى قلبه لانه وجد معظم العاملين بالمطعم جزائريون وهم بالخروج وكانت المفاجاة جاء صاحب المطعم بعد ان شعر بالوقف وقابله بترحاب شديد واجلسه هو وضيوفه وقام بخدمتهم بنفسه وامضو ليلة مليئة بالمرح وبعد الانتهاء من العشاء رفض صاحب المطعم ان ياخذ حق العشاء
اقسم بالله هذا ماحكاه لى عمر اديب ولاتعليق

المشاركة هنا
بقلم أشرف السعد - الصفحة 2 - منتديات أشرف السعد

المشاركة دي كانت امبارح

يعني مش ده جزائري برضه
وكان اقل شئ ممكن يعمله انه يطرده خارج المطعم
اللي اقصده ان في كل بلد وشعب وفئة من الناس فيه الكويس وفيه الوحش وفي قليل الأدب وفيه المحترم في كل حاجه فبلاش التعميم

عالعموم الخلاف كله في مسألة تعميم الشعوب وسبها وقذفها علشان فئ منها اسأت لنا او لهم

وربنا يبعد عنا الشقاق وسوء الأخلاق

واذكر نفسي وأخواني بالآية الكريمة في كتاب الله

( يا أيها الناس إنّا خلقناكم من ذكر وأنثى وجعلناكم شعوبا وقبائل لتعارفوا
إن أكرمكم عند الله أتقاكم إن الله عليم خبير )
*=*=*=*=*=*=*=*=*=*

**adel1414** · 05-12-2009 06:19 AM

شكراا ليك ياابوعبدالله..انا مقتنع بان التعميم صفة الجهلاء...طبعا مش حخوض فى تفاصيل لانى معاشرهم كويس جدا جدا وبقول بناء على عمر مش يومين تلاتة

**Terrible_DaRsH** · 05-12-2009 06:29 AM

هاهاها ايه يا ابو عبد الله .

انت عايزهم يضربونا و يشتمونا و يهزقونا فى وسائل الاعلام , و كمان يضربونا فى لندن .

احنا اخدنا العلقة مرة واحدة مش معقولة واحد هيضرب عمرو اديب بالخارج و لا بالداخل كمان , هما يضربوا و بعدين يظهروا للناس انهم احسن شعب .

و بعدين مش كل الشعب وحش , دول الكفار كانوا بيدخلوا فى الاسلام فاكيد الدولة الخضرا دى فيها ناس كويسة و لو ان نسبتهم متعديش ال 5 % .

**tutankhamoun** · 05-12-2009 07:27 AM

أنا أتعاملت مع جزائريين ............. ناس محترمة جدا جدا جدا

و لكن مشجعين كرة القدم ............... قمة في التعصب ................ خصوصا الشباب صغير السن .

و شكرا يا أبو عبد الله على الموضوع ....... و ياريت فعلا بلاش نعمم عليهم حتى لو رئيسهم نفسه غلط ..... لأن فيه ناس كتيرة فيهم و فينا مش راضيين عن اللي بيحصل أو اللي حصل ......... أو عايزين أي قطيعة تحصل .

و ربنا يجمعنا ........ و ما يفرقنا ............. هي ناقصة يا جدعان .... ما كفاية اللي بتعمله الزفت اسرائيل في القدس و في فلسطين عموما و في الفلطسيين و أحنا قاعدين نعادي بعض .... مسلم أخو المسلم .... عادي .........

الجزائر هاتفضل دايما دولة مسلمة شقيقة ..... حتى لو العربية بتاعهم مش كويس و لكن في الآخر هما لهم ولاء للإسلام و صدقوني ....دول ناس متديين جدا .....

بعد هدوء العاصفة ........... أرجوا عدم خلط الأوراق .

شكرا أبو عبد الله على الموضوع .......... عايزين يا جماعة أصوات العقل في وقت زي ده و مش عايزين تشنجات .

اللي حصل كان غلطة كبيرة من الجماهير الجزائرية و من نظم هذا العمل .....
و يجب أن يتم ذلك في وضع طبيعي أي لا نعطي الموضوع أكبر من حجمه و يتم محاسبة المسئولين عنه فقط دون محاسبة شعبين كبيرين كمصر و الجزائر بسبب كرة قدم .

