تقرير عن التيست دريف اللي عملتو في عربية الأستاذ خالد ربنا يباركلو فيها.
بسم الله الرحمان الرحيم
حبيت أنقلكم تجربتي الأولى مع الجين 2, و لحسن حظي أني عملته مع الأستاذ خالد و في عربيتو. بجد الأستاذ خالد شخصيه محترمه جدا و كله زوق.
بدايتا أحب أوضح شويت حاجات في العربيه قبل ما أبتدي, أولا العريه موديل 2006 و أول عربيه في مصر زي ما أنتو عارفين, العربيه عامله تقريبا 60 ألف كيلو و لسه معملتش الصيانه, و الكوتش كان ناعم, و العربيه أوتوماتيك.
أبتدي بقه بالقعده جوه العربيه, القعده مريحه أنا قعدت فيها تقريبا 3 ساعات و كنت مستريح. بعد حوار جميل مع الأستاذ خالد دورت و توكلت على الله و طلعت (:B4_048:) , كنت مقلق أوي و خايف بسراحه في الأول (:funny34d:) بس الأستاذ خالد طمني. فضلت ماشي براحه في الأول لحد متعود على العربيه و وصلنا للطريق الدائري. دي بعض الحجات ألي حسيت بيها في سوقتي الهديه اللي في الأول, أولا العربيه أول مبتجيب عالD بتطلع علطول و بقوة تحسسك أنها مستعده تجري, ثانيا الفرامل بتستجيب على حسب قوة ضغتك عليها مش ذي معظم العربيات الجديده اللي بتقفش جامد بمجرد أنك تلمسه و دي أنا شيفه ميزه حلوة أوي (:B4_388:) , ثالثا أبعاد العربيه محتاجه شويت تعود ومع ذالك بسهوله قدرت أفادي عربيات في شارع ديق أول ما طلعت بيها (:verygood:). طلعنا الدائري و الأستاذ خالد قللي أجري و جرب الكيك دون و الغرز (:devil2:), كنت لسه مقلق شويه بس مع أول كيك دون العربيه لأتها ذي الطلقه و أدتني أحساس بالقوه والثقه والثبات (:B4_237:), التسارع كان رهيب و صوت المتور كان جميل, العربيه جابت 140 في ثواني قليله, بس أضطريت أهدي بعد كدا لأن الطرق كان واقف, و كنت عديت النزله اللي كان المفروض أنزل منها عشان أرجع لبيت الأستاذ خالد, ودا كان لحسن حظي (:ma:) لأن النزله اللي بعدها كانت المريوطيه و ده أداني وقت أتعود على العربيه أكثر و الأستاذ خالد كان بيشجعني أكتر. نزلنا المريوطيه ولفينه و طلعنا الدائري تاني, المرادي كان القلق خلاص أختفى و ثقتي في العربيه ذادت (:B4_282:) , أول مطلعت أديتها كيك دون وبتديت أجري, يمين فشمال عمال أعدي كل العربيات (:brn:), و جت في حته كدا كان فيها غرزه بس ضيقه جدا, قمت حارق عالأخر و شمال في يمين أخدت الغرزه و العربيه أستجابت معيا جدا و كنت ماشي ساعته علي 140 تقريبا و العربيه ردت علطول و معومتش خالص (:B4_388:), بعديه مشيت عادي لغايت مرجعنا. ودي بعض الملحظات اللي لحظته,أولا العربيه تسارعها عالي جدا,ثانيا ثبتها كان جامد محستش أني بجري جامد, ثالثا منورته و أستجابته حلوه أوي.
الخلاصه أن العربيه بسم الله ما شاء الله حلوه جدا و لما سألت الأستاذ خالد عن الحجات اللي عمله في العربيه لحد النهرده كانت كله حجات هيفه و عملها تبع الضمان. بلنسبه ليا كنت مرتاح في القعده والسواقه بس مش أوي يعني.
كانت تجربه بسراحه ممتعه جدا و أحب أشكر الأستاذ خالد عليها وبدعيله أن ربنا يباركلو في عربيتو. و ربنا يوفقنا جميعا للي فيه الخير.
