:hlopaet_prv: هو ده الحل :E_braces[1]:
عرض للطباعة
انا مش من سكان فيصل والهرم بس بعانى طبعا كل لما اروح هناك المشكلة ان اصحاب اتخاذ القرار غير عندهم الشجاعة للحل ومشكله فيصل والهرم حلها بسيط بس محتاج شجاعة
اولا وقف ترخيص البناء او على الاقل حدها بالترخيص لاربع ادوار وبدروم وارضى جراج
ثانيا وده اللى محتاج قوة وشجاعة عمل سوق تجارى فى اقرب منطقة خالية ونقل جميع محلات شارع فيصل فيه
ثالثا عمل جراجات كبيرة فى اقرب منطقة خالية تستوعب السيارات
رابعا عمل اتوبيسات لنقل السكان من فيصل الى اماكن المطاعم والجراجات ولاحظو انه عند سيولة المرور لا يستغرق التحرك الى الجراجات والمحلات اكثر من 10 دقائق
وخلى بالكم الحكومة مش هتتكلف حاجة ولا هنعمل كبارى ولا حاجة السوق التجارى اللى هيتعمل هيبقى فيه محلا للبيع تكفى تغطية انشائها لانه سيكون سوق عالمى
الكلام ده ممكن يتطبق على جسر السويس عشان على اطرف المدينة ايضا
ياجماعه اى u turn معمول فى الهرم وفيصل معمول بطريقه عشوائيه وفى اماكن غير مدروسه بالمره وبيعمل تكدس عند كل u turn
انا مش فاهم مين اللى خطط وعمل الابداع ده ؟؟
مش موافق!!!
ايه؟بتقول ايه؟ بتسألني مش موافق ليه؟
اقولك ياسيدي.....
مش بحب سكة اللي يروح وميرجعش
علي فكره ده حوار كان مع ابن عمي شغال في المرور
يا جماعه الحل الوحيد هو مترو الأنفاااااااااااااااااااا ااااااااااااااااااااااااا ااااااااااااااااااااااااا ااااااااااق اللى يوصل من الجيزة للرماية لأن المشكلة كلها فى الناس اللى بتروح شغلها الصبح او طلبة الجامعااااااااااااااااااا اااااااااااااات وشكرا
هو كمان فية حل لشارع فيصل
1- ممنوع الركنة على الشارع الرئيسى
2- يكون فية محطات لاتوبيس والميكروباص
3- عند اليو ترن المفروض مبيقاش غير صف واحد
يا جماعه انا هاخد شقه
فى فيصل فى شارع اسمه الملكه متفرع من شارع العشرين انا جربت امشى فيه يوم الجمعه والسبت كان عادى
وكانت المسافه للمترو 10دقائق وللجيزه15دقيقه
لو حد عنده معلومه يفدنى واكمل ولا ايه؟؟؟؟؟؟؟؟؟؟؟؟؟؟؟
شارع الملكة دى متفرع من شارع العشرين عند التوحيد والنور
والمنطقة والشوارع فى مصر كلها هادية الجمعة والسبت
المنطقة دى زحمة جدا باقى ايام الاسبوع وايام المدارس بتبقى زبالة جرب تروح يوم الاتنين او الخميس هتكره نفسك مفيش عسكرى مرور واحد فى الشارع ولا نظام ، والمفارق اللى عند العشرين لو وقفت معاك ربنا ساعة ساعتين بيبقى اللى عاوز يمشى بالعافية وقلة الادب
تسالنى عرفت ازاى
اقولك انا ساكن فى أول العشرين على فيصل وكنت (خلى بالك من كنت دى ) بمشى من ش العشرين على كوبرى ثروت علشان اهرب من زحمة فيصل دى من ثلاث سنينن دلوقتى ش العشرين بقى فيها ميكروباصات توصلك من فيصل لاخر الشارع عاملة زحمة رهيبة وقلة ادب ماقولكش خلاف الصراصير اللى بتبقى ماشية فى الشارع (قصدى التكاتك والاطفال اللى ركبنها ) منطقة مش كويسة بالمرة
ربنا معاك
ليه ياعم لا اسكن في فيصل عادي هو اسعاره رخيصه دلوقتي ارخص من اي حته تانيه وشارع الملكه ليك اكتر من تخريمه دلوقتي طلعه على فيصل على طول وليه طلعه على شارع العشرين وكمان النزله الجديده اللي بتتعمل للدائري بتاعة صفت هاتنزل قريب جدا منه فالدنيا مش مظلمه اوي
والله لو عملوا طريق علوي بطول شارع الهرم وطريق تاني فوق فيصل .. مفيش فايدة
بلاش احسن انا ساكن هناك قرف و كتافة سكانية عالية و بيئة
الشارع دا 24 ساعه مزدحم
تعانى مدينة الجيزة يوميا من الزحام الشديد فى شوارعها، و قد يصل هذا الزحام اليومى إلى حالة الشلل التام و لساعات طويلة تمتد من ميعاد خروج الموظفين فى الرابعة مساءا و حتى التاسعة مساءا . و لك أن تتصور كيف يكون تكدس السيارات عند منزل المحور إلى ميدان لبنان، فلا يوجد مفر من شوارع المهندسين الصغيرة أو من شارع السودان الضيق و يكون هذا الزحام عادة مصحوبا بضوضاء رهيبة من كلاكسات السيارات التى تقف فى طوابير لا نهاية لها وجو خانق من عوادم ألاف الشكمانات. مما يجعل السائقين يفقدون أعصابهم داخل سياراتهم خصوصا فى ايام الحر و ترتفع نسبة الادرينالين فى الدم و يزداد التوتر هذا بخلاف المليارات المفقودة فى الوقود و الوقت الضائعين.
