انا اشتريت لانسر 2008 الشكل القديم سوبر اكشن من حوالى 3 ايام و كنت عاوز اعرف من اهل الخبره هل فى مراكز خدمه و صيانه فى مدينة نصر او مصر الجديده ممكن اعمل فيها صيانة الاف و ال 10 الاف ان شاء الله فى المستقبل ؟؟
عرض للطباعة
انا اشتريت لانسر 2008 الشكل القديم سوبر اكشن من حوالى 3 ايام و كنت عاوز اعرف من اهل الخبره هل فى مراكز خدمه و صيانه فى مدينة نصر او مصر الجديده ممكن اعمل فيها صيانة الاف و ال 10 الاف ان شاء الله فى المستقبل ؟؟
أولا أهلا و سهلا بيك معانا فى المنتدى يا أستاذ رامى :-)
ثانيا ألف مبروك العربية ربنا يباركلك فيها و يعطيك خيرها و يبعد عنك شرها.
بخصوص صيانة الألف بدون ميعاد و يتم تغيير زيت الموتور و فلتر الزيت و تربيط عفشه و كشف عام على السيارة ,الزيت على مزاجك موبيل وان يتم تغييره كل 10 ألاف كم أو عاده يتغيير كل 3 الاف كم , المصنعيه مفيش و بتدفع تمن الزيت و الفلتر فقط. و ديه بعض المواضيع ممكن تفيدك:
فرع مصر الجديدة جسر السويس أمام سوق القنال الدولى.
http://www.nilemotors.net/Forum/viewtopic.php?t=5821
http://www.nilemotors.net/Forum/viewtopic.php?t=148
ان شاء الله كل حاجه محتاج تعرفها موجوده فى قسم ميتسوبيشى , و لو عندك أى أستفسار أنا تحت أمرك :-)
الف شكر يا استاذ اسلام على الرد و اتمنى انى استطيع اضافة معلومات مفيده فى المستقبل تفيد جميع اعضاء المنتدى.. بصراحه المنتدى اكثر من رائع..
يوجد ايضا مركز خدمة في موبل الدائري وربنا يباركلك فيها ويكفيك شرها
شكرا على الرد و التوضيح بس كنت عاوز اسأل هل لو عربيتى خليجى ممكن اعملها صيانه فى فرع مصر الجديده - جسر السويس ولا الخليجى لازم فرع محدد ؟؟
الف مبروك با ا/رامى وفى حاجة غريبة فى المنتدى دة ان كتير اوى عندهم لانسر واسمهم إسلام انا كمان اسمى إسلام منهم
إسلام باشا شاهين وإسلام باشا المصرى و البرنس إسلام باشا احمد :P
استاذ رامي ألف مبروك العربية وربنا يبارك لك فيها ويديك خيرها ويكفيك شرهااقتباس:
المشاركة الأصلية كتبت بواسطة ramy medhat
لو العربية خليجي فده حسب المعرض اللي اشتريت منه لأن فيه خليجي ضمان الرواس فالصيانة في مراكز الرواس وفيه خليجي المعرض بيكون مشترك مع مراكز خدمة بحيث ان الضمان تبعها وبيحصل مبلغ اضافي فوق ثمن العربية اعتقد 500 جنيه مقابل الضمان ده - فلو كان العربية لها ضمان تبع مركز خدمة معين فالأفضل المتابعة معاهم للمحافظة على الضمان
أما لو العربية ملهاش ضمان يبقى اهلا وسهلا بيك معانا (شركة مصرية) في مراكز الخدمة التابعة لنا وباذن الله متحتاجش الضمان وتكتفي بالصيانة الدورية في مواعيدها واحنا بنرحب في الصيانة في مراكز مصرية بالعربيات المصري او الخليجي او الأردني لكن طبعا الضمان بيغطي المصري فقط
في صيانة الألف الأولى مش محتاج موعد انما في صيانة العشرة والعشرين وما بعدها بتحتاج تتصل تاخد موعد للصيانة
واهلا بيك في منتدى ميتسوبيشي وانصحك بقراءة كل الموضوعات السابقة لأن فيها معلومات مفيدة كتير جدا وتحت امرك في أي استفسار
الشكر لله.اقتباس:
الف شكر يا استاذ اسلام على الرد
اهلا و سهلا بيك يا أستاذ اسلام :-) ان شاء الله تكون معرفة خير.اقتباس:
انا كمان اسمى إسلام منهم
شكرا جزيلا يا مهندس طارق على التوضيح ;) جزاك الله خيرا , نشوف حضرتك على خير ان شاء الله.
السلام عليكم انا عضو جديد وسعيد جدا بعضويتي معاكم اسمي تامر عابد
انا اشتريت لانسر خليجي 1300 وعندي اسئله كتير في العربيه وياريت حد يفدني