أنا أسف بجد بس حضرتك محتاج تقرا شوية عن الجنوط
فيه مواضيع عملها سبعاوي و محمد ممدوح مفيدة جداً في الموضوع دة
في الحالة إلي احنا بنتكلم فيها مفيش علاقة بن الموتور و الجنوط
عرض للطباعة
اسمحلي يا باشا اوضح حاجة بس.... هو مفيش علاقة بين السعة اللترية للموتور و مقاس الجنط, بس في علاقة من ناحية التسارع acceleration بينهم... بمعنى ان الجنط اللي في السيراتو مثلا 17"... التسارع بتاعها هيكون اقل من الموديل الاقل اللي بجنط 16" مثلا, و ده راجع لقطر الجنط و نسبة الكوتش اللي بتحتك بالأرض, لأن الـ friction force بتاعة الجنط 225 مم غير بتاعة 195 مم مثلا... و ده اساس وجهة نظري يا باشا و تقبل تحياتي و فائق احترامي...
هو طبعا الجنط ال 16 احسن خاصة لفئة 1600 سى سى لان العربيات دى صغيرة وعفشتها على قدها وانا ما قولتش ان ده غلط من الشركة او صح انا ما اعرفش الاساس اللى يخليهم ينزلو الجنط 17
بس انا قلت انه ممكن يكون عامل جذب للشباب خصوصا ان ليها طابع رياضى
وطبعا كونها نازلة فى امريكا و اوروبا بجنط 17 ده يخلينا مطمنين شوية لان الاسواق دى مش لعبة ده الصين مش عارفة تدخل عربية ليهم لحد دلوقتى
وبعدين لو كانت العربية مانزلتش بالجنط ده كان ناس كتير من الشباب ركبوه على حسابهم مش معايا فى النقطة دى؟
وبعدين بالنسبة للالنترا هنشوف الشكل الجديد لسة بعد ما السيراتو نزلت هيعملو ايه وبعدين فيه نقطة الشركتين كيا وهيونداى واحد يعنى المكسب داخل نفس الجيب مش متضرر من الموضوع ده غير الوكلاء بس
بالنسبة للمهندس غازى الابترا اللى كانت مركبة الجنط ال 17 ماكانش عامل حاجة فى العفشة لانى اعرفه بس الجولببت شفتها بس
وبعدين هل تعتقد ان الجنط ال17 هوالمشكلة فى العربية
لأ يا باشا مش الجنط الـ17" بس... من وجهة نظري الشخصية و مش لازم حد ياخد بيها عشان مسمعش كلام يحرق دمي... كأني بدردش معاك
1- العفشة مش مستحملة الجنط الـ17", و لو انه مديها ثبات كويس عن الـجنط الـ16", و مع الجنط الـ16" العربية ثباتها مش اد كده على السرعات العاليه... و اسأل أصحاب العربية...
2- الخامات المستخدمة في التصنيع سواء داخل العربية (بلاستيك) او في العفشة رديئ جداا... و الكلام ده قلته اول ما جبت العربية و عملت التقرير في المنتدى هنا
3- الموتور ما شاء الله عفي جداااا, بس للأسف عفي على البودي كمان
من وجهة نظري المتواضعه جداا والله.. العربية دي محتاجة esp + تكون اوطى شوية على الأرض + منغير جنط 17" خااااالص عشان العفشه....
استحلفكم بالله بلاش ردود تحرق الدم لأن دي وجهة نظر و رأي شخصي و ربنا يبارك للي معاه العربية و يكفيه شرها و يديه خيرها...
انا اسف جدا بس انا مش قصدى احرق دمك والله انا كلامى هادى جدا ومش متعصب مش هتفرقنا عربية
طيب تفتكر ليه نزلوها اسواق اوروبا وامريكا بالجنط ده مع العلم انا ما افتكرش ان فيه فرق فى الخامات الفرق دايما بيكون فى الكماليات ثم ان الخامات الداخلية طبيعى تكون كدة ما تنساش سعر العربية كام والا ايه اللى يفرقها عن الالمانى
انا مقصدش حضرتك خاااالص, بالعكس انت كلامك فعلا موزون و عاقل جداا و احييك على ده..
