بصراحه مصدووووووم من النيو سيراتو ومن كيــــا . . .

انا بصراحه مع ان العربيه لازم تقعد في الســــوق شويه وتتجرب في السوق المصري

ومبحبش اجيب من وش القفص زي ما الناس ما بتقووول العربيه بصراحه تقلق شكلها حتتطلع منظر بس مش اكتر ,مع احترامي للجميع لكن بصراحه ان عمري ما سمعت عن عربيه جديده تلحق يبقي فيها المواضيع ده والمشاكل ده كلها , وبالنسبه لموضوع السخونه ده شكله علي الكل لكن اغلب الناس مش واخده بالهم من الكارئه ده , انا سألت واحد صاحبي معاه العربيه أكدلي موضوع السخونه لدرجه أن الراجل ادالي مثل وقالي انك لو حاطط شوكولاته جمب الكونسوول بتاع العربيه حتسييييح ... وشكله عيب شائع في العربيه مش بيظهر غير مع المسافات الطويله انا حاسس ان المشاكل بتاعتها اكتر من كده كمان.
اممم ما حدش يستغرب ان متحامل علي العربيه كده ,لأن بصراحه غاليه اوي علي انها كووري وتساوت مع عربيات كتيييره ياباني علي فكره انا كنت من اشد المعجابين بيها وكنت ناوي أجيبها والحمد لله اني مجيبتهااااش , اسيبكوا مع المواضيع تقرؤها وياريت تستفيدوا من ناس جابت العربيه ومشيت بيها انا بصراحه مصدووووووووم من كيا
وربنا يسترها معانا كلنا ويوفق الجميع


(للأسف... احذروا من النيوسيراتو...!!!!)http://www.nilemotors.net/Nile/109619-a.html


(السيراتووووووو ولعت يا جدعان)http://www.nilemotors.net/Nile/108353-a.html


(سخونة في صالون السيراتو و عدم اكتراث من صيانة ابو رواش)http://www.nilemotors.net/Nile/104199-a.html


:beatdeadhorse5: :beatdeadhorse5: :120146b :120146b

شكراً ليك جداً
ربنا يجعله في ميزان حسناتك

والله لو جبتها هاتغير رايك فيها يا صاحبى كل الاحالات الى انت بتقول عليها دية حالات فردية هو يعنى مافيش عربية يابانى بتولع ولا بتسخن ولا بتعمل حادثة اكيد مافيش عربية معصومة من الكلام دة انا واحد من الناس جبتها ومندمتش ومش هاندم على كل جنية حطيتة فيها وربنا يباركلى فيها ان شاء اللة للاسف عقدة اليابانى لسة ماثرة على الشعب المصرى واكيد الى ماعندوش العربية دية هايعيب فيها وبعدين الى معاة النترا بيشتكى والى معاة لانسر بردة بيشتكى والتويتا بيقولوا عليها جنوب افريقى والاوبل بتتقفل فى مصر يبقى كلة زى بعضة اكيد انت معاياة:majd(4):

أكيد وربنا يباركلك فيها , العيوب موجوده في كل العربيات بس مش كده
ومش بالسرعه ده وخصوصا ان العربيه غاليه وواضح فيها اوي اوي عيوب الصناعه من اولها وانا عااارف ان موديل 2011 حيعدلوا فيه كتييير , علي فكره أنا حاجز بروتون بيرسونا يعني انا مش أنصار الياباني وياريت كان معايا فلوسه ربنا يعطينا كلنا ونركب الياباني والالماني الفاره ....