**Terrible_DaRsH** · 05-12-2009 07:52 AM

و الله يا استاذ توت الموضوع اكبر مما تتخيل الموضوع مش موضوع كام مشجع ضربوا كام .

و لو حد فاكر ان دى النقطة الرئيسية يبقي فاهم غلط او مش متابع .

**tutankhamoun** · 05-12-2009 08:09 AM

المشاركة الأصلية كتبت بواسطة terrible_darsh

و الله يا استاذ توت الموضوع اكبر مما تتخيل الموضوع مش موضوع كام مشجع ضربوا كام .

و لو حد فاكر ان دى النقطة الرئيسية يبقي فاهم غلط او مش متابع .

ما أنا علشان كدا قلت ياريت الموضوع يكون في حجمه الطبيعي .
بلاش نعمم و نقول كلام ملوش لزمة على شعب زيهم زينا فيهم الكويس و فيهم الوحش .

المخطئ لازم يأخد جزائه بدون قطع روابط التواصل بين شعبين مسلمين .... كبيرين ممكن يكون لهم تأثير كبير في العالم العربي .

**Terrible_DaRsH** · 05-12-2009 08:20 AM

انا كنت قررت انى متكلمش فى الموضوع ده تانى , بس و الله لما بشوف حد قلبه ابيض اوى كده زيادة عن اللزوم بتدايق جداً :(

يا استاذ توت مرة اخرى الموضوع اكبر من انه كام مشجع ضربوا كام مشجع , ده تواطىء دولة باكملها من اول المسئولين لغاية البلطجية اللى فيها ..

تقدر تقولى ليه محدش من كبار المسئولين هناك اعتذر بعد الحكاية دى !

تقدر تقولى ليه الحكومة سابتهم يكسروا فى ممتلكات المصريين هناك و كانت واقفة بتحميهم !

تقدر تقولى ليه رمرمة رئيس الاتحاد مرداش يسلم على سمير زاهر !

تقدر تقولى ليه اخواتنا فى لبنان دافعوا عن مصر و كل الفنانين اعلنوا حربهم على الجزائر حتى المطربة المغربية جنات !

يا سيدي العرب كلهم اخواتنا و حبايبنا لكن لما دولة باكملها تكرهنا بالمنظر ده و كادت ان تكون سبب فى مقتل مصريين فى السودان , تبقي تغور و قطع علاقتنا افضل من اننا نهدر دمهم .

بلاش طيبة زائدة ارجوكم و تابعوا الاحداث مرة اخرى !

**tutankhamoun** · 05-12-2009 09:10 AM

ما هو أنت بره مش قادر تفهمني .....

شوف مين اللي ورا الأحداث دي كلها ؟؟؟؟؟

و اللبيب بالاشارة يفهم . و أكيد حضرتك فاهم أنا أقصد مين .

يبقى برضه نحط كل حاجة في وضعها الطبيعي و نشوف أحنا بنتعامل مع مين و مين له مصلحة لقطع العلاقات بين دولتين كبيرتين زي مصر و الجزائر !!!!!

**tutankhamoun** · 05-12-2009 09:14 AM

النظام المتواطئ ........ أستخدم العيال الصايعة المتشنجة المتعصبة لكرة القدم ......... كأدوات ...

مين عارف شخصية صاحب جريدة الشروق الجزائرية ؟؟؟؟

الموضوع ورائه أيدي خفية لتوتير و قطع العلاقات بين مصر و الجزائر و متنساش أن الأستمثارات المصرية في الجزائر عاملة هاجس لناس مش عايزنا نكبر و نأخد حجمنا الطبيعي و نفضل منزويين على نفسنا و نقاطع بعض و نتخانق مع بعض .

**Terrible_DaRsH** · 05-12-2009 09:27 AM

طب ايه رايك لو قلت لك ان قطر هى السبب !!

الموضوع: شهادة حق في حق الجزائريين

LinkBack

أدوات الموضوع

عرض

شهادة حق في حق الجزائريين - انشر الموضوع فى :

-

-

-

-

-

المواضيع المتشابهه

يا كسوفنا من الجزائريين

شهادة المخالفات و شهادة البيانات

رد ابو حفيظه على الجزائريين

اخر حاجة فى سفالة الجزائريين

الكلمات الدلالية لهذا الموضوع

المفضلات

المفضلات

ضوابط المشاركة