انا شخصيا شايف ان في فرق كبير بين خط انتاج اسواق اوروبا و امريكا, و خط انتاج افريقيا (تقريبا) اللي يخص المواصفات المصري, بدليل ان العربية بتنزل بره 2000 سي سي (الموتور سيتا) و اكيد في فرق في العفشة و الوزن و نظام التعليق بشكل عام نظرا لاختلاف الموتور و سعته اللتريه, و بالتابعية التجهيزات الاساسية في العربية...
و عذرا على كلمة (حرق الدم) بس والله في ناس بتقول كلام و تهاجم اشخاص اكتر من الكلام في الموضوع نفسه, و تقبل تحياتي...
انا لخصت المشكلة فى الموضوع اللى انا عامله حقيقة السيراتو
يا ريت تشرفنى بقرايته
فعلا يا باشا بس زي ما انا قلت قبل كده اللي بينزل برة مصر مواتير قوية تستحمل تجر ان شاء الله جنط 18 .. وعلى فكرة انا زي ما قال لحضرتك الأخ غازي ال acceleration
و و و .. وانا اللي سمعته وعرفته من ناس كتير ان موتور بيجر عربية وفيها جنط 17 تخيل بقى في الصيف مكيف و العفشة عادية و اجهاد ليه .. ده اللي الناس بتقوله والله .. واحنا بس في مصر بنتكلم في الموضوع ده عشان احنا الدولة الوحيدة اللي كل نوع فيها لازم ينزل 1600 سي سي .. عشان كده مرات بيقولولك عايز تركب 17 !! ركب عفشة رياضية .. عموما ربنا يسترها مع الكل أنا لا أنا خبير عربيات ولا بفتي .. ده اللي الأغلب بيتكلموا فيه في المنتدى وفي كل مكان .. والله أعلم .!
والله يا باشا في الكويت انا شفت هناك محدش بيسأل في موضوع الجنوط وبيركبوا على عربيات عادية لغاية 18 وأكبر حسب العربية .. لأن العربيات عندهم اساسا قوية فميش وقت يفكروا هتضر ولا لأ .. لأنها مش هتأثر في حاجة .. يعني أقل حاجة أقول لحضرتك
هناك ممكن تلاقي
Dodge charger
Ford Mustang (she lby) or (Saleen
بينزلوا 5.7L
يعني 5700 سي سي !!!
شوف
http://www.q8hp.com/312276_Dodge_Charger%2705-1.jpg
http://carphotos.cardomain.com/ride_...0024_large.jpg
ياريت مصر مفيهاش جمارك .... !!!!!!!!!
كلام سليم 100% وده اللي قلته مصر غير يا جماعة عن الكل !!