لولا اختلاف الازواق لبارت السلع وبص شوف العربية دية انتشرت اد اية وسيبك من كلا المنتديات انزل واسال وشوف بعنيك يكفى انك مش عايز نعدل اى حاجة فى العربية ومش عايزة اى اكسيسورى وكلة بالاستخدام يا برنس الى سواقتة نضيفة غير الى مابيعرفش يسوق

الحمد لله كنت بفكر اشتريها بس الحمد لله اشتريت نيسان صني زي ما قال المهندس سبعاوي والحمد لله كويسه وربنا يكرم الجميع

بالنسبة لظهور كتير من المشاكل ده راجع لسرعة انتشارها وكمان معظم العربيات اول ما بتنزل بيكونلها مشاكل ما بتكتشفهاش الشركة المصنعة الا لما بتنزل السوق يعنى عندك شركة تويوتا وانا من عشاقها سحبت اكتر من 3 مليون عربية بسبب عيب قاتل فى الفرامل كان بيخلى العربية تتحرق وغيرها كتير وبالنسبة لموضوع سخونة الكونسول احد الاعضاء هنا قال ان بقى ليها حل فى الوكيل كان عيب عزل والشركة الام بعتت القطعة الناقصة اللى بتعزل
وعلى فكرة الانترا سجلت نجاح كبير فى السوق ورغم كده انا سمعت انها اول ما نزلت كان فيها عيب فى علبة الدركسيون والاسكترة ودلوقتى المشكلة اتحلت وبقت تمام

لبص يا باشا انا كان قدامي التوكيل والخليجي وبصراحه انا جبت الخليجي ولا فكرت في ضمان ولا في تامين لأ ني توكلت علي الله---لأن انا بفضل الخليجي لأ من الواضح ان كل العيوب ال حضرتك قلت عليها في الوكيل المصري بصراحه دي واضحه اوي ---
حدفه شمال ----- الجنط 17 بيطلع بالونات---- حدفه يمين----- الكونسول بيسخن----- ان مش بدافع عن الكوري لأن انا ركبت كله ماليزي ---ياباني--- الخ ال بينزل مصر موصفاته مش بتاعة بني ادمين مش عارف ليه بيعماملونا كده؟ انا من فتره قريت في المنتدي ان واحد رفع قضيه علي ار توك بسسب عيب تصنيع في الاسكوده---- وقول يا رب--- انت في مصر

والله بصراحة انا العربية معايا بقالها شهرين وفعلا موضوع الحدفة شمال ده بس غير ملحوظ بالمرة غير كدة بجد العربية عاجباني اوي وشايف انها ممتازة كمان دي وجهة نظري

طيب انا مش فاهم الحدفة دى سببها ايه؟

يا جماعه العربيه منتشره جدا جدا
وواضح ان نسبه العربيات الى ولعت او عملت حادثه قليله جدا بالمقارنه بالعربيات الى ماشيه وزى الفل
زائد ان لو ده عيب صناعه ومش حاله فرديه كان لازم لازم كل الى معاهم العربيه جنط 17 او اياً كان كلها تتقلب او تتحرق
وده الحمد لله محصلش
مش معنى ان bmw اتقلبت وهى ماشيه على سرعه قليله ان الالمانى زباله...طب اشمعنى الكورى
بلاش تعميم الحالات الفرديه

اقتباس:

---

المشاركة الأصلية كتبت بواسطة aminibrahim

لبص يا باشا انا كان قدامي التوكيل والخليجي وبصراحه انا جبت الخليجي ولا فكرت في ضمان ولا في تامين لأ ني توكلت علي الله---لأن انا بفضل الخليجي لأ من الواضح ان كل العيوب ال حضرتك قلت عليها في الوكيل المصري بصراحه دي واضحه اوي ---
حدفه شمال ----- الجنط 17 بيطلع بالونات---- حدفه يمين----- الكونسول بيسخن----- ان مش بدافع عن الكوري لأن انا ركبت كله ماليزي ---ياباني--- الخ ال بينزل مصر موصفاته مش بتاعة بني ادمين مش عارف ليه بيعماملونا كده؟ انا من فتره قريت في المنتدي ان واحد رفع قضيه علي ار توك بسسب عيب تصنيع في الاسكوده---- وقول يا رب--- انت في مصر

