ساعات لما ادور العربية الصبح اسمع صوت تزييق جاي من احد السيور ولما بسأل اي حد بيقولي خلي الميكانيكي يشد السير .... يعني ايه بالضبط يشد السير ؟
عرض للطباعة
ساعات لما ادور العربية الصبح اسمع صوت تزييق جاي من احد السيور ولما بسأل اي حد بيقولي خلي الميكانيكي يشد السير .... يعني ايه بالضبط يشد السير ؟
باينه من أسمها
شد يعنى أخذ أى بوش أوأى أرخاء فى السيور
ولمعرفة الشد التقريبى الصحيح
تعالى فى نص البحر بتاع السير وأضغط بصباعك
المفروض نزول السير لأسفل عن وضعه المستقيم
لايزيد عن 8 الى 10 مم على الأكثر
دى الطريقه المتبعه بالبلدى وماشى الحال
طبعا فيه أجهزه حديثه لضبط شد السيور
وبتتوقف على عوامل كتير
كنت قريت عنها
بس مش مطبقه عندنا الى حد ما
وبالذات فى الورش والتوكيلات
زى ما أنت عارف
كل حاجه ماشيه بالبركه
وعامة البركه ممشيه الحال برضه
شكرا
بس انا جربت الموضوع ده و رحت للميكانيكي قالى مشدود مظبوط وقام مشحمه ... الصوت قل لكن ما اختفاش
يبقى السير وحش
انا عندى نفس المشكله
لما تحط مياه على السير الصوت يروح ولما المياه تنشف الصوت يرجع تانى وغيرت السير بواحد جديد good year وبرضه الصوت موجود والمكانيكى حطليه عليه حبت زيت فالصوت قل خمس ايام ورجع تانى ايه المشكله بالظبط وايه العلاج بتعها
لو السير مشدود كويس
أكشف على الطنبوره اللى عليها السير
أنا كان عندى نفس المشكلة بتاعة الصوت فى عربية 128 ، والميكانيكى شد سير الدينامو والصوت راح خالص ..
المشكلة دى شهيرة جدا وفضلت وراها لحد ما عرفت السبب ,,,, السير مرخى لا بد من شد السير حسب كتالوج السيارة لأن السير المرخى بيخللى البكرة ما تلفش مع السير وبالتالى تحك وتعمل الصوت المسرسع ده , أو الطنبورتين مش على استقامة واحدة , أو خامة السير وحشة
لا تضع زيت او شحم على السير أو ماء فكل هؤلاء يجعل البكرة تحك بدون صوت ولكنها مازالت بتحك