الهرم وفيصل

**elfashn** · 30-09-2010 04:01 PM

المشاركة الأصلية كتبت بواسطة icehearted girl

حضرتك مش عايش فلدنيا ولا ايه

الناس فعلا بتستخدم ش ترسا بس برده زحمة جدا وزحام عشوائي كمان

ويسلام لما تقعدلك ساعتين فسوق فكيهة دا بتاع السيراميك لحد متطلع من لعنة الطالبية

لآ عايش فى الدنيا وفى الهرم بالخصوص بس انت عمرك شفت عسكرى يوحد ربنا واقف فى شارع ترسا تخيل لو فى ظابط مرور فى الشارع ممكن سواقين الميكروباصات والتكاتك يفضلو يبلطجو على الشارع او بتوع السيراميك والربع نقل يفضلو شاغلين الشارع وراكنين على الصفين فى نص الشارع اصلا هو الشارع ده ينفع يتمشى فيه عربيات بحالته المكسره دى. انا كان قصدى فى الكلام الى انا قلته ان الحكومة تتعامل مع ترسا على انه شارع مساعد لشارع الهرم وتضع كل امكانينتها لتيسير المرور فيه وكأنه شارع رئيسى

**icehearted girl** · 30-09-2010 04:07 PM

انا ساعات فعلا كل يوم الصبح بقعد العب حادي بادي كرنب زبادي

مابين ش الهرم

وترسا

والدائري

وطبعا الاختيار الاخير هو اللي غالبا بيكسب

------------

مش هنسي مرة دخلت من ترسا.. وفوقتها بكمل لحد خاتم المرسلين

وبرده مبطلعش علهرم علشان زحمة النفق

بلف واخرم من شوارع جانبية اطلع علي مستشفي ام المصريين واطلع كوبري الجيزة من هناك.. وساعتها في الاخر لقتهم قافلين الطريق عند شريط القطر..

بصراحة كنت عاوزة اولع فلقطر ساعتها رجعت الطريق كله بضهري علشان كان ضيق جدا وفيه تصليحات وبردوا رجعت للنفق تاني

**h_zahra** · 04-10-2010 12:38 AM

المشاركة الأصلية كتبت بواسطة icehearted girl

انا ساعات فعلا كل يوم الصبح بقعد العب حادي بادي كرنب زبادي

مابين ش الهرم

وترسا

والدائري

وطبعا الاختيار الاخير هو اللي غالبا بيكسب

------------

مش هنسي مرة دخلت من ترسا.. وفوقتها بكمل لحد خاتم المرسلين

وبرده مبطلعش علهرم علشان زحمة النفق

بلف واخرم من شوارع جانبية اطلع علي مستشفي ام المصريين واطلع كوبري الجيزة من هناك.. وساعتها في الاخر لقتهم قافلين الطريق عند شريط القطر..

بصراحة كنت عاوزة اولع فلقطر ساعتها رجعت الطريق كله بضهري علشان كان ضيق جدا وفيه تصليحات وبردوا رجعت للنفق تاني

الدائر ى ازاي
عايز افهم
من اخر الهرم دائرى لغاية البحر الاعظم ولا ايه بالضبط
طب هو فى حد جرب الطريق الجديد بتاع محور صفط
ده ممكن ينفع لو كان يطلع على طول من وراء العشرين
انا بتكلم فى ايه انا لازم ادخل فيصل علشان مدرسة العيال
يبقى طيران هيليكوبتر من الاخر

**aymanay32** · 04-10-2010 12:56 AM

انه التخطيط السىء الذى يجب معه ازالة كوبرى الجيزة و اعادة بناءة قبل ان يتم بناء محطة مترو الانفاق فوق
و الحل الان هو عمل كوبرى بديل فوق الكوبرى الاصلى و يحتوى على اتجاهين ذهاب و اياب و يكون مطلعه فى شارع الهرم قبل نصر الدين بنصف كيلو و مطلع اخر عند ترعة الزمر و منزل عند ترعة الزمر و اخر عند شارع الهرم و يعبر فوق كوبرى المترو و يلحم مع الكوبرى القديم فى نزلة معهد الرمد و يمتد فى شارع مراد حتى ينزل بعد نهضة مصر التمثال و قبل مجلس الدولة مباشرة و يلحم مع نزلة الجيزة

بالاضافة الى نفق سيارات يمر من تحت شارع الهرم يبدأ من الرماية و ينتهى فى نصر الدين قبل نفق الهرم

و كوبرى اخر فوق شارع الهرم و معلق طوال شارع الهرم
و كوبرى تحت شارع الهرم و يتم سفلتة شارع ترسا و ازاله الاشغالات بالشارع
و القبض على كل سائقى الميكروباص اقل من 30 عام لادمانهم البانجو و البرشام