---

الحمد لله انى ما استلمتش لحد دلوقتى وانى رحت اشتريت فولكس لانى كدا هلغى العربية دى لان مصايبهها بئت كتير ومش سهلة

اقتباس:

---

المشاركة الأصلية كتبت بواسطة temoon

الحمد لله انى ما استلمتش لحد دلوقتى وانى رحت اشتريت فولكس لانى كدا هلغى العربية دى لان مصايبهها بئت كتير ومش سهلة

---

يعنى انتة فاكر انك بعت عن قدر الله يا جماعة الكمال لله وحدة اى عربية فيها عيوب فى شركات زى تيوتا وفورد وفولكس فاجن سحبت عربيات من السوق بسبب عيوب فى التصنيع ولى انتو شيفين ان السيراتو هية الى موجودة عند الميكانيكية وفى الحرفيين وبس بلاش كلام على الفاضى واتقو الله اتكلم عن تجربة كل شوية حدفة شمال سخونة والله المستعان على المصريين

سحب ملايين السيارات من السوق الأميركية .. تويوتا تخفض مكافآت مديريها

تعتزم شركة تويوتا اليابانية لصناعة السيارات خفض المكآفات التي يحصل عليها مديرو فروعها هذا الشتاء بنسبة 20%.


وسيطبق قرار تويوتا التي تعد أكبر شركة للسيارات بالعالم على نحو 8700 من مديري الفروع داخل اليابان، والذين عادة ما يتلقون مكآفات إضافية على رواتبهم مرتين في العام.

وعدلت الشركة في تقرير سابق لها صدر مطلع الشهر الجاري خسائرها المتوقعة خلال العام المالي الجاري الذي ينتهي في مارس/ آذار المقبل، إلى ملياري ين (2.2 مليار دولار).

وكان التقدير السابق لخسائر تويوتا عن هذا العام يصل إلى 450 مليار ين (خمسة مليارات دولار).

وجراء تداعيات الأزمة المالية العالمية، بلغت خسائر تويوتا للسنة المالية المنتهية في مارس/ آذار الماضي 437 مليار ين (4.9 مليارات دولار).

استرجاع
ويأتي قرار تقليص المكافآت، بينما تواجه تويوتا مشكلة استرجاع نحو أربعة ملايين سيارة من السوق الأميركية بسبب عيب بدواسات البنزين.



وقالت الشركة أمس في واشنطن إن الدواسات الجديدة أقصر من القديمة، وذلك لتجنب احتكاكها بفرش أرضية السيارة.


وأوضحت بأنها ستسدعي 3.8 ملايين سيارة مباعة بالولايات المتحدة لاستبدال دواساتها.

وكانت تقارير إعلامية ذكرت من قبل أن الدواسات الحالية تسببت الصيف الماضي في حادث تصادم بكاليفورنيا بين سيارة ليكزس من صنع تويوتا وسيارة أخرى، أسفر عن سقوط قتلى.


وأشارت الشركة إلى أن من بين ماركات تويوتا التي ستخضع لعملية الاستبدال سيارة كامري وبريوس.

فورد


http://www.alrroya.com/node/39755

فولكس فاجن

http://www.contactcars.com/News_View...sp?NewsID=3405

اقتباس:

