لو سمحت يا جماعة عايز اعرف سعر عربية فيرنا 2007 فابريقة برة و جوة مفهاش اي خدش و صيانة بالتوكيل عاملة حوالي 43000 كم .. تكييف و باور بس .. بدون ازاز كهرباء و لا سنتر و هي 1600 سى سى دي تساوى كام لو سمحتم
عرض للطباعة
لو سمحت يا جماعة عايز اعرف سعر عربية فيرنا 2007 فابريقة برة و جوة مفهاش اي خدش و صيانة بالتوكيل عاملة حوالي 43000 كم .. تكييف و باور بس .. بدون ازاز كهرباء و لا سنتر و هي 1600 سى سى دي تساوى كام لو سمحتم
معلش انا كان ليا تعليق صغير في 2007 الموديل اللي كان فيه تكييف وباور بس كان 1500 مش 1600
الموتور ال 1600 كان في الفول اوبشن بس وكان في برده 1500 فول اوبشن وبداية من 2008 حطوا الموتور ال 1600 في الفيرنا كلها وال 1500 في الفيفا
تعمل 48 - 50 الف لو حلتها ممتازة و مفهاش خدش و كلها فبريكا زى ما بتقول
رجاء ..عايز اعرف صيانة 30 الف كم لفيرنا فيفا 1500 تعمل كام فى التوكيل
انا شايف ان لو حالتها ممتازة ممكن تساوى 45 الف جم
بالتوفيق
45 الف كويس عليها
شكرا يا جماعة علي الردود دي .. انا روحت شفت العربية هي كانت في سوق الجمعه.. كان اخرة فيها 52000 نزلتها لحد 50000 ما رضيش ..وهي لسة موجودة في المعرض لحد امبارح .. و بعدين امبارح رحت شفت واحدة تاني 2007 برضة 1500 سىسى هاف اوبشين فابريقة مفهاش خدش لونها كحلي عاملة 109000 كم.. وكان معايا واحد شغال في الحاجات دي قاللي دي ممتازة .. انا بصراحة كنت قلقان عشان ماشية كتير .. قاللولي مش مهم عدد الكيلو مترات المهم الحالة .. و هي بصراحة شكلها جديد مش متهانة .. كان طالب فيها 51000 .. و احنا بنخلص فيها علي 49000 .. اية رايكم
كتير اوي 109000 كيلو ده انا بتاعتي مستلمها في يونيو 2007 ولسه ماكملتش ال 20000 كيلو بس انا استخدامي بسيط عموما هو المفروض الاستهلاك الطبيعي يكون حوالي 20000 كيلو في السنة الواحدة يعني موديل 2007 تكون عاملة في حدود 60000 كيلو لكن 109000 دي كتير اوي ويمكن كان صاحبها مشغلها تأجير