مشكلة المشاكل فى النيو سيراتو وغيرها

**khaledmontero** · 06-12-2009 05:55 AM

مشكلة المشاكل فى أى عربية فى الدنيا ان الناس تكتب مواضيع وتهلل وتطلع القطط الفطسانة فى عربية جديدة لمجرد انه سمع من واحد عن طريق واحد تانى
بجد ياريت المشاكل تكون من فم اصحاب السيارة .
ويجب الاخذ فى الاعتبار الاتى :
1- مافيش عربية من غير مشاكل بس المهم ماتكونش مؤثرة .
2- عدم الموضوعية فى تناول المشاكل الصغيرة وتكبير حجمها ع الفاضى .
3- ملاحظة ان العربية جديدة واخذت انتشار جامد جدا فالبتالى لازم يكون هناك حاقدين ع النجاح ده حتى ولو كان نجاح نابع من طريقة الشراء الغلط التى نتبعها فى مصر .

ملاحظة : انا مش من ملاك كيا اصلا .

ويارب كل واحد اشترى النيوسيراتو أو غيرها يستمتع بيها و يستخدمها فى الخير دايما .

**myself112** · 06-12-2009 05:59 AM

تمام كلامك ..............

**solid_khaled** · 06-12-2009 07:14 AM

المشاركة الأصلية كتبت بواسطة myself112

تمام كلامك ..............

+1

**mastr_n** · 06-12-2009 07:49 AM

المشاركة الأصلية كتبت بواسطة khaledmontero

مشكلة المشاكل فى أى عربية فى الدنيا ان الناس تكتب مواضيع وتهلل وتطلع القطط الفطسانة فى عربية جديدة لمجرد انه سمع من واحد عن طريق واحد تانى

بجد ياريت المشاكل تكون من فم اصحاب السيارة .
ويجب الاخذ فى الاعتبار الاتى :
1- مافيش عربية من غير مشاكل بس المهم ماتكونش مؤثرة .
2- عدم الموضوعية فى تناول المشاكل الصغيرة وتكبير حجمها ع الفاضى .
3- ملاحظة ان العربية جديدة واخذت انتشار جامد جدا فالبتالى لازم يكون هناك حاقدين ع النجاح ده حتى ولو كان نجاح نابع من طريقة الشراء الغلط التى نتبعها فى مصر .

ملاحظة : انا مش من ملاك كيا اصلا .

ويارب كل واحد اشترى النيوسيراتو أو غيرها يستمتع بيها و يستخدمها فى الخير دايما .

**m_s_h_a** · 06-12-2009 09:35 AM

ياريت ربنا يهدى الناس ونلتزم بالهدؤ وكلامك سليم وهادئ

**dr_k** · 06-12-2009 01:41 PM

المشكلة ان الحادثة اللى قلبت الموازين دى مش معروف السبب اللى وراها لسة فالناس تتخض وتقول العربية وحشة
فياريت نهدى شوية ونفكر بالعقل وبعدين العربية لو فيها عيب يتحل باذن الله ده العربية جديدة ولازم يطلعلها عيوب ما حنا بنشوف عربيات محترمة وليها عيوب وبتتحل اخرها تويوتا سحبت مليون عربية لعيوب خطيرة سببت حوادث وموت ناس
وبعدين موضوع ان ليها حوادث كتير فى الحرفيين ده اعتقد انه طبيعى زى اى عربية بيحبها الشباب وبيكون اغلب ملاكها شباب بيجرى برعونة وخصوصا العربية جراية

**hobiko** · 06-12-2009 04:10 PM

المشاركة الأصلية كتبت بواسطة dr_k

المشكلة ان الحادثة اللى قلبت الموازين دى مش معروف السبب اللى وراها لسة فالناس تتخض وتقول العربية وحشة
فياريت نهدى شوية ونفكر بالعقل وبعدين العربية لو فيها عيب يتحل باذن الله ده العربية جديدة ولازم يطلعلها عيوب ما حنا بنشوف عربيات محترمة وليها عيوب وبتتحل اخرها تويوتا سحبت مليون عربية لعيوب خطيرة سببت حوادث وموت ناس
وبعدين موضوع ان ليها حوادث كتير فى الحرفيين ده اعتقد انه طبيعى زى اى عربية بيحبها الشباب وبيكون اغلب ملاكها شباب بيجرى برعونة وخصوصا العربية جراية

كلام سليم مش عارف ليه مش كل الناس بتفكر زى حضرتك

عربية عملت حادثة خلاص بقت زبالة و متنفعش كأن مفيش عربيات تانى فى الدنيا بتعمل حوادث غيرها

**ldsaklf** · 06-12-2009 05:16 PM

العربية ممتازة وانا الحمد لله مبسوط بيها

**mohamedhamam** · 06-12-2009 10:01 PM

الموضوعية فى نقل المشاكل ده مهم قوى فبدون مجاملة أنا كل المواضيع المتعلقة بالسيارات أعرفها هنا من الزملاء بالمنتدى بمختلف أقسام المنتدى و أثق فى كل أراء الزملاء هنا فى المنتدى و لكن الملاحظ فى الأونة الأخيرة أن بعض المواضيع يتم تفسيرها طبقاً لوحهة نظر كل زميل و لكن فى النهاية يجب أن نراعى أن الاختلاف فى الرأى لا يفسد للود قضية بحيث نستفيد كلنا أعضاء المنتدى استفادة حقيقية بعيداً عن أى شىء أخر و على فكرة أنا لست من ملاك السيراتو أو الكيا بصفة عامة و لكنى من أشد المعجبين بالنيوسيراتو و أتابع كل أخبارها هنا من خلال المنتدى يومياً