---

المشاركة الأصلية كتبت بواسطة ezzzzo1983

انا بصراحه مع ان العربيه لازم تقعد في الســــوق شويه وتتجرب في السوق المصري

ومبحبش اجيب من وش القفص زي ما الناس ما بتقووول العربيه بصراحه تقلق شكلها حتتطلع منظر بس مش اكتر ,مع احترامي للجميع لكن بصراحه ان عمري ما سمعت عن عربيه جديده تلحق يبقي فيها المواضيع ده والمشاكل ده كلها , وبالنسبه لموضوع السخونه ده شكله علي الكل لكن اغلب الناس مش واخده بالهم من الكارئه ده , انا سألت واحد صاحبي معاه العربيه أكدلي موضوع السخونه لدرجه أن الراجل ادالي مثل وقالي انك لو حاطط شوكولاته جمب الكونسوول بتاع العربيه حتسييييح ... وشكله عيب شائع في العربيه مش بيظهر غير مع المسافات الطويله انا حاسس ان المشاكل بتاعتها اكتر من كده كمان.
اممم ما حدش يستغرب ان متحامل علي العربيه كده ,لأن بصراحه غاليه اوي علي انها كووري وتساوت مع عربيات كتيييره ياباني علي فكره انا كنت من اشد المعجابين بيها وكنت ناوي أجيبها والحمد لله اني مجيبتهااااش , اسيبكوا مع المواضيع تقرؤها وياريت تستفيدوا من ناس جابت العربيه ومشيت بيها انا بصراحه مصدووووووووم من كيا
وربنا يسترها معانا كلنا ويوفق الجميع


(للأسف... احذروا من النيوسيراتو...!!!!)http://www.nilemotors.net/Nile/109619-a.html


(السيراتووووووو ولعت يا جدعان)http://www.nilemotors.net/Nile/108353-a.html


(سخونة في صالون السيراتو و عدم اكتراث من صيانة ابو رواش)http://www.nilemotors.net/Nile/104199-a.html


:beatdeadhorse5: :beatdeadhorse5: :120146b :120146b

---

سؤال بسيط انتة معاك سيراتو جربتها شفت عييوبها ولا بتتكلم كدة :policeman:
وياريت بلاش الاحساس

و الله يا جماعه بصرف النظر عن وجه نظر حضرتكم

انا شايف ان في الاخر المسأله مسأله نصيب و قدر و مكتوب

و ايمان بالله

الفكره مش عربيه كوري و لا ياباني و لا الماني و لا حتي امريكاني

بس الفكره كلها ان كل واحد بيشتري الي مقتنع بيه و الي يقدر علي ثمنه و بعدين احنا ربنا خلقنا درجات يعني في الي يقدر يركب الماني و الي يركب كوري او ياباني

يعني الي عايز اقوله الواحد بيطلب بس من الله ان ربنا يسترها معاه و يكفينا و يكفيكم الطريق .........

اقتباس:

---

انا شايف ان في الاخر المسأله مسأله نصيب و قدر و مكتوب

---

معلش انا اختلف مع حضرتك يعني انا مش هروح اجيب عربيه فيها عيب جوهري واقول نصيب !!

اقتباس:

---

المشاركة الأصلية كتبت بواسطة mostafa_elhussain

معلش انا اختلف مع حضرتك يعني انا مش هروح اجيب عربيه فيها عيب جوهري واقول نصيب !!

---

و الله يا استاذي معتقدش ان فيه حد حيكون عارف ان العربيه فيها عيب ممكن يضيع حياته و حيجبها غير لو مختل عقلياً

انا بتكلم ان مفيش حاجة في الدنيا ليها امان اساساً .....

يعني حضرتك هل واثق من كل حاجة في حياتك بمائه بالمائه و لا في نسبه قدر

و بعدين انت بتتكلم علي حاجة بيدفع فيها شقي العمر مش جنيه و لا اتنين يعني الي قصدي اقوله انك بتفكر 1000 مره قبل ما تشتري الحاجة فأكيد لو الي حيشتري الحاجة عرف انها حتعمله مشاكل اكيد حيصرف نظر عنها