وفى رأيي يعود هذا الزحام الى قلة المحاور العرضية التى تربط شرق الجيزة بغربها. فالمحور الاساسى الذى يربط خمسة أحياء مزدحمة هى إمبابة و المهندسين و بولاق و الدقى و الهرم هو شارع السودان. هذا الشارع المسكين يعانى من جميع انواع الإهمال الحكومى و الشعبى على الرغم من اهميته الحيوية. هذا الشارع تقريبا لا يوجد بديل له مما يجعل عدد كبير من السيارات يسير فيه مرغما و بلا مهرب. فى هذا الشارع ترى معارض السيارات وورش الميكانيكية قد احتلت الرصيف و الصف الاول مما يدفع المشاه لان يسيروا فى نهر الطريق كما يضطر اصحاب السيارات ان يركنوها صف ثان و يأكلوا من اتساع الشارع. عادة لا يتبقى الا حارة و احدة لسير طابور طويل من السيارات و الميكروباصت. هذه الحارة دائما مما تتعطل حين يقف اى اتوبيبس لتحميل ركابه او حين يظهر دوران للخلف (يو تيرن) فتضطر جميع السيارات للوقوف حتى تنتهى السيارة الراغبة من الدوران.
والحل لهذه المأساة هو إيجاد بديل مواز لشارع السودان يساهم فى نقل هذه الكثافات العالية و تخفيف الضغط المرورى و المليارات المهدرة. لذلك أتقدم بهذا الاقتراح حيث يوجد خط سكة حديد قادم من ميدان رمسيس و يعبر كوبرى أمبابة و يخترق أحياء إمبابة و المهندسين مرورا بأرض اللواء و بولاق و فيصل حتى محطة الجيزة. هذا الخط أنشئ فى الماضى على حدود المدينة و فى مناطق زراعية كانت تعد نائية حينئذ. أما الان فهذه المناطق شديدة التكدس بالسكان. لماذا لا يتم تحويل هذا الخط إلى مترو يخدم هذة المناطق مع إيجاد بديل لخط القطار على حدود القاهرة الكبرى خلف الطريق الدائرى بعيدا عن المناطق السكنية المتكدسة.
فى رأى أن هذا المترو المقترح سيساهم فى نقل مئات الألوف من الركاب بين القاهرة و الجيزة. كما سيسهم فى تخفيف الضغط عن وسائل المواصلات العامة و سيعد بديلا جيدا لشارع السودان و كوبرى أكتوبر. تنفيذ هذا الاقتراح سيكون غير مكلف على الإطلاق حيث أن الخط قائم بالفعل و لا يلزم سوى إقامة المحطات مع بعض التعديلات البسيطة. كما أن هذا الحل سريع و سيستخدم بنية أساسية موجودة بالفعل بدلا من إنفاق المليارات فى مشاريع بطيئة لا تلاحق الزيادة السكانية السريعة.
