بعد ما غيرت الفتيس اتوماتيك (استعمال ) كلة تمام ولكن الفتيس لما يرجع على الثالث من D يعمل رجة(فراملة) وكمان الرابع(D) بيجى عند 80كليو RPM-2750الاول كان 70 كليو:majd(4):
بعد ما غيرت الفتيس اتوماتيك (استعمال ) كلة تمام ولكن الفتيس لما يرجع على الثالث من D يعمل رجة(فراملة) وكمان الرابع(D) بيجى عند 80كليو RPM-2750الاول كان 70 كليو:majd(4):
ربنا يكون فى عونك انا حصل نفسى اللحكاية دى وكانت بتجى عند الd وتفضل ترجرج جامد جدا صح وتليقها مش بتسحب
كمان انا مكدبش عليك العربية مش بتاعتى فا معرفش اية اللى حصل فيها بعد اما سبتها كدة بس غالبا معملتش الحركة دى تانى روحى كدة عندك مايكانيكى واكشف عليها وقولى اية النظام او قالك اية وانا لو عرفت حاجة برضو هعرفك على طول
اه نسيت على ال 3 كانت مش بتررجرج معايا بس هى المشكلة كانت فى السحب
ماترحش لى ميكانيكى روح لبتاع فيتسات اوتوماتك وفى واحد كويس بعد كوبرى السيده عائشه الشارع ال جنب نادى او مركز شباب عين الصيره اسمع عصام فتيس او روح لى ميمى فتيس فى الف مسكن
بجد مش معقول مفيش حد شفتو معاه نوبيرا اوتوماتيك ألا لما يقعد يشكيلى منها انها بتسحب بنزين بغباء وطبعا بتسقط فتيس كل فتره قريبه فا انا حاسس ان الاوتوماتيك فى النوبيرا فشل فشل زريــــــــــع
لأ الفتيس الأوتوماتيك مش فاشل بس طريقة استخدامه و صيانته غلط.
المشكلة اللى قريتها فوق حلها انك تسقط زيت الجيربوكس بالكامل و تجيبله زيت جديد و كمان تجيب فلتر زيت الجيربوكس جديد.
و عمر الزيت في الجيربوكس الأوتوماتيك 60000كيلومتر في الطوالي و 50000كيلومتر وسط البلد"بسبب قلة تبريد الجير و حرارة الزيت المرتفعة خصوصا مع المرحلة الأولي و الثانية من الغيار" .
لما توصل للكيلومتراج المكتوب فوق ،لازم تنزل كل الزيت من الجير و كمان تغير الفلتر اللي جوا الجيربوكس. و تحاشى تماما انك تزود الزيت دانتا كده بتموت الجيربوكس و بتكتم كل مراحله لأن الزيت محتوي على شوائب مع العمل و كمان تركيبه بيتحلل مع العمل و السخونة الزائده فيؤدي الي زيادة سخونة الجير وقلة تبريد الزيت للجير وصعوبة وصول الزيت للمراحل العليا"ثالث و رابع" و اختناق العربية اثناء التسارع و ارتفاع rpm المحرك للوصول لنفس السرعة ونقل الغيارات عند سرعات اعلى ووجود time delay للإنتقال لكل مرحلة في الغيار، بعدها العربية تبدأ تجمع و الموتور صوته عالي لأن سحب طلمبة زيت الجيربوكس مكتوم مؤديا لنقص كمية و ضغط الزيت في كل مرحلة التي تظهر علي هيئة رجه و تسارع مكتوم.
طيب انا عندى سوْال حاجة مشابهة للموضوع دة اللى بيحصل كالاتي لما بكون ماشي على الـ d4 وتيجى السرعة ما بين 40 و 60 النقلة الثالثة تقريباً العربية بتترجرج او بتتنطاط خفيف ولما انزل الفتيس على الـ d3 الرجه بتختفي او بتقل جداً ولما اكون في سفر مثلاً وعلى سرعة عالية بعد ما جيب اخر سرعة الـ d3 وانقل على الـ d4 واجيب اخر الدواسة السرعة مش بتزيد ومبيبقاش في استجابة والعربية مبتجمعش في ميكانيكي قال ده الفتيس وقال الحل هو تغيرة عشان ملوش علاج كدة مظبوط ولا اية؟ والزيت كنت مغيره من فترة وماشى بيه 15000 لحد دلوقتي.اقتباس:
المشاركة الأصلية كتبت بواسطة sameh127
قبل الشاحن اناكان عندي لما اقرس علي الثالث بيوصل لسرعة180 كيلومتر و لما اجيب الرابع بيقل rpm الموتور و تزيد السرعة حاجة بسيطة مع تسارع ملحوظ.
انما اللي انت بتقوله معناه ان الجير عايز يتفك و يتعمله نظافة لمجارى الزيت و الكشف على oil seals ,oil pump .
بس انا عندي في عربيتي موجود فلتر"مصفاة" زيت الجيربوكس و التوكيل قال انه عنده وحيتغير عند 50000كيلومتراج هو والزيت لأنه بيتكتم بالوقت.