مدينة العبور تبع محافظة القليوبية. بس أنا مش عارف المرور بتاعها فين بالظبط ؟ وأيه أخبارة زحمة ولا رايق؟
أصل أنا تبع مرور شبرا و نقلت حديثا للعبور فمش عارف أخلني في شبرا ولا أنقل القليوبية؟
لو حد يا جماعة يقدر يفيديني يبقى جزاه الله كل خير..
عرض للطباعة
مدينة العبور تبع محافظة القليوبية. بس أنا مش عارف المرور بتاعها فين بالظبط ؟ وأيه أخبارة زحمة ولا رايق؟
أصل أنا تبع مرور شبرا و نقلت حديثا للعبور فمش عارف أخلني في شبرا ولا أنقل القليوبية؟
لو حد يا جماعة يقدر يفيديني يبقى جزاه الله كل خير..
معلش يا باشا فين مرور الخانكة وهو قليوبية ولا القاهرة.
انت مرخص تبعة كويس ولا غير أدامي زي السلام
(معلش أسئلتي كتير)
مرور الخانكة وراء السنترال وبجوار المحكمة والشهر العقاري والمكان سهل ومايتوهش وعلي فكرة انا سألت واحد مجرب مرور الخانكة والسلام قالى السلام احسن.
شكراً.جزاك الله خيراً.
خليك في شبرا طبعا
انا مرور شبرا
وماشي ببطاقتين عشان كدة
واحدة القديمة بالمرور القديم
وغالبا هانقل السلام عشان خلصت ولو اتجددت هايتعرف اني غيرت العنوان
أنا برده قررت أعمل كده
بس مرور شبرا مش كويس أوي يعني
أنا أخويا مرور النزهة بيتعامل معاملة بشوات (كراسي ومراوح ومعاملة أدامية) والمصلحة بتقضي عنده بسهولة.(كده كده لازم الإكراميات)
ده الطابور إلي الواحد بيقفوا في النيابة بتاعة شبرا ممكن يقعد ساعتين تلاته:36_7_4[1]:. غير الزحام الغير عادي في باقي الشبابيك (وبرده لازم تدفع)
حلو الحل شكرا يا استاذ كريم
لان انا عندى نفس المشكلة ساكن فى العبور برضوا ومرور الخانكة بجد وحش جدا :majd(4):
عشان كدا الحمدلله انا تابع مرور الويلى على البطاقة القديمة
عندى سوال بعد ازنك انا البطاقة عندى من 2005 كدا هتخلص امتى مع العلم ان عندى 21 سنة ولسة فاضلى سنة واتخرج ان شاء الله ولو خلصت البطاقة اعمل اية عشان افضل تابع مرور الويلى وشكرا
بس لو عملت بطاقة تانية بعنوان جديد زيي مش هاينفع
بشري للاخ السائل مرور مدينة العبور موجود بالحي الثاني
وسوف يتم افتتاحة قريبا حدا
انا انشاء الله حيفتح وحدة مرور العبور اول السنة و هتكون فى الحى الثانى بجوار مركز الشباب
ممكن سؤال منطقة حدائق القبة تبع مرور اية ومانة فين بالضبط شكرا
اوعي تحول مرور الخانكة اوعي
نصيحة لوجه الله
انا حولت العربية ال 128 فيه من تلات سنين و نصف من مرور الجمال و الحلاوة فيصل- كل حاجة بخمسة جنيه - الي الخانكة في ثمانية ايام متتالية كل يوم في المرور في الفترة دي فحصت العربية مرتين بسبب اخطاء المرور هناك
و المرور هناك قمة في البيروقراطية و الملل
و للاسف كل اللي هناك او اغلبهم للدقة لا يعلمون شيئا عت تخليص مصالح الناس عدا فرد او اثنين منهم الاستاذ مينا المسئول عن شباك الملاكي و موظف اخر لا اتذكر اسمه
انا وقتها كنت فاكر ان المشكلة فيا او في الورق لكن مع مرور 8 ايام متتالية في الذهاب الي المرور من الثامنة صباحا الي الواحدة و نصفا ظهرا
اكتشفت ان نفس الوجوه تتكرر و نفس الاشخاص الذين اراهم اليوم هم من يأتون غدا و بعد غدا حتي صرنا معارف !!!
مما يكشف ان المشكلة عامة
علي فكرة مرور الخانكة عندهم فحص عادم !!!!!
و عادي جدا بعد ما تخلص كل ورقك و تسقط في اختبار العادم و تيجي تكشف مرة تانية بعد اسبوع
و عندهم هناك مهندس لذيذ جدا
كل حياته هي الصراخ في وجهك بأنه شريف و لن يقبل اي رشوة !!!!
انا حولت اقامتي لشبرا و كبرت دماغي من الحوار ده لغاية اما مرور العبور يفتح و بعد كده تفرج ....