صدأ خلف تابلوه العربية

**Morieno** · 06-12-2009 01:16 PM

المشاركة الأصلية كتبت بواسطة mummy_47

يااااااااه غسيل ب 180 جنيه....هو غسلها بايه؟؟؟!!!

بغض النظر عن صاحب الموضوع وياريات ما يخدش الموضوع بحساسيه
بس انا عندى تعليق على المواضيع اللى بالشكل دا
أصل احنا كدا نحب دايما اللى يشتغلنا بالطريقه
بنزينه فى شارع التحرير - الدقى يعنى الزبون ممكن ينزله كابتشينو واتفضل يا باشا ايه راى معاليك تمام كدا يا افندم وما الا ذلك من القرع
بالاضافه لانه هيجبلك علب شكلها وهمى ويقلك دا المنظف التكتونى المصنع خصيصا لعربيتك
المهم يروق الزبون ويدلعه اللدعه التمام ويظبطه فى مبلغ ذى 180 جنيه او 140 حتى
طبعا غير البقشيش

انا اعرف واحد فى المعصرة - حلوان بيغسل كالتالى
- تنظيف الصالون والفرش بشفط الاتربه مش نفخها زى معظم البنزينات
- غسيل السياره من الخارج بالماء
- غسيل السياره من الخارج بالفوم
- تجفيف السياره وتلميعها من الخارج
- غسيل التابلوه وجميع الاجزاء الجلد اللى داخل السياره بملمع تابلوه
- غسيل الزجاج بملمع زجاج من الداخل والخارج
- غسيل العجل بملمع العجل
- طبعا الدواسات وبيرش معطر فى العربيه مش عاوز يقلى جايبه منين ريحته بتقعد اسبوع فى العربيه تقريبا

كل الحوار دا بـ 10 جنيه عاوز تقول عليا كداب براحتك تقول عليا هجاص بمزاجك وممكن اقلك صحيح كلامك لو تفكيرك وصل حتى لغسيل اموال

العيوب بقى ايه المكان شكله مش حلو والمنطقه مش شيك واللى شغالين شكلهم مش بروفيشينال

ودمتم زى الفل

**MMamdouh** · 06-12-2009 02:15 PM

المشاركة الأصلية كتبت بواسطة bshndi

يا باشا أعتقد والله أعلم إن غسيل الموتور الانوس بالميه ما بيأثرش فيه علشان أنا قمت بالعملية دي كذا مرة في التوكيل حيث يقوم الفني بوضع خرطوم ضغط اليماه فوق الموتور ثم يقوم بتنشيفه بضغط الهواء والحمد لله العربية بتمشي طبيعي بعدها بس الغريب إن صاحب عربية نوبيرا طلب منه يعمل كده في عربيته قاله إن موتورها مكشوف أكثر من الانوس وعاوزه حرص قوي في موضوع غسيل الموتور بالمياه ده ؟
(مش عارف إزاي -المفروض إن النوبيرا أفضل وأحدث من الانوس) ممكن السيد ممدوح يفيدنا في الموضوع ده أكثر (أنا عارف بادبسك بالأدب يا ممدوح بك)
تحياتي

الموضوع مش صحيح... ايه اللى فى مكنة النوبيرا مكشوف و فى مكنة اللانوس متغطى؟؟؟ لا شىء

اذا الموضوع هجس.. او يمكن الراجل عايز يشتغل بتاع النوبيرا عشان ياخد منة فلوس زيادة لزوم "الحرص"

MMamdouh

**samirayad** · 06-12-2009 02:55 PM

با شمهندس سمير ازاي حضرتك...معلش سؤال لان الشئ بالشئ يذكر
انا امبارح كنت بغير زيت موبيل وان وبالمره قلت اغسل الموتور بالفوم....فجابلي غلبه مكتوب عليها engine foam ورشها على العربية واستنى شوية وبعدين نشفها بالهواء..فبصيت على الموتور لقيته منظفش فقلتله اغسلها بالميه فغسلها فنظف الموتور...انا غامرت وعملت كده وديه كانت اول مره اغسل الموتور من ساعة ما جبت العربية..يا ترى ده غلط ولا ايه....الفيوم مش بينظف نهائي فهل هناك بديل وفي اي بنزينة...وبلاش البنزينات اللي بيشتغلونا في الاسعار

الله يخليك على سؤالك الأول
وبينى وبينك موضوع الفوم ده خرط الصراحه
أنا غسلت المكنه بشوية ميه وجاز وضغط كمبروسور
وبقت زى الفل
وعاوزه تانى اليومين دول
وأنا فاكر الفنى فى التوكيل كان بيرش
شوية مزيل صدأ على الأجزاء الفيبر علشان متجيرش
وكله تمام

**amrzedan** · 08-12-2009 02:31 PM

انا متشكر جدا علي كل واحد رد علي الموضوع
لكن بالنسبة لموضوع البنزينة فهي فعلا سعرها غالي مش عارف ليه بس نضيفة جدا وبيطلعولك العربية كأنها جديدة وانا غسلتها قبل كده من سنتين ومحصلش حاجة فعلا ممكن يكون علشان كانت الدنيا صيف في شهر يونيو
وهما فعلا بيشتغلوا بحاجات معرفهاش بخراطيم خارجة من جهاز كده وتلميع العربية ببوليش وماكينة تلميع
وانا جربت البنزينات التانية اللي ب 10 أو 15 جنيه لقيت نفسي بخرج باصابات من تجريح للتابلوه وكروتة في الشغل
وعلي كلاً قدر الله وما شاء فعل
والتوكيل النهاردة قاللي انها عادي ممكن تحصل من الرطوبه وقاللي سيبها بس لو انت محسوك رشلها مزيل صدأ
وسأفعل ان شاء الله
وشكرااااااااااااااااااااا ااااااااااااااااا جزيلالالالالالالالالالالا لالالالالالالالالالا