ارجو ان تكون وجه نظري وضحه لحضرتك

انت زعلان ليه كده يا استاذ ايمن ومتحامل في الكلام كده كأنك شغال في شركه كيا ومين قالك ان الواحد لما سمع مشاكل في عربيه ما زي تويوتا او فورد ممكن الواحد يفكر فيها الناس تعبانه في القرش وشقيانه بيه مش حتروح وتدفع دم قلبها في عربيه اسمع فيها عيب خطير زي اللي في التويوتا او في الفورد او السيراتو ولو دورت علي جميع الاقسام المختلفه في المنتدي مش حتلاقي عربيه لسه نازله جديده في السوق وعامله مشاكل زي اللي عاملاها السيراتو أحنا بنتكلم في عيب تصنيع يعني مش حاجه بسيطه وانا جايب مواضيع الناس انا مش بأللف من عندي كلام وواحد صاحبي زميلي في الشركه جايب السيراتو فول اوبشن الكامله الهاي لاين واكدلي موضوع السخونه .
وبعدين كل واحد يعبر عن انطباعه وبلاش التحيز اللي ما يتفهمش غير أنك شغال في الشركه وبالتالي بترد وبتدافع عن الشركه اللي انت شغال فيها .
ما الكارينز نازله ومحدش أتكلم في عيب خطير فيها ولا حد قال عليها حاجه وبره الكيا خالص الالنترا بقالهاااا قد اه في السوق المصري محدش سمع المصايب اه مصايب اللي بنسمعها عن العربيه ده
وربنا يوفق الجميع وعلي فكره كتر كلام الناس يوضح ان السيراتو الخليجي افضل يعني عندنا هيا بس اللي فيها عيوب وده حاجه توضح وتفسر اللي بيحصل في العربيه

على فكره سحب العربيه واعتراف تويوتا بالخطا ده يزيدها احترام مش احسن ما تضحك على العميل زى ما غيرها بيعمل
شكرا لاحترام تويوتا لعملائها وكمان الموضوع ده فى امريكا مش هنا وبلاش بقى كل ما نجيب سيرة العربيه السيراتو نجيب سيرة التويوتا الفرق كبيييييييييييييير ومع احترامى للسيراتو طبعا بس الفرق متهيالى اللى يركب ديه ويركب ديه يقدر يحدد الفرق للاسف انا لغاية دلوقتى مش سوقت السيراتو بس سوقت معشوقتى اليابانيه الكورولا

وانا معاااك في كلامك

مفيش دخان من غير نار من رأيي الواحد يجتنب الشبهات عشان ميندمش .





.

الله يسامحكو يا جماعه دا احنا لو بنحارب مش هايكون عندكو الحماسه دي --- الكوري ابويا والياباني عمي والالماني اخويا الله يسامحكو كله قضاء وقدر

حاسبوا انفسكم قبل ان تحاسبوا

اقتباس:

---

المشاركة الأصلية كتبت بواسطة aminibrahim

الله يسامحكو يا جماعه دا احنا لو بنحارب مش هايكون عندكو الحماسه دي --- الكوري ابويا والياباني عمي والالماني اخويا الله يسامحكو كله قضاء وقدر

حاسبوا انفسكم قبل ان تحاسبوا

---

و الله يا استاذي انا قولت الكلام دا و قولت انها نصيب و قضاء و قدر

بس نعمل ايه في ناس بتفتكر ان الايمان بالقدر و بالمكتوب تواكل علي الله ..... و لكن هذا لا يمنع الاخذ بالاسباب