[QUOTE=ghazy12;3872172616]يا سيدي الفاضل.. مع كااامل احترامي لسعادتك انت كبرت الموضوع قوي قوي قوي (مش لدرجة حرب على العربية)... يا استاذي لو حضرتك اشترييت العربية فأنا مش مستمع و خلاص, انا اشترتها قبلك, و لو حضرتك حاسس بالعربية و امكانيتها فأنا حاسس بيها اكتر منك والله و حاسس باللي حصلي كمان و ربنا ما يورييك اللي حصلي والله و لا اي حد تاني... و لو انا عملت حادثة و خبط في حد مثلا, عمري ما هقول في مشكله, بس لما تبقى ماشي 100 و تتقلب يبقى لازم وقفة.. اصل ده مش الكاسيت و باظ مثلا... انا بحب العربيية دي جدا و لو انا عارف انها زي الفل و مش هي السبب, هشتريها تاني, ايه اللي يمنعني مثلا, و فلوسها معايا و الحمد لله.. بس انا اتأكدت انها منظر و موتور بس و انا على رجلية و قبل اي مشاكل و قررت ارضى بنصيبي (في حين ان المساعديين بعد 6000كم بيزيقوا..!!!!!) دي كمان عادي؟؟؟ مستحييييل طبعا
الناس اللي اشترت العربية في مصر و انتشار العربية بالشكل الرهيييب ده مش معناه الجوده ابداا او دليل على كده... و لازم تاخد بالك ان في ناس معاها العربية و بيشتكوا منها بس مش كل مصر اعضاء في المنتدى علشان تكتشف ده بنفسك... و في ناس تشكر في العربية و هو كل استخدامه ليها يوم و يركنها عشرة... يبقى ده مش مقياس ابدا
ممكن اسأل حضرتك سؤال و لكل الناس بس محدش واخد باله منه... اشمعنى العربية دي بالذات بتنزل بجنط 17 (215\45)؟؟؟؟؟؟ و هل العفشة تستحمل الجنط ده فعلا؟؟؟؟
طيب ليه الياباني الغالي المحترم جدااااا زي السيفيك مثلا مش بتنزل بجنط 17؟؟؟ شركة هوندا عاجزة مثلا!!!!!!! و ليه الكوري اللي زي السيراتو مش بينزل بجنط 17 بردو!!!! زي الكروز و الالنترا و ما الى ذلك...!!!!!
م
على فكرة هوندا سيفيك بتنزل هنا في الخليج مع جنوط 17 و الفرق كله في الموتور لكن العفشة هي بالظبط
يمكن اكون مفهمتش كلامك صح...
ازاي الفرق في الموتور و مفيش فرق في العفشه!!!!! يعني الموتور الـ1600 سي سي نفس عفشة الموتور الـ1800 سي سي...!!!!!!! وضحلي بعد اذنك
السلام عليكم ورحمة الله وبركاته
لو سمحتم لى ابداء الراى فى ذلك الخلاف على اعتبار انى من ملاك نيو سيراتو خليجى 2010 وتم السير بها 1800كم وسوف اذكر بعض النقاط
اولا : كنت املك سيارة لانسر بوما 2006 خليجى 1300 سى سى مانيوال وبصراحه هناك فارق لصالح الانسر طبعا من حيث نعومة الموتور والعزل الداخلى وصوت الموتور فانا بعد 120 كم فى السيراتو يرتفع صوت الموتور بطريقه مزعجه فى حين انى كنت اتجاوز 140 احيانا فى الانسر ولا اسمع لها صوت ولا اشعر بصوت الهواء يخترق السيارة من الداخل
ثانيا : كنت على وشك شراء لانسر 2010 بوما تربترونيك ولكن شاء الله ان تكون السيراتو نصيبى وهى بالفعل سيارة ذات كماليات مبهرة ولها شكل فخم ولم اكن اتوقع ان يكون لموتورها مثل ذلك الصوت خاصه وانى قبل قيادة اللانسر 2006 كنت املك كيا برايد سيدان 1300 موديل 98 ولم يكن لها ذلك الصوت المزعج للموتور
ثالثا : المشاكل المثارة حول السيارة من حدفة شمال وسخونه الكونسول جميعها غير موجوده لدى والحمد لله
رابعا : اما بشأن الجنط 17 فانا لا اشعر انه يسبب مشكله وذلك من وجهة نظرى لان صوت خبط الجنط هو ذات الصوت الذى كان فى اللانسر الخليجى
خامسا : انا ارى ان القيادة العاديه وبسرعات معقوله لن تجعل الجنط 17 مشكله ويضر العفشه
سادسا : بالفعل المواصفات التى تنزل الى مصر تختلف عن الاوربى والخليجى من حيث الكماليات ولكنى اعتقد ان السيارات التى قوة موتورها 1600 تكون بذات الاساسيات ولا اختلاف فيها مثل ميكانيكا السيارة وعفشتها وربما يكون الاختلاف فى الكماليات والخامات التى تصنع منها الكماليات والسيارة من الداخل لانه من وجهة نظرى ليس من المتصور ان تصنع الشركة الام سيارة 1600 بعفشة لمصر واخرى للخليج واخرى لافريقيا لذا فالسيارة كهيكل واحده اذا اتفقت فى سعة الموتور
سابعا :ما تم سرده راى شخصى يحتمل الصواب والخطأ .
