صباح / مساء الفل علي الكياوية عامة و البيكنتاوية خاصة :shine[1]:
الموضوع بإختصار عشان مطولش عليكوا أني في واحدة قريبتي أشترت كيا بيكانتو جديدة هاف أوبشن يعني المفروض فيها باور ستيرنج و كنا خرجنا بيها مشوار و كنت سايقها في أول المشوار و كانت كويسة أوي بس بعد شوية و بعد ما العربية سخنت و كنت بدلت السواقة مع قريبتي قالت لي الباور تقل جداً و فعلا يا جماعة حاولت ألف الدركسيون لكن كان أتقل من دركسيون اللادا بتاعتي بشوية :C_laugh[1]: و بصراحة شكيت أنه يكون العيب نقص زيت الباور و لو أني أعرف أني زيت الباور لما ينقص يعمل صوت في الدركسيون و كمان بيكون في كل وقت مش بس لما العربية تسخن!!
و عندي سؤالين..
أول سؤال: العيب ده من أيه؟
تاني سؤال: و معلش السؤال يمكن غريب شوية - فين غطاء خزان زيت الباور؟
لأننا بصراحة بحثنا عنه في كل سنتي في الموتور و لم نجده!! (علماً أننا علي دراية لا بأس بها في السيارات).
و ألف شكر.