اولا الحمد لله على سلامتك
ثانيا انا عارف ان الحادثة جامدة وده خلاك كاره العربية
لكن لازم نفكر بموضوعية شوية ونحدد نقط النقاش
حضرتك كنت ماشى على 100 بس ما نقلبتش كدة من غير سبب
نقرة بتفادى نزلت فى النقرة عومت يمين لفيت شمال عومت شمال
يعنى فيه سيناريو لازم يتحلل ايه الغلطة او المشكلة اللى خلت العربية تعوم (وهو ده سبب الانقلاب وزميلى انقلب بكرولا بالمنظر ده بالظبت)
انا شايف (ودى وجهة نظر تحتمل الصحة وتحتمل الخطا)انه قد يكون كان فيه بالونة فى الكاوتش وانت مشواخد بالك وده اشتكى منه ناس كتير موضوع البالونة وان الكاوتش low profileومع الخبطة الجامدة بتاعة النقرة الكاوتش فرقع وده هيخلى العربية تعمل كدة تمام
وانا شوفت فى الصورة ان الفردة الشمال اللى قدام مهوية خالص
وبعدين موضوع الحدفة ده التوكيل قال عليه ايه يعنى ايه سببه كاوتش ولا علبة دركسيون ولا زوايا ولا ايه
بس هى لو الحدفة خفيفة مش ممكن تعمل كدة ثم انك قلت انها عومت يمين الاول
وبعدين تزييق العفشة اول مرة اسمعها وممكن تكون عايزة تشحيم بس
وربنا يشفيك وتاخد حقك
المفضلات