وشكرا لسعة صدركم
والسلام عليكم ورحمة الله وبركاته
احب ان اضيف ان الثبات فى السيراتو اكثر من الانسر 2006 وربما يرجع ذلك الى الجنط 17 وكنت اشعر بذلك الثبات مع الفرامل وربما يرجع الى ان السيراتو بها Abs وهو مالم يكن متوفر فى الانسر 2006 1300 سى سى
السيراتو مثار جدل لن ينتهى , وواخدة دعاية جامدة بسبب كلام الناس ده
و السيراتو ماشيه بشوف الناس قاعده تبحلق كأنها عربيه جايه من الفضاء
مش عارف ليه كده ؟ يا رب احفظنا من حقد الحاسدين
و انا لا معايا سيراتو و لا حتي النترا معايا لانوس
أنا معايا نيو سيراتو 10000 كم
صوت الموتور بقى عالى فجأه وكمان السحب بقى ضعيف بمعنى أن لازم أعمل كيك داون علشان تسحب على أى سرعه من 20 - 80 كم
لو حد يعرف السبب أرجو يبلغنى
لكم جميعا تحياتى
عملت صيانه ال 10000 ولا لسه . شيك على الزيت
وان شاء الله تكون حاجه بسيطه
من حوالى سنتين، واحد يابانى شغال فى تويوتا جه إدانا محاضرة فى بعد الحاجات الميكانيكية و التسويق بتاع العربية و قال حاجة انا حاكتبها زى ما هى
"For every low price item that is also produced by another famous company but with much higher price, there is always a catch"
بكل بساطة، الراجل بيقول انو لكل منتج بينزل بسعر قليل فى حين فى شركة مشهورة تانية بتنتجه بسعر أعلى لازم يكون فى "إن" فى الموضوع. المثال اللى هو ضربه كان على التويوتا كورولا و علاقتها بالأوكتافيا و الجيتا و ان أصلاً الكورولا نزلت عشان تنافس العربيتين دول بس بسعر أرخص بكتير طب فيين الإن فى الموضوع، معظم فرق السعر VW بتصرفه على تصميم الإيروديناميك بتاع العربية و ده حاجة أساسية فى استهلاك البنزين خاصة على السرعات العالية. الراجد ده قال الكورولا نزلت موجه للشرق الأوسط بوجه عام و استهلاك البنزين حاجة ملهاش أهمية كبيرة عندنا، مش زى أوروبا، طبعاً كان فى 4-5 أسباب لفرق السعر بس موضوع الإيروديناميك هو اللى لزق فى دماغى.
