هل بتتعامل مع الناس اللي ماشيين معاك ع الطريق على أساس عربياتهم؟
ما أقصدش طبعا ان حد هنا لو معاه عربية عربية جامدة و جنبه حد سايق عربية مش أد كده إنه هايطنطط عليه مثلا، بس ممكن مثلا تلاقي حد معاه عربية إمكانياتها على أد حالها و ماشي بالراحة تقوم طالع من وراه و حارق بنزين و انت بتشوح له بإيدك مثلا؟
هل لو حد عربيته صغيرة أوي و شكلها تعبان ع الآخر و كسر عليك مثلا.. هل بتقول له في سرك (أو في وشه) أمال لو كانت عربيتك ماسكة نفسها شوية، كنت عملت ايه؟
و العكس.. هل لو إنت عربيتك عادية و عدى من جنبك واحد عربيته جامدة أو جامدة أوي و انت عارف أد ايه هي جامدة.. أو كسر على حد أو علق له الكلاكس عشان يعديه، هل بتقول ماشي.. حقه.. ماهو راكب عربية بالشئ الفلاني، يعمل اللي هو عايزه؟
هل هو ده سلوكنا و تفكيرنا و احنا بنسوق؟
لحظة مصارحة مع النفس :shine[1]: