الموضوع: عايز اروح ميدان روكسي

السلام عليكم ورحمة الله وبركاته
انت فى ميدان المؤسسة تحت كوبرى المشاة قدامك الشارع مقسوم يمين وشمال هاتخد شمال اللى يوديك احمد حلمى هتمشى ويبقى سور المترو والقطارعلى شمالك ومستشفى التامين الصحى على يمينك هاتخد الطريق ده على طول لغاية لما تطلع كوبرى على ترعة(ترعة الاسماعيلية)بعديه هاتلاقى موقف عبود للأقاليم وهاتلاقى كمين ثابت على يمينك هاتعدى الكمين وهاتلاقى دخلة يمين نصف قوس هاتلف معاها اللفة ديه هاتعديك فى نفق من تحت الطريق اللى انت جى منه والكمين.بعد النفق هاتخد الطريق على طوووووووول على يمينك شركة الكهرباء بأعمدة الضغط العالى وعلى شمالك ترعة الاسماعيلية اخر الشارع هايلف بيك يمين لف معاها بعديها هايلف بيك شمال لف معاه هاتلاقى تقاطع واشارة يمينك ش بورسعيد وشمالك كوبرى السواح انت طريقك على طول لا يمين ولا شمال اخر الشارع هاتلاقى ميدان هاتعديه وتكمل على طول يمينك قصر القبة الرئاسى وشمالك بنزينة ومبانى اخر الشارع هايلف معاك يمين لف معاه بس خليك على شمال الطريق قوى علشان تطلع الكوبرى(كوبرى الطاهرة) وتنزل منه هليف معاك الشارع يمين وبعديها تلف معاه شمال وتكمل هاتعدى ميدان وتكمل على طول هاتلاقى اشارة روكسى على جسر السويس اشارة رخمة وهاتلاقيها قافلة الشارع عديها وكمل على طول الاشارة اللى بعديها على طول هى ديه اشارة روكسى يعديها وعلى طول انت كده يعتبر فى ميدان روكسى
ارجو ان اكون اوضحت