برجاء المشاركة بآرائكم
اقتراحك حلو ومصلحه جامدة جدااااا وباذات مترو الانفاق اذا دخل وعمل تغذيه لفيصل والهرم هيقلل كتير برذو من كثافته ؟
واقتراح تانى ليه مايخلوش شارع الهرم فقط للى جي من جيزة والدقي ومهندسين وخلافه وشارع فيصل للي رايح بمعنى يبقى الهرم جي فقط اتجاة واحد وفيصل رايح فقط اتجاة واحد ويتم ازله الجزيرة اللى فى منتصف الشارعين وبكدة الشوارع هتوسع ولا ايه رئيكم؟
مشكلته من وجهة رأيى من وجهتين أولهم عدم الركن فى شارع فيصل نهائيا كما هو معمول به فى الهرم
وجود حل لمشكلة الميكروباصات المتكررة والمستفذ بشكل دائم هى المتسبب الرئيسى لتعطيل الشارع
على فكرة فكرة الغاء الفاصل الى فى منتصف الطريق مينفعش لسبب انه صرف مغطى
هوا فعلا مكروباصات مستفذة خاصه بتوع فلوكس
ومشكله مالمهش كبير ولا قيد ولا اي شي متاسبين فى شارع ملك خاص لهم ؟
اما بخصوص الفاصل اللى بالمنتصف معرفش انه صرف متغطي؟
طب خلاص ممكن بردو الفكرة تتعمل وبدون شيل الفاصل زي اللى معمول بيه شارع اللى عند معهد تعاون وقصر العيني قبل الجامعه ومجلس الشعب؟
معظم مالكى الميكروباص من الشرطة سواء امناء الشرطة او ظباط المرور عشان كده مفيش ظابط ولا رابط ليهم وبراحتهم على الأخر
للاسف لسة عارف طب والحل؟
الحل نولع فى بتوع الفلكس
كبار السن اللى هيعانو فى الموضوع ده
الحلول دى كلها تنفع بس بشرط يمنعوا الانتظار على جانبى الطريق فى كلا الاتجاهين
بدات المدارس وبدات المشكلة تانى شارع الهرم وفيصل شارع مايجيش 4 كيلو وياخد ساعتين زمن
حد لاقي حل .. سمعت ان النفق الجديد بتاع ميدان الجيزة فشل للمرة العاشرة والميه ضربت فيه
شارع فيصل وشارع الهرم بقوا مشكلة كبيرة ومعقدة ومفيش حل
دا حتى الشوارع الجانبية الناس كلها بقت تمشى منها علشان تهرب من فيصل والهرم وبقت الشوارع الجانبية ازحم من فيصل أو الهرم
مفيش حل !!!!!!!!!!!!!!!!!!!!!!!!!!!!!!!!!؟؟
شارع الهرم شارع سياحى ومهم جدا ومينبعش الزحمة الرهيبة دى
انا علشان اوصل مكتبى واروح اخدلى ساعة ف الطريق بسبب الزحمة
السبب الرئيسى يا جماعة للزحمة ميخرجش عن نطاق دول :
ميكروباصات : وقوف عشوائى فى نهر الطريق ولا مبالاة . وعلشان يطلع من حد راكن قدامة مينتظرش يكسر شمال دون مبالاة
المدارس : مدارس كتير فى فيصل والهرم على الرئيسى علما ان اغلب المدارس دى ليها باب خلفى فى شارع متفرع ومغلق للتحسينات !
عامة الشعب : مرور من امام السيارات بعشوائية .. طبعا انا مش هحكم ع الكل لانى باردو بمشى على رجلي وبعدى زي زيهم
بس فية نسبة غريبة تلاقية وقف وتنح قدامك لا هو عدى ولا رجع بضهرة .. ويا سلام لو بنت زي اللى صادفتنى امبارح ماشية على اقل من
مهلها بتقول يا ارض هدى ما عليكى هدى واساسا مبصتش ع الطريق بتعدى بدون متبص حواليها حتى سواق تاكسى فيرنا ضرب فرامل جامد
كان من ورايا وعدى منى على اساس انى واقف لية اول معدى من ورايا بسرعتة اتفاجأ بيها ضرب فرامل وبيقولى مالها دى قلت لة مش عارف هههههه .
رجال واشارات المرور : المفروض يكون فية نظام للمرور مش عشوائية وتفتح وتقفل بمزاجة ولو حد خرج عن الخط تلاقية موقف الشارع كلة
علشان يديلة درس ويطلب منة يرجع بضهرة . وعلشان يرجع بضهرة كل اللى وراة لازم يرجع بضهرة وبعد ميعلمة الدرس يفتح الاشارة !
رجال المرور من مهمتهم ووظيفتهم هى تيسير سيولة المرور .. وليس العكس
المحلات : طبعا اغلب الزحمة بتكون بسبب ان واحد بيركن ولا بيدور على مكان يركن فية قدام محل معين ودى كتيرة حتى فى عباس العقاد
تلاقى باردو زحمة بسبب الركنة .. حل المشكلة دى بالذات بسيطة وعملتها امبارح كنت راجع قلت اعدى على كايرو مول
ملقتش مكان اركن فية ركنت بعد مبنى الاحوال المدنية عند الفندق ورجعت مشى خمس دقايق ولا اقل خلصت مصلحتى وخرجت اتمشيت للعربية ومشيت وانتهى الامر لا صف تانى ولا كلبشة ولا حد يضايقك ولا توقف الطريق وراك علشان ركنة . دة اللى ف اتذكرة حالياَ
متــا بعععععععععع
اكتر شارعيين بتجنب اني امشي فيهما بالاضافة الي ميدان لبنان وشارع جامعة الدول
يا خبر هو في زحمة كدا في الدنيا
خصوصا فيصل صبح ليل ظهر عصر مش بيفضي الا في الاعياد وبيبقي واقف برضوا في مناطق معينة