الموضوع: هل بتتعامل مع الناس اللي ماشيين معاك ع الطريق على أساس عربياتهم؟

بصراحة أنا عمري ماخدت بالي من الموضوع ده

بس لما بلاقي عربية بي إم ... أو جين 2 أو بيرسونا أو هوندا جاية من ورايا لازم لازم أعديها وأديها إحترامها وكمان عشان أتفرج عليها وهي ماشية

معرفش ليه بس هية عقدة

لكن الشخص نفسه بيبقى حسب سواقته مش عربيته .. أكتر حاجة بقى بتخنقني لما الاقي واحد غشيم راكب عربية من اللى قلتهم دول بحس إنه مايستاهلهاش خالص

للأسف السواقه ده من اكتر المواقف اللي بتتجلي فيها اخلاق الفرد الحقيقيه بدون وعي او ادراك منه
احنا برضه للأسف بقينا نتعامل مع بعض كأفراد بطريقه سيئه جدا او بطريقة التار (ازاي ابن التيييييت ده يكسر عليا ده انا هطلع تييييييييييت اهله واقعد اجري لغاية لما اكسر عليه ويا سلام بقي لو الشيطان موجود في الموقف ده ولعب لكل واحد بمفتاح عشره في دماغه هتبقي ليله مش فايته وهننزل لبعض في الشارع ) هو غالبا الناس بتنزل لبعض من العربيات وبيقعدوا يجعروا في وش بعض علشان التاني يخاف بس ماحدش بيخاف من التاني او هما الاتنين بيخافوا من بعض فبيركبوا وبيمشوا تاني وماحدش استفاد حاجه غير حرقة الدم والغليان يعني في الاخر ماحدش اشتري الشارع او اتكتب باسمه حتي.
المشكله بقي التانيه ان معظم الناس مازالت بتعامل التاني علي حسب عربيته يعني لو العربيه جامده مش بعيد ينزل يضربله تعظيم سلام او تحس ان عينه هتطلع علي العربيه.ونفس الجزء من الناس لو شاف عربيه قديمه يقعد يتريق عليه من عينة ايه بقي شممها بصله علشان تجري شويه يا عم الحاج .
اما في جزء بقي من الناس كيف عنده انه يضايق اي حد ماشي بعربيه جامده يعني مثلا واحد راكب عربيه مرسيدس وواحد راكب اي حاجه تانيه شاهين لانوس فيرنا مثلا اي نوع اخر تلقيه ماشي بيرخم عليه ممكن يرمي عليه او يمشي قدامه بطيء.ماتعرفش دول ممكن يكون عندهم عقدة نقص او حاجه.
اخر جزء وهو نادر جدا تلاقيه ماشي في حاله وفي قمة الزوق والادب ولو شتمته مش هيرد عليك ويسيبك تعدي قدامه وتعمل اللي انت عايزه ودول مايعدوش 5% من الشعب
انا عن نفسي في فترة المراهقه يعني 18 19 20 سنه كنت في قمة الغباوه والعصبيه لدرجة اني مره اتخانقت مع واحد علشان بصلي بصه ماعجبتنيش والله راجل بتاع 55 سنه في وسط منطقته وهزأته وهزقني برضه وبعد كده مشيت ولم استفيد اي شيء .
دلوقتي عن نفسي انا بحاول امشي من غير ما ابص للناس او اراقب اي شيء حولي لا يهمني غير طريقي بقيت مااخدش بالي ان ده كسر علي او ده شتمني او ده عمل كذا يعني من الاخر بعديها علشان تعدي لأن بحس ان ناس كتير بتبقي قاصده ترخم علي بعض.بس اكتر شيء مازال بيستفزني وده ممكن اتلككله علي اي غلطه لما الاقي واحد قاعد ومتنك قوي في عربيته وعايشلي الدور ويبصلي بقرف اهو ده اللي مابتسامحش معاه اي ياعم الحاج ماتلم نفسك شويه هو انت بتدينا صدقه بصراحه بيبقي منظره مستفز وخصوصا ان بيبقي ليهم قعده معينه كده تحس ان هو نايم علي سرير اهله لسه.
في حاجتين عايز اعرفهم بقي بجد :
1-ايه معني لما اقعد انور الاشارتين كده ورا بعض يعني واحده يمين وواحده شمال ورا بعض.
2-يوم الجمعه بالذات بيبقي في ناس غريبه جدا وده بيحصل معايا كل يوم جمعه لما ببقي رايح اصلي في مكان تاني ناس كل هوايتها انها تمشي قدامك براحه وتعطلك انك تلحق الصلاه حصلت معايا كتير قوي وخصوصا بيبقوا راكبين ماتريكس او اكسيل شيء غريب جدا

المشاركة الأصلية كتبت بواسطة dr.amr

1-ايه معني لما اقعد انور الاشارتين كده ورا بعض يعني واحده يمين وواحده شمال ورا بعض.
2-يوم الجمعه بالذات بيبقي في ناس غريبه جدا وده بيحصل معايا كل يوم جمعه لما ببقي رايح اصلي في مكان تاني ناس كل هوايتها انها تمشي قدامك براحه وتعطلك انك تلحق الصلاه ا

رقم 1 : إشارة قلة أدب (لاداعي للتفسير أكثر علشان الرقابة)
رقم 2: من خلال 12 سنة سواقة خلي بالك وانت بتسوق في أيام الجمع والأجازات والأعياد الرسمية ليه لأن في ناس كتير من إلي بيقوا راكنين عربياتهم تحت البيت طوال أيام العمل مش بيركبوها.وفي الأيام دية بيركبوها يقضوا بيها مشوار عائلي& نزهة خلوية .....
الناس دية بتبقى في السواقة مش أد كده .ولوكانو بيعرفو يسوقو بيبقى عاوز يشوف العربية إلي دفعوا فيها دم قلبهم دية إمكانيتها ايه وكده..

على فكره انا بحب دايما امشى فى الشمال على الدائرى
على سعة 80/90 ودى السرعه القانونيه
بس بلاقى ناس كتير تقلبلى نور وعاوزه تعدى وخلاص
وصدقونى دايما مش بعملهم اى اعتبار
لكن ماينفعش انى اخد شمال مثلا على سرعة 60ك

المعامله عندى بالمثل فى المواقف اللى زى دى لو مقصودهالعين بالعين والسن بالسن والبادئ أظلم