الحمد لله علي كل حال وربنا يكفينا شر الطريق

لو الناس القديمة موجودة .. هيفتكروا اننا فتحنا ساحات حوار اول ما العربية دي نزلت واتناقشنا .. طبعا كان معظم الكلام نظري لان مفيش حد كان لسه جرب واشتكى .. بس انا ملاحظ دلوقتي في القسم ان الشكاوى زادت وده حقيقي .. وايه الفائدة من وكيل محترم ومنزل عربية فيها عيوب صناعة .. العربية برده ليها مميزات .. فيها موتور محترم جدا .. شكل رياضي خارجي و داخلي .. ثبات على الطرق المستقيمه .. ولكن العفشة ده عيب جوهري لا يجوز الاستغناء عن معالجته او التغاضي عنه .. احنا ياما شتمنا في الصيني .. وقلنا عيوب .. بس بصراحة مشفناش عربية سيدات و فيها جنوط 17 وعفشة سبورت زي ما بيقولو .. ونلاقيها بتحدف واللي بتولع واللي بتتقلب لوحدها .. وان مقصاتها مش فولاذ .. الراجل اللي اتقلب بالعربية من الكلام اللي وصفه .. انه لما حاول يلم العربية مكانش في استجابه يعني الاسكاتره اتكسرت .. ومن نقره واحده .. واحنا بلدنا كلها نقر .. يعني السيراتو لا تناسب الشارع المصري . . انا لميت نفسي تاني ورجعت للالماني .. وكل اصحابي الكياوية ميزعلوش مني طبعا .. في ناس منهم بينا عيش وملح و الزعل ممنوع .. وتقبلوا فائق تحياتي

اقتباس:

---

المشاركة الأصلية كتبت بواسطة momenhamdy

و الله يا استاذي معتقدش ان فيه حد حيكون عارف ان العربيه فيها عيب ممكن يضيع حياته و حيجبها غير لو مختل عقلياً

انا بتكلم ان مفيش حاجة في الدنيا ليها امان اساساً .....

يعني حضرتك هل واثق من كل حاجة في حياتك بمائه بالمائه و لا في نسبه قدر

و بعدين انت بتتكلم علي حاجة بيدفع فيها شقي العمر مش جنيه و لا اتنين يعني الي قصدي اقوله انك بتفكر 1000 مره قبل ما تشتري الحاجة فأكيد لو الي حيشتري الحاجة عرف انها حتعمله مشاكل اكيد حيصرف نظر عنها


ارجو ان تكون وجه نظري وضحه لحضرتك

---

والله انا كنت هجيب العربيه دي اول ما نزلت بس قلت بلاش اتهور واشوف الناس هتقول ايه ولقيتها فعلاً عملت مشاكل مع الناس وفي العفشه يعني مش حاجه ممكن اتغاضى عنها
من ناحيه القدر وكده طبعاً (كله ماشي على صاموله ومسمار وربك هو الستار)
بس لازم ناخد بالاسباب يعني عربيه فيها عيب (وانا واثق ان كل اللي اشتروها مكانوش يعرفو)
المفروض دلوقتي محدش يشتريها غير لما يصلحو العيب والناس اللي جابت دي عربياتها تتظبط ده لو في حد هيعمل حاجة اصلاً
احنا فالحين نقول كرامة المصري برره بلده وهو ملوش تمن في بلده أساساً:majd(4):

اقتباس:

---

انا بتكلم ان مفيش حاجة في الدنيا ليها امان اساساً .....

---

بس في حاجه أأمن من حاجه!

اقتباس:

---

المشاركة الأصلية كتبت بواسطة mostafa_elhussain

والله انا كنت هجيب العربيه دي اول ما نزلت بس قلت بلاش اتهور واشوف الناس هتقول ايه ولقيتها فعلاً عملت مشاكل مع الناس وفي العفشه يعني مش حاجه ممكن اتغاضى عنها
من ناحيه القدر وكده طبعاً (كله ماشي على صاموله ومسمار وربك هو الستار)
بس لازم ناخد بالاسباب يعني عربيه فيها عيب (وانا واثق ان كل اللي اشتروها مكانوش يعرفو)
المفروض دلوقتي محدش يشتريها غير لما يصلحو العيب والناس اللي جابت دي عربياتها تتظبط ده لو في حد هيعمل حاجة اصلاً
احنا فالحين نقول كرامة المصري برره بلده وهو ملوش تمن في بلده أساساً:majd(4):

بس في حاجه أأمن من حاجه!

---

انا معاك في الكلام الي حضرتك بتقوله 100 * 100

و انا كمهندس بصراحة عندي مبدأ اني مش بشتري اي حاجة بتكون اول دفعه او اول دفعتين علشان عيوبها تتعرف حتي لو موبيل مش عربيه حدفع فيها دم قلبي

بس الفكره الي انا كنت مختلف معاك فيها و انا وضحتها لحضرتك ان فعلاً مش ممكن انا حكون عارف ان الشئ دا حيضرني و حشتريه لان دا اول معالم التواكل ......

وبعدين السبب الرئيسي برده وراء انتشار العربيه دي بالذات و بالطريقه دي بصرف النظر عن الموتور و الفتيس و الكماليات و الكلام الهايف دا سمعت التوكيل و حضرتك عارف كويس اوي ان نصير سمعته بسم الله ما شاء الله و دا عرفناه من معاملاته مع الرينو و ملاكها و كنا متوقعين برده الكلام دا مع ملاك الكيا و فعلاً يعني الشكوي قليله جداً من مراكز الخدمه بتاعته

بس ارجع و اقول لو كانت سياسه التوكيل هي البيع و تلزيق العربيه للمستهلك علي حساب حياته يبقي بجد حرااااااااااام عليه ..... و من ناحيه تانيه طب الراجل دا ممكن يعمل كدا ليه و يخسر سمعته في السوق علشان عربيه و خصوصاً ان معروف ان نصير طول عمره البزنس بتاعه محترم و الناس بتحبه انا شايف ان في حلقه مفقوده في الموضوع دا و طبعاً الحلقه دي ليها علاقه بالمواصفات الفنيه للعربيه و انظمه التعليق بتاعتها الي اخره

و نقطه كمان مهمه حضرتك عارف ان كل توكيل بيختار المواصفات الي مناسبه ليه و مناسبه للمستهلك بتاعه و بالاضافه الي اخذ في الاعتبار المواضيع الخاصه بالجمارك الي اخره يعني برده لو في تقصير او تقليل من المكونات او المواصفات او الخامات الخاصه بالعربيه تبقي مصيبه بجد بجد و بدأت معالمها تبان

كل الي الواحد بيتمناه الوقتي هي انقاذ ارواح الناس ورجوع ثقتهم في العربيات الي ركبنها و طبعاً دا لا يمكن يتم غير عن طريق اخذ قرار حازم من جانب التوكيل في هذا الشأن لان كدا برده اكيد الي عنده العربيه عنده اعتقاد انو حيحصلوا حاجة مش كويسه ( كفانا الله جميعاً شر الحوادث )

اسف لو كنت طولت و لكن نأمل من الله ان كيا مصر تأخد حذر شديد من الموضوع دا و وضع حل نهائي لانظمه تعليق هذه السياره

تحياتي

Hi
I have new cerato 2010 sx high line Gulf
I went with it from cairo to sharm then back.. This car is excellant and have no deviation or any probles noticed

اقتباس:

---

المشاركة الأصلية كتبت بواسطة momenhamdy

انا معاك في الكلام الي حضرتك بتقوله 100 * 100

و انا كمهندس بصراحة عندي مبدأ اني مش بشتري اي حاجة بتكون اول دفعه او اول دفعتين علشان عيوبها تتعرف حتي لو موبيل مش عربيه حدفع فيها دم قلبي

بس الفكره الي انا كنت مختلف معاك فيها و انا وضحتها لحضرتك ان فعلاً مش ممكن انا حكون عارف ان الشئ دا حيضرني و حشتريه لان دا اول معالم التواكل ......

