الدبرياج ولا الكبالن أيهما أحق بالحفاظ علية؟
من ضمن العادات السيئة في سواقتي اني بستعمل الدبرياج عمال علي بطال يعني بالأضافة للفرملة دايما باخد الملفات و انا دايس دبرياج تحت بند الحفاظ علي الكبالن
في النهاية انا محتار ايهما اجدر تحافظ علية طقم الدبرياج و تبعد بقدر المستطاع عن انك تدوس دبرياج و لا تحافظ علي الكبالن نظرا لرزالة ابوها و مشاكلها الرزلة لأنها ممكن تفرك منك و انت مش حاسس او تبدأ تطقطق و تقرفك في عيشتك
يعني السؤال استطلاعي للجميع و ارجو المشاركة
و علي فكرة لو بصينا للمقابل المادي تمن جوز الكبالن تقريبا يساوي تمن طقم الدبرياج في اي عربية بل علي العكس في عربيات كبالنها اغلي من طقم دبرياجها
و مصنعية اي مكانيكي مش فارقة كتير يعني 50 من 100 الأتنين فيهم رمية عند الميكانيكي و بياخدوا نفس الوقت برضة