الهرم وفيصل

**kh_talaat** · 03-01-2010 01:59 PM

المشاركة الأصلية كتبت بواسطة zalabany

هو الحل في فيصل والهرم والجيزه زي ما قال سبعاوي قبل كده يتفجروا ويتبنوا من اول وجديد

ويفجروا معاهم كل رؤساء وموظفين الأحياء اللي وافقوا على البناء فيهم بكم الهمجية والعشوائية الفظيعه دي

**A. Ibrahim** · 05-01-2010 08:51 AM

المشاركة الأصلية كتبت بواسطة h_zahra

اخوانى الاعزاء
انا من سكان شارع فيصل ولن يتخيل احد مدى المعاناه واضطراب المرور في كل من شارع فيصل والهرم ذهابا وايابا
واقتراحى للتعديل المروري بسيط
وهو جعل كل شارع منهم فيصل او الهرم ( شارع اتجاه واحد ) بمعنى ان يكون القادم من الجيزة متجها لمنطقة الهرم متخذا فيصل حتى آخره اتجاه واحد والعكس ان يكون الهرم اتجاه واحد من سفح الهرم او الرماية حتى ميدان الجيزة اتجاه واحد
ارجو ان ينول اقتراحى اعجابكم
وشكرا

والله كلام حضرتك مظبوط 100 * ال100 و فعلان الشوارع اللي بالعرض توصل مابنهم

و كمان تظبيط الشوارع الموازيه لفيصل و الهرم زي التلاتيني و خاتم المرسلين و اللي زيهم تشيل الكثافه شويه

انما تقول لمين المهم محدودي الدخل و الضريبه العقاريه ............................

**KoDaK_Gti** · 05-01-2010 09:21 AM

المشاركة الأصلية كتبت بواسطة mmamdouh

الهرم مشكلتة الناس اللى بتتلطع قدام كايرو مول... معتقدش فيه اماكن تانية فيها اختناق (انا مش دايس الشارع اوى فا ممكن يكون رائى غلط)

فيصل كلة على بعضة عبارة عن مشكلة... الشارع اصلا ديق و العربيات اللى راكنة مشكلة و الجزيرة الوسطى كبيرة و الميكروباصات بتسد الشارع اكتر ما هو مسدود
mmamdouh

اى ملف او مكان تجمع ركاب زى المحطات فى فيصل او الهرم بيكون زحمة جدااااااا

الحل الوحيد من رأيى محطة مترووووو فى اخر فيصل
هتقل الضغط بنسبة كبيرة بردو

**kh_talaat** · 05-01-2010 09:37 AM

المشاركة الأصلية كتبت بواسطة kodak_gti

اى ملف او مكان تجمع ركاب زى المحطات فى فيصل او الهرم بيكون زحمة جدااااااا

الحل الوحيد من رأيى محطة مترووووو فى اخر فيصل
هتقل الضغط بنسبة كبيرة بردو

أنا قرأت في احدى الصحف انه هيتعمل خط مترو جديد يبدأ بمحطة الملك الصالح مرورا بالمنيل وشارع الهرم وحدائق الأهرام ... وينتهي بمحافظة 6 أكتوبر

بالأضافة انه هيتعمل انفاق مشاه في شارع الهرم لعبور الطريق ( ودة المفروض انه هيتم في القريب العاجل) في المحطات المزدحمة وهي

نصر الدين - أمام كايرو مول - أمام شارع العريش

وهيتم عمل سلالم كهربائية في الأنفاق لكبار السن و لجذب المواطنين خصوصا بعد هجر الناس لنفق محطة الطالبية واللي هيتم تطويرة أيضا وتزويدة بالسلالم كهربائية

**reamoz** · 24-01-2010 06:22 PM

لازم دور تاني في فيصل على الأقل
كوبري خفيف للملاكي فقط حارتين بس من أول فيصل لحد كوبري الجيزة ويكون ليه مطلع تاني ومنزل من عند الطالبية (تعتبر نص الشارع) أصل الشارع كله على بعضة بتاع 8 كم لكن بجد ممكن تاخدهم في ساعة ونص انا لما بمشي يوم أجازة الساعة 6.5 الصبح باخد الشارع من اوله لأخرة في حوالي 4 دقائق
والميكروباصات والأتوبيسات والبلاوي اللي كل شوية تقف تركب ناس تمشي تحت لوحدها