أنا مركبتش السيراتو و مش فى نيتى أشتريها عشان أنا مؤمن بحاجة انو ازاى عربيتين نفس الموديل و بإمكانيات قريبة من بعض يكون فى فرق شاسع أوى فى السعر و هنا انا بقارن السيراتو بالجيتا. أصل الموضوع مش كيميا، العربية شاسيه و موتور و فرش و كماليات و امان. عشان يقللوا السعر لازم يخترعوا حاجة جديدة تكون أرخص، أنا مسمعتش ان كيا اخترعت حاجة جديدة فى الموضوع ده، يبقوا هما ضحوا بحاجة على أساس انها مش مهمة أوى و ده سبب رخص العربية. يعنى لو شال 0.000001 مم من الصاج, تمن العربية حينزل جامد و العربية ده انا بركبها مه أهلى و أصحابى فمهما كان اللى هوا شاله، أنا أفضل أنى أجيب الحاجة المضمونة اللى تحافظ عليا حتو لو دفعت فيها أكتر بكتيير
رغم كل الجدل عن السيارة وكل الاتهامات الموجه ليها ما زالت كسيا سيراتو تواصل مبيعاتها بشراسة في مصر و في كل انحاء العالم
اصل السيراتو حطت عربيات كتير قوي علي الرف - بصو كدة شوفوا المعارض - حتلاقوا كلامي صح
ناس حتقولك دا واحد داخل يدافع وخلاص - ماشي شكرا للجميع - هيا اكيد مش بورش ولا بي ام دبليو دي سيراتو كوري - ولما الكوري يعمل عربية تناطح نفس الفئة مع الالماني والياباني يبقي يشكر
اكيد فرق السعر دة علي حساب حاجة في العربية بس مش لازم نقول انة علي حساب الامان - يعني كيا مش عبيطة عشان تنزل موديل يبوظ سمعتها بعد كدة وتبقي باعت 2010 وبعد كدة تقفل بسبب السمعة
علي عيني وراسي كل المهندسين اللي عندنا بس الناس اللي صمموا العربية بردا ادري مننا بشغلهم وبردا احنا قدامنا كتير قوي عشان ننتقد ونعدل عليهم ونفتي ونقول دي عربية تعبانة ومقص بلاستيك وحجات من دي
مع احترامي لكل الاراء - دة رايي
معلش كل نجاح لية اعداء - واخيرا العربية برضوا بتبيع وملفتة للنظر جدا وناس كتيييييييييير راكباها ومشتكتش - يعني مش معقولة 10 او 15 واحد والا حتي 100 هما اللي كلامهم حيحكم علي العربية سواء بالجيد او بالسيئ
اخيرا انا سمعت ان الوكيل طلب تغير اسم العربية في مصر الي كيداهم سيراتو:khd:
اللي عايز يشتم يشتم واللي يتريق عليا يقول اللي عايزة واهو كللوا في ميزان حسناتي
شكرا لذوقك يا باشا بس انت عرفت ازاي اني معايا لانسر شارك كمان ؟؟؟؟
ههههههه انت كمان متراقب ومش حسيبك وراك وراك في كل موضوع
ربنا يهنيك بالعربية ويسترلنا طريقنا
أشكرك يا sakrashraf لأهتمامك
أنا لسه معملتش صيانة 10000
لكن ممكن الزيت يعمل كده فعلا , وأى واحد الموتور ولا الفتيس
شكرا لك مره أخرى
أنا نتفق مع حضرتك فى حاجات و مختلف فى حاجات تانية. الفئة اللى سيراتو نازبة فيها مفيهاش عربيات ألمانى أصلاً اللهم إلا كنت بتقارنها بالفابيا مينى (تشيكى ألمانى) أو البولو و ممكن نعتير انها مش بتنافس حاجة اوروبى خالص فى الفئة ده عشان أقرب حاجة ليها هى السيات الكوردوبا أو البيجو البارس و ده عربيات أصلاً مركونة على الرف من غير السيراتو. انما هل السيراتو أحسن من الفيرنا و اللانوس و النوبيرا و تنافس الكورولا و النيسان أكيد أيوه. بس لما واحد ييجى يقولى السيراتو ضربت الجيتا يبقى من حقى أقوله آسف كلامك مش سليم ( فى عضو قال كده).
بخصوص موضوع الأمان، انا شايف انو ايوه السيراتو اللى بتنزل فى مصر تعتبر فقيرة فى موضوع الامان، الabs و الebd ده حاجات بقت تنزل اساسى فى عربيات تانية من سنين و دلوقى بقى فى حاجة اسمها esp و ده عشان تمنع تعويم العربية و ده شئ وارد جداً بالذات فى طرقنا اللى مليانا نقر، كل العربيات فيها إير باج بس الإيرباج ذات نفسه بيفتح فى قد إيه، بيتملى بسرعة إيه و غاز غيه و درجة حرارة كام، بالمناسبة ممكن الإيرباج يشيل جلد الانسان لو اتفتح بطريقة مش سليمة. اللى اعرفه انو السيراتو فيها وسادة هوائية للسائق و واحدة للى جنبه، أكيد متفقين انو عدد الإير باج ده قليل أوى يعنى مش حقول بى ام ولا باسات، السيفيك فيها تقريباً 6 إيرباج. انا مش ضد السيراتو و بقول بكل وضوح انها مناسبة جداً لسعرها و تنافس عربيات كتير و بعتبرها استثمار كويس للفلوس عشان اكيد سعر غعادة بيعها حيكون كويس بس انا ليه شوية تحفظات عليها زى اى حاجة فى الدنيا عشان مفيش حاجة كاملة و ممكن اكون غلطان عشان مفيش برده انسان كامل.
