الموضوع: تقرير صيانة 40000 للباليو من اوماترا

تمت بحمد الله صيانة 40000 كيلو للباليو بمركز اوماترا بجسر السويس واليكم التفاصيل...

طبعا اتصلت يوم الاربعاء وحجزت ميعاد يوم الخميس الساعة العاشرة صباحا ( للعلم هماشغلهم من 9 صباحا حتى 6 مساء) ....
-المهم تحركت من دمياط انا واخويا الساعة السادسة فجرا قولنا نخودها بدري بدري قبل الزحمة وتوكلنا على الله وبدأت الرحلة ... ووصلنا عند التوكيل الساعة 9 كانو لسه فاتحين وبيكنسوا ويجهزوا الاجهزة واللي بيفطر واللي بيشرب شاي المهم استلموا العربية وطلعنا على استراحة العملاء دخلت اترميت على الكنبة كان لسه فاضية خالص مافيش غير اليكرتيرة وفاتحين قناة المجد للقرأن الكريم المهم وصل بتاع الطلبات قولتلو عاوز واحد نسكاااافيه في الجون عاوز افوق المهم وصل الطلب وشربته ونزلت ابص ايه النظام تحت لسه الاستعدادت شغالة وانا معادي لسه 10 المهم .. دقت السعة العاشرة توقيت القاهرة واخدت العربية المكعب واتصلو بيا ( المهندس طلبنا عشان نقولوا اي مشاكل ويعرفنا هنعمل ايه في الصيانة وكده .. كان اسمه المهندس احمد محمود وبصراحة مهندس ذوق جدا ...
المهم نزلنا تحت دخلنا سلمنا عليه واعدنا وسألنا بتشتكوا من اي حاجة في العربية .. كان مضايقني موضوع hanbd break اني كنت لما بشدها بتعمل صوت لو نزلت من العربية او احاولت تزقها قالي ده عيب في كل الفيات وعموما هنشوفها برده ( وكان اول لما جبتها المهندس الي برده نفس الكلام ) المهم قالي في الصيانة دي هنغير الاتي:
-زيت موبيل 1 لكل 10000
-بوجيهات - سير الكاتينة - بلية الكاتينة -فلتر هواء - فلتر بنزين - طقم سيور
-timing belt -فلتر هواء سفلي - زيت باكم -فلتر هواء سفلي
-مياه الريداتير
المهم قالي العربية هتاخد 5 ساعاااااات ان بصراحة اتفاجئت هعمل ايه كل الوقت منى كده هتخلص على 3 المهم خلاص بدأوا الشغل في العربية وانا اعدت في الاستراحة اعدت اتفرج على فيلم امير الظلام على روتانا سينما وكنت ببص على العربية من فوق عاملين زجاج تبص على العربية من فوق وكنت بنزل تحت من حين للاخر ابص اققف مع المهندس اروح المبيعات يعني بضيع وقت بشوف العربيات اللي داخلة تعمل الصيانة انواعها ايه يعني بتفرج بس الحاجة لغربية كان في 5 عربيات فيات 500 بيعملو صيانة س شكلهم اول صيانة وكانت في لينيا وبرافو وجراند بونتو وباليو وسيينا والفا روميو وبترا اليوم ده كان زحمة جدا جدا جدا ولولا اني حجزت مكنتش هدخل ودي كانت اول مرة استراحة العملاء تبقى مليانة كده ... وكلمت البشمهندس احمد في موضوع nilemotrs وقالي ولاهي هحاول انضم ليكو واخد رقمي وكده ( بس انا حاسس ان كل ده في الهوا دي اواماترا ) اهم خبر عرفته انهه هيفتحوا مركز خدمة في اسكندرية في محطة الرمل والخبر ده حصريااااااا لنايل موترز وبس ))
المهم دقت الساعة 3 والنصف ووصل الاوردر ان العربية خلصت ودخلت تاخد الغسلة الحلوة ونزلت ادفع الفاتورة وكانت التكلفة الاجمالية 1400 جنية ( كتير جدا ) بس بصراحة الواحد بيبقى مطمن وخصوصا لما تبعتهم المرة دي الحاجة بتتعمل بيراجع عليها 3 اخرهم المهندس وكمان العربية في الاخر خالص بتدخل كمبيوتر وبيشوف اي حاجة ... يعني بصراحة انضف من بره بكتير........

تقييمي للتوكيل المره دي جيد ومش وحش بس اللي مضايقني منهم المصنعيات 360 كتير اقوي وضريبة 150 الضريبة ماشي عشان قطع غيار اوربية بس المصنعيات كتيرة قوي بس بصفة عامة اوماترا ياجماعة مش وحش للدرجة اللي الناس وخداها عنها ..... والبحق باركولي جبت العلامة اللي قدام ب 45 جندي و6 جنيه ضريبة(بس يااااارب متسرقش تااني ) .. وبالنسبة للحاجت اللي ناس سألو عليها هكتبه في موضوع تاني ان شاء الله لاني خللاااااص عاوز انام واي سؤال ان في الخدمة

وادعولي عشان عندي ميدترررم
واسيبكم مع شوية صور على السريع كده :



توكيل اوماترا الساعة 9 بتوقيت القاهرررة


في المدخل ( معلش التصوير مش قد كده ) ممنوع تسيب اي متعلقات في العربية انت فاهم ولا لا وبيدو لسياتك كيس شيك مكتوب عليه فيات بالشعار الجديد عشان تحط فيه حاجتك



تابع المدخل وكانت عربية برافو واقفة





الاستراحة معلش انا كنت بصور وانا مكسوف ومخبي الموبايل (ده مكتب السكرتيرة والتشيرتات اللي ورا مكتوب عليها ilove you fiat حد عاو.