تخيلوا الاكتتاب بتاع طلعت مصطفي اتغطي 42 مرة
أكيد سعرة هيغلي وكانت قدامي الفرصة وما اشتريتش
حصل خير
عرض للطباعة
تخيلوا الاكتتاب بتاع طلعت مصطفي اتغطي 42 مرة
أكيد سعرة هيغلي وكانت قدامي الفرصة وما اشتريتش
حصل خير
ارض من الدنيا بما يقوتك ******* واعلم بأن الرزق لا يفوتك
يعنى اية أتغطى :roll: :roll: :roll:
يعني الي كان مقدم عشان ياخد 1000 سهم اخذ 24 سهم
ودة لأن الطلب أكبر من العرض 42 مرة
يا ريت الخبرا الاقتصاديين هنا يشاركونا
دة ممكن علشان فى ناس قبضايا كوشوا على الأسهم فى كرشهم :cry: :cry:
أنا برضه حجزت ألف و إدونى 24 :mrgreen:
أصل ناس كتير متفألة بالشركة دى
هى فعلاً شركة محترمة
بس على فكرة حضرتك قدامك فرصة تانية :P
تعالى نشوف إزاى:
أول يوم هتنزل الأسهم فى البورصة ...... أكتر حاجة ممكن السهم يزيد بالكتير 5% ... اللى هوا الحد القانونى فى البورصة المصرية........ فكده ممكن تشترى بسعر مش أغلى كتيير ..... بس ده لو لقيت أسهم .... لأنه صعب فى أول يوم كده ...... بس بعديها الناس هتبتدى تبيع
تانى حاجة شركة طلعت مصطفى عاملة فى الإكتتاب ده حاجة إسمها حساب إستقرار سعر السهم : و ده عبارة عن 50 مليون سهم يكونوا مملوكين للشركة .... و هدفهم إنهم يخلوا سعر السهم مستقر على قد ما يقدروا ...... بس ده هيكون لمدة تلاتين يوم بس من تاريخ طرح الأسهم فى البورصة ....... بعديها السهم هيولع ....... بجد الناس هتموت على الشركة دى :lol:
يلا أبقى طمنى عملت إيه لما الأسهم تتطرح :-)
لا يا محمد خلف باشا
الاكتتاب ده مش باسبقية الحجز
يعني كل واحد قدم هياخد اسهم
بس بنسبة تعتمد على عدد مرات التغطية
اللي ممكن حد يعمله انه يقدم عرض شراء عدد اكبر من الاسهم
بس ممكن لو الاكتتاب ما اتغطاش
يلبس في الحيط
بالنسبة لطلعت مصطفى :اقتباس:
المشاركة الأصلية كتبت بواسطة الريس
الإكتتاب إتغطى 42 مرة ....... محدش هيلبس فى الحيط يعنى 8)
و للأسف مش هيقدر يحجز أسهم تانى لأن الحجز إتقفل خلاص
بس البورصة كلها فرص .... مجتش على طلعت مصطفى يعنى .... إن شاء الله تيجى حاجات تانية أحسن :roll:
من وجهة نظرى هناك انهيار قادم فى سوق العقارات نظرا لأن اسعار العقارات زادت زيادة رهيبة وغير مبررة وبالطبع معروف ان الارتفاع الحاد يعقبه انخفاض حاد, انا لا اتاجر فى البورصة المصرية لأنى اعتبرها بورصة فاشلة يتحكم فيها روؤس الاموال العربية والاجنبية وكلكم يتذكر ماذا حدث فى الثلاثاء الاسود والسبت الاسود وما اكثر ايام تللك البورصة الغامقة.
الكلام ده مش مظبوط ياباشا السهم في اول يوم تداول بيكون غير مقيد الحدود السعريه يعني ممكن يتعدي النسبه السموح بيها وهي 20 % علي اغلب الاسهم خصوصا الاسهم النشطه اما الاسهم الغير نشطه هي اللي نسبه ارتفاعها وهبوطها فقط 5% ( الاتصالات كانت مطروحه بسعر 14.80 وفي اول يوم ليها وصلت الي 30 جنيه ثم هبطت في نفس اليوم ل 23 جنيهاقتباس:
المشاركة الأصلية كتبت بواسطة meza
بالنسبه لطلعت مصطفي كشركه عملاقه طبعا متوقع لها نمو كبير جدا خصوصا مع نسبه التخصيص الضعيفه جدا جدا جدا
بس فيه سؤالين انت عاوز تشتري كمضارب ولا كمستثمر ؟؟
وهل انت اصلا بتشتغل في البورصه من زمان ولا دي اول مره ؟؟
لو مستثمر اشتري ومايهمكش لو مضارب ماتندفعش ورا السهم في اول يوم لانه لسه وجه جديد ومش معروف سلوك السهم شكله ايه او حيتم التعامل معاه ازاي من جانب المؤسسات ( صناديق الاستثمار ) والاجانب
لو انت شغال في البورصه من زمان يبقي انت عارف كل حاجه طبعا ومش محتاج نصايح , لكن لو دي اول مره ( انصحك تبيع اسهمك اللي اتخصصتلك وتاخد مكسب وتخلع من البورصه )