موافق علي كلام حضرتك جدا جدا - فعلا مينفعش تقاس بالجيتا لان الجيتا بردو افضل معا اني راكب سيراتو - بس هوندا سيفيك 6 ايرباج دي اول مرة اسمعها - عندنا في مصر ؟؟؟؟
وفعلا السيراتو مش انزلت لا قدر الله - بس علي اد الموجود في السوق متهايالي من الاوائل في فئتها
مش ممكن نقول انها احسن من الياباني او الالماني في الكفاءة - بس لو قسناها كمجمل عام ويدخل فية كل العوامل زي السعر - القيمة مقابل السعر - الاداء - الشكل - قطع الغيار - العمر الافتراضي - التوكيل - المساحات - سهولة الاستخدام - الراحة - الخ الخ الخ ساعتها نقدر نقول انها تنافس وبشراسة - تناااااااااافس وليس تتفوق علي كل الفئة ---- عشان بتوع الالماني والياباني والامركاني كمان ميزعلوششششششش
وشكرا جدا علي مشاركتك العقلانية
بخصوص موضوع السيفيك، كان واحد صاحبى على طرق السويس و كلمنى بعد الحادثة و ملخص اللى شفته ان بالونة كبيرة اتفتحت جوه العربية. يعنى متهيألى كانوا كمان امتر من 6 بس برده حاسألوه عشان ممكن تكون سبشل اوردر او حاجة.
عشان كل الناس تكون مبسوطة، السيراتو عربية زى أى عربية مش بتطير ولا بتعوم بس لو ميزانيتك لعربية عائلية 120000، تبقى السيراتو من أحسن الأختيارات اللى قدامك ده ان مكانتش أفضلهم.
انا طرف محايد لا سوقتها و لا هشتريها و لا بفكر فيها
بس كميه الحوادث العجيبه اللى فى المنتدى بسبب اليراتو مخليانى مش فاهم و شاكك و لما حد يجيبلى سيرتها بقوله انى مش ميال ليها و ده طبيعى
انا شفت كذا حادثه و كنت بفتكر انى الناس هنا بتهول بس انا شفت كذا حادثه غير المتزايد منها هنا و كل الناس مش لاقيه سبب و المهندس غازى كان مؤيد و مدافع و اتحول لمهاجم و الدكتور احمد سامى برضه حادثه عجيبه و الناس اللى كانت بتقول فيه حدفه قبل كده اكيد مش من فراغ
فيه ساعات حاجات مش هيشوفها غير واحد هيعمل حادثه يعنى لو عيب موجود ماحدش يقول العيب مش موجود فى عربيتى
عشان مش هيعرف ان العيب موجود الا لو حصل حاجه و ممكمن يبقى موجود بس الظروف مش بتتكرر بالظبط عشان العيب يكون باين و طبعا عشان لما بيحصل بيكون فى حادثه مثلا و ماحدش هيقدر يقدر بالظبط المشكله كانت ايه
اللى اعرفه ان لما العربيات اللى فى نفس الفئه من نفس الدوله بتكون اغلى بتفاوت نسبى و مش كل الكماليات ديه يبقى اكيد فيه حاجه مش مظبوطه لازم حاجه على حساب حاجه
بس الثابت ان الانتشار مستمر للسياره و بقيت بشوفها بكتره جدا