وبعدين السبب الرئيسي برده وراء انتشار العربيه دي بالذات و بالطريقه دي بصرف النظر عن الموتور و الفتيس و الكماليات و الكلام الهايف دا سمعت التوكيل و حضرتك عارف كويس اوي ان نصير سمعته بسم الله ما شاء الله و دا عرفناه من معاملاته مع الرينو و ملاكها و كنا متوقعين برده الكلام دا مع ملاك الكيا و فعلاً يعني الشكوي قليله جداً من مراكز الخدمه بتاعته

بس ارجع و اقول لو كانت سياسه التوكيل هي البيع و تلزيق العربيه للمستهلك علي حساب حياته يبقي بجد حرااااااااااام عليه ..... و من ناحيه تانيه طب الراجل دا ممكن يعمل كدا ليه و يخسر سمعته في السوق علشان عربيه و خصوصاً ان معروف ان نصير طول عمره البزنس بتاعه محترم و الناس بتحبه انا شايف ان في حلقه مفقوده في الموضوع دا و طبعاً الحلقه دي ليها علاقه بالمواصفات الفنيه للعربيه و انظمه التعليق بتاعتها الي اخره

و نقطه كمان مهمه حضرتك عارف ان كل توكيل بيختار المواصفات الي مناسبه ليه و مناسبه للمستهلك بتاعه و بالاضافه الي اخذ في الاعتبار المواضيع الخاصه بالجمارك الي اخره يعني برده لو في تقصير او تقليل من المكونات او المواصفات او الخامات الخاصه بالعربيه تبقي مصيبه بجد بجد و بدأت معالمها تبان

كل الي الواحد بيتمناه الوقتي هي انقاذ ارواح الناس ورجوع ثقتهم في العربيات الي ركبنها و طبعاً دا لا يمكن يتم غير عن طريق اخذ قرار حازم من جانب التوكيل في هذا الشأن لان كدا برده اكيد الي عنده العربيه عنده اعتقاد انو حيحصلوا حاجة مش كويسه ( كفانا الله جميعاً شر الحوادث )

اسف لو كنت طولت و لكن نأمل من الله ان كيا مصر تأخد حذر شديد من الموضوع دا و وضع حل نهائي لانظمه تعليق هذه السياره

تحياتي

---

هو مش هيضيع سمعته ولا حاجه لان الشعب المصري كله مش على النت ولان عمر ما في توكيل في مصر نزل عربيه بعيب واعترف بيه وسمعته بتفضل زي ما هي ولان المصريين مش كلهم عالنت
تخيل معايا لو الكلام ده في امريكا ؟؟ عارف حمايه المستهلك هناك بتعمل ايه؟؟ بتنشر اسم العربيه والتوكيل على النت وعلى صفحات الجرايد وان فيها كذا وكذا وبتجبر التوكيل انه يخير العملاء انهم يرجعو العربيه وياخدو فلوسهم او يصلحو العيب!! يعني من الآخر بيضيع
انما في مصر المطعم يمسكو فيه لحم حمير وييجي في الجرنان يقولك مطعم في منطقة كذا!! وميقولش الاسم لان ده تشهير وسمعة محل!! طيب وده يستاهل سمعة!
في اليابان شركة ميتسوبيشي نزلت دفعة من الباجيرو فيها خطأ فني في الكهرباء ومرضوش يصلحوه والناس اشتكت ووصلت الموضوع لمصنع ميتسوبيشي ،عارف ايه اللي حصل! رئيس مجلس ادارة ميتسوبيشي اتشال واتسجن لانه نزل بيان بيقول ان العربيه سليمه واللجنة اللي فحصتها قالت العكس!! هجيبلك اللينك لو لقيته وتذهل ان واحد اتسجن علشان قال دي سليمه وهي مش سليمه!!
واحنا عندنا المنصور فضل منصور لحد ما استقال هو من الوزاره ولسه معاه التوكيل وبيعمل العربيه بنفس العيب وبيبيعها ولا حياة لمن تنادي!!!!

المسالة كلها قدر ونصيب ........ولكن الملاحظ في مصر دايما ان العربيات كلها تقريبا زي البطيخة يا تطلع حمراء يا قرعة قصدي خضراء!!!!!!!!!!!!!