و بمناسبة شارع ترسا و سوق السيراميك حكى لى صديق يسكن بالمنطقة ان سائق ميكروباص صدم ابن احد اصحاب محلات السيراميك و ما كان الا ان قام صاحب المحل و صبيانه بالامساك بالسائق و وضعوه تحت الميكروباص و ركب احد صبيانه العربية الميكروباص و داس عليه و قتله و تركوه فى الشارع عبرة لمن لا يعتبر الى ان جاءت الشرطة بعد اربع ساعات

**icehearted girl** · 04-10-2010 06:21 AM

يا خبر

اي يفندم كبية الكباري دي كلها

دا هيبقي ش الهرم العنكبوتي

بالاضافة الى نفق سيارات يمر من تحت شارع الهرم يبدأ من الرماية و ينتهى فى نصر الدين قبل نفق الهرم

لا دا حلم كبير شويتين

من اخر الهرم دائرى لغاية البحر الاعظم ولا ايه بالضبط

ايوا يفندم ملمريوطية وبنزل البحر الاعظم

**SYD** · 16-04-2011 09:39 PM

المشاركة الأصلية كتبت بواسطة reamoz

لازم دور تاني في فيصل على الأقل
كوبري خفيف للملاكي فقط حارتين بس من أول فيصل لحد كوبري الجيزة ويكون ليه مطلع تاني ومنزل من عند الطالبية (تعتبر نص الشارع) أصل الشارع كله على بعضة بتاع 8 كم لكن بجد ممكن تاخدهم في ساعة ونص انا لما بمشي يوم أجازة الساعة 6.5 الصبح باخد الشارع من اوله لأخرة في حوالي 4 دقائق
والميكروباصات والأتوبيسات والبلاوي اللي كل شوية تقف تركب ناس تمشي تحت لوحدها

أنا أؤيدك 100 في 100 في هذه الفكرة وبفكر فيها من حوالي 12 سنة ومش عارف اوصل صوتي ازاي
فعلا هو كوبري من اول فيصل (والمساحة تسمح اساسا) ونهايته تتوصل بكوبري فيصل بحيث يبقي عندك الحرية تنزل الجيزة ولا السودان.

وفي تعليق علي موضوع الاتجاه الواحد، افترض انك ساكن في المريوطية مثلا وشارع فيصل اتجاهه ناحيه الرماية وعايز توصل ابنك المدرسة في الطوابق هيكون سيرك ازاي؟؟؟
1- هتدخل الوفاء والأمل بزحمته الغير طبيعية او تروح لحد الرماية وتلف
2- هتمشي في شارع الهرم اتجاه الجيزة لحد محطة التعاون وترجع تدخل من شارع التعاون عند بيتزا هت الي بردو هو زحمته لا تطاف عن تقاطع معهد اللاسلكي (ويا سلام لو في لا قدر الله تصادم في هذه المنطقة)
3- ترجع تاني فيصل وترجع من التعاون لحد الطوابق

احسب حضرتك الوقت المستغرق في هذه الرحلة .....
والوقت المستغرق في فيضل الجميل الحالي
هتلاقي الوضع الحالي تعودنا عليه
صحيح انك فعلا لو عايز تروح نفس المشوار هتضطر تلف من المطبعة وتاخد الزحمة مرتين ذهابا وايابا لكن الحل انك بتركن عربيتك في فيصل وليكن عند جمعية رسالة وتنزل تعدي الشارع علي رجلك

وموضوع الزحمة دة في كل مكان في مصر وشارع فيصل احيانا بيكون ارحم من حتت تانية زي مدينة نصر وشبرا وعين شمس وكوبري اكتوبر والمحور وانت راجع من مدينة 6 اكتوبر وشارع الدقي وثروت ومراد والبحر الأعظم وكورنيش المعادي والقصر العيني والمبتديان وعباس العقاد وصلاح سالم والاوتوستراد وجسر السويس وووووووو
اعتقد كدة كفاية ولا اكمل باقي شوارع مصرنا المحروسة الي بردو محتاجة تعديلات.

يا جماعة مشكلتنا فينا احنا
احنا ماعندناش فقه او ثقافة التعامل مع بعضنا ومع شوارعنا وعربيتنا
تعالي اوريك شارع (اي شارع) وشوف لو واحد عايز يشتري كان بيبسي او عصير او سجاير او بجنيه فينو وشوف هيركن ازاي ؟ وبردو لو واحد رايح شغله هيركن ازاي؟ عرفت ثقافتنا عاملة ازاي؟

بجد الي يشل في كل شوارعنا هو موضوع قطاع الطرق (السايس) تعالي انزل اشتري باكو بسكويت ب نص جنيه هتدفع كام للسايس (قاطع الطريق) مش جنيه ؟؟؟؟؟؟؟؟ الأشارات وبائعي المناديل ، يا راجل دول بقوا بيقلوا ادبهم علي الركاب وخصوصا لو بنوتة او واحدة ست محترمة.

فيصل ارحم من شوارع كتير من الي انا ذكرتها سالفا، احمد ربنا واقفل زجاج سيارتك وشغل تكييفك واسمع قرآن او حاجة بتحبها وكبر دماغك.