**Usama Nagi** · 24-01-2010 07:30 PM

المشكلة مش في فيصل و الهرم المشكلة في شارع الترسة و العمرانية و المريوطية و كعبيش و كفر طهرمس و منشية البكاري كل المناطق دي بتخرج زحمتها علي الهرم و فيصل فهي اللي عاملة زحمة و البنا فيها ابراج بارتفاعات مهولة لازم يهتموا بالطرق البديلة زي الثلاتيني و الترسة في الهرم و يعملوا واحد موازي لفيصل و بكده مش هنحتاج نعمل حاجة للهرم و فيصل لأن الزحمة خفت و اتوزعت علي كذا طريق

**zakiali** · 24-01-2010 07:47 PM

الحل انهم يعملوا كبري علوي دورين بطول شارع الهرم وفيصل ويسلام لو الكبري دع اتوصل بالدائري ,, يبقبي حل رائع

**mohamedbook** · 24-01-2010 08:00 PM

تعرف اساس المشكة في ايه
1-ان خطة الحكومه انها تخرج الناس كلها في وقت واحد غالبا هو فترة الصبحيه مدارس -جامعات-مصالح حكوميه-وخلافه
فطبعا هيحصل تكدس رهيب ويرجعو يخرجوهم من شغلهم ومدرسهم في وقت واحد بردو اما لونظموا العمليه شويه يعني المدارس من وقت كذا لكذا حتي لو كل فريق متأخر عن التاني او زايد ساعة هتفرق كتير
بس العقل المدبر للبلد في الغالب طربي شيل الميت حط الميت
المهم
2- اشغالات الطريق تلاقي نص الطريق وخدة الرصيف والمحلات المخالفه طبعا وبلدورة في النص مشحتها كبيرة ملهاش لزمه وسلميلي علي بتوع البلديه والحي
3- من الاول المفروض يكون الشارع كبير وحرم الطريق كبير عشان حساب الزيادة فيما بعد ونبص لقدم مش تحت رجلينا ونعمل حساب بكرة انما تفكرنا الحالي هو وليد اللحظه والي بيفكر كمان مش فاهم حاجة والي بينفذ ميهموش الا انه يعمل الشغل غلط صح مش مهم
في الاول والاخر المسؤل هو الي بينظم الحركه المروريه في البلد وتوابعهم
وحسبي الله ونعم الوكيل في كل واحد لا يتق الله في البلد ديه

**Dodo2009** · 24-01-2010 10:20 PM

المشاركة الأصلية كتبت بواسطة kh_talaat

أنا قرأت في احدى الصحف انه هيتعمل خط مترو جديد يبدأ بمحطة الملك الصالح مرورا بالمنيل وشارع الهرم وحدائق الأهرام ... وينتهي بمحافظة 6 أكتوبر

بالأضافة انه هيتعمل انفاق مشاه في شارع الهرم لعبور الطريق ( ودة المفروض انه هيتم في القريب العاجل) في المحطات المزدحمة وهي

نصر الدين - أمام كايرو مول - أمام شارع العريش

وهيتم عمل سلالم كهربائية في الأنفاق لكبار السن و لجذب المواطنين خصوصا بعد هجر الناس لنفق محطة الطالبية واللي هيتم تطويرة أيضا وتزويدة بالسلالم كهربائية

اللة حلم جميل نتمنى ان احفاد احفادنا يشوفوة معنى مترو فى فيصل او الهرم يعنى انقلاب تغير شبكات صرف و كهربا واسلاك تليفون وكل دة على شعرة من الاخر يا جماعة حل المترو هو احسن حل نظريا ودة صعب تطبيقة اى حلول اخرى غير فعالة الا لو تم عمل طريق اخر موازى للميكروباصات والاتوبيسات وفصلهم عن الشارع نهائيا

**zakiali** · 25-01-2010 12:20 AM

يريت برده يعمله نفق عند الطالبية عشان الأفواج المهاجره اللي بيعدوا الشارع مش عارف جايين منين وبيروحو فين دول ليل ونهار عند شركه سيد

الموضوع: الهرم وفيصل

LinkBack

أدوات الموضوع

عرض

-

-

-

-

-

-

المواضيع المتشابهه

شقة للبيع بين الهرم و فيصل بالقرب من مستشفى الهرم

شقة للبيع تمليك بين الهرم وفيصل بالقرب من شارع المستشفى

فى الهرم

اين اجد محلات قطع غيار نيسان بالهرم وفيصل

احذروا من سيارات أوكتافيا استيشن زرقاء فى الهرم وفيصل

الكلمات الدلالية لهذا الموضوع

المفضلات

المفضلات

ضوابط المشاركة