-
لما الفرامل بتقفش
السلام عليكم ورحمه الله يا شباب
انا سمعت مرة من عضو محترم أن فرامل العربية بتاعته قفشت مرة واحدة بس لحسن الحظ العربية كانت لسه سرعتها مش كبيرة فعرف يتحكم فيها .... طيب لو على فرض العربية سرعتها كبيرة يعني فوق 100 كم وفجأءة الفرامل قفشت مني , ايه اللي ممكن يحصل وايه اللي مفروض اعمله ؟
وايه هي أسباب أن الفرامل ممكن تقفش ؟ وأزاي ممكن تلافي الموضوع ده نظراً لخطورته الشديدة ؟
أسف للأطالة وشكراً .
-
سيبها على الله يا أبو حميد
أعقلها وتوكل
على فكره
ده مش هروب من السؤال
ولكنه سؤال لم يراودنى من قبل
وأعتقد أحتمال حدوثه نادر جدا جدا جدا ..........
من هنا لحد بكره
ولو فرض وحدث
أيه اللى حيحصل
التيل مش حيرد وحتكون العربيه وقفت
ده لو حصل مع كل الفرد
أما لو حصل لفرد ملخبطه
فالعربيه حتلف فى أتجاهات الفرد القفشه
-
بصراحه من خبرتى فى موقف زى دا لما الفرامل بتاعت العربيه بتقفش مره واحده حضرتك لو بقى عايز تعرفها من نحيه المهاره فى السواقه هتعمل حاجه كويسه جدا تسقطلها نقله يعنى سؤال حضرتك لو هى فوق 100 يعنى هتبقى ماشى على الخامس او حتى بتحرق على الرابع مش مشكله سقط نقله لحد ما توصل للتانى وافضل دوس فرامل مافيش حاجه اسمها مافيش فرامل هى بتبقى اه ضعيفه بس بيبقى فيها دوس عليها مسموح افضل دوس واتحكم فى العربيه لحد ما تهدى خالص وتقف بأذن الله بس ملحوظه اوعى تسقط نقله وتجيب الأول يا اما العربيه هتكلبش منك زياده علشان يمنفعش العربيه تبقى على سرعه وتديها الأول سقط نقله لحد التانى وان شاء الله خير مش هيحصل كدا ابدا بس للأفاده فقط وشكرا
-
الزميل اللى فراملة قفشت حصل عندة كسر فى احد مكونات الفرامل الخلفية
غالبا فى معظم حالات القفش... حتلاقى القفش جة بعد دوسة فرامل و ساعتها بستم الفرامل مش حيرد مكانة و يفضل قافش بالتالى مفيش خطورة من الموضوع بالنسبة لفقد السيطرة على العرية و خلافة... و يمكن تفادى القصه دى بالصيانات الدورية فى مواعيدها و متابعة حالة التيل وطريقة تاكلة و رد فعل العربية عند الفرملة الخ الخ
بالنسبة لفرامل ورا و موضوع الكسر فا مفيش حاجة يقدر الواحد يعملها اكتر من الصيانة الدورية و عناية ربنا سبحانة و تعالى فى حالة ان حاجة زى كدة حصلت لا قدر الله
MMamdouh
Content Relevant URLs by
vBSEO 3.6.0 PL2