ميدان رمسيس

**zizoooooo** · 06-12-2009 11:44 AM

لو انا عديت كوبري عبود وماشي في شارع احمد حلمي اروح ازاي لميدان رمسيس وياريت مع ذكر اسماء الشوارع او الكباري او الانفاق اللي انا هاعدي عليها وياريت تقولولي اروح ميدان التحرير من رمسيس ازاي ولكم جزيل الشكر

**A.Saad** · 06-12-2009 01:21 PM

لو انت فى رمسيس
امشى شارع الجلاء
لو هتخش عبد المنعم رياض كمل على طول
لو هتخش ميدان التحرير
هتلاقى موقف اتوبيس على شمالك
كمل ولف معاه هيبقى فيه منزل كوبرى اكتوبر شمالك
كمل وهتلاقى فيه يمين وشمال
خليك شمال
وبعدين فيه زى صينية عندها تمثال الشهيد / عبد المنعم رياض
تخش بقى قبل الصينية يمين وتكمل

**HeMa_LanCeR** · 06-12-2009 07:19 PM

المشاركة الأصلية كتبت بواسطة zizoooooo

شكرا يابو حميد بس ليا شويه استفسارات بعد اذنك
اول حاجه شارع الجلاء ده هو اللي تحت كوبري 6 اكتوبر وهل هو اتجاه واحد ولا اثنين وبعدين ياريت ترد عليا في موضوع ازاي اروح ميدان رمسيس من شارع احمد حلمي بعد ماعدي كوبري عبود ولك جزيل الشكر

كمل زي ما انت لحد اخر الشارع خاااااااااالص
بس خلي بالك هتمشي كتييييييييييير
بعد كده هتدخل يمين اجباري في شوارع متفرعه لحد ماتطلع علي شارع الترعه البولاقيه
اول ما تدخل الشارع ده لف وارجع علشان تتنقل علي شارع شبرا
و اول ماتدخل شارع شبرا كمل علي طول زي ما انت هتنزل نفق اطلع وكمل بس وبعد كده هتلاقي اشاره وفوقك كوبري
بعد ما تعدي التقاطع اللي تحت الكوبري ده هتلاقي الشارع متفرع يمين وشمال
خليك في الشمال و ادخل اجباري شمال انت كده بقيت في شارع رمسيس
كمل زي ما انت هتلاقي اشاره انت كده بقي في ميدان رمسيس شوف بقي انت عايز تروح فين

**zizoooooo** · 06-12-2009 07:28 PM

شكراااااااااااااااااااااا اااااااااااااااا ياهيما علي الاهتمام

**A.Saad** · 06-12-2009 08:42 PM

ش الجلاء اللى فيه الكوبرى فعلا
وهوة اللى هتتقاطع معاه لو طلعت من نفق شبرا
وزى ما هيما قال
شمال هيبقى رمسيس
يمينك ميدان عبد المنعم رياض

هوة اتجاه واحد
وعلى فكرة
ممكن تاخد ش شبرا من اوله من المظلات بدل احمد حلمى
لو انت عند الباب الرئيسى
امشى هتخش يمين من عند جامع كبير اسمه فجر الاسلام تقريبا تكمل وهتلاقى ش شبرا فى وشك
تعمل يوترن من تحت الكوبرى متلف هتبقى فى اول ش شبرا
انا مردتش على مضوع احمد حلمى لانى للاسف مش عارف الوصف من هناك

**د.أحمد سمير** · 08-12-2009 08:47 AM

معلش تعديل بسيط ..
لو جاي من شارع أحمد حلمي وعايز تروح ميدان رمسيس
أسهل طريق هو ما يلي
هتمشي في شارع أحمد حلمي من المؤسسة هيقابلك كوبري علوي متطلعوش ده كوبري عرابي
وبعدين هايعدي من فوقك كوبري تاني بعد حوالي كم واحد ده كوبري أبو وافية
عد على عداد العربية 3.5 بالضبط
هتلاقي فيه شارع كبير تحت منك على يمينك وهتلاقيه مميز جداً
انت الآن فوق نفق أحمد بدوي
خش يمين طوالي في الشارع ده
هتقابلك إشارة واحدة عديها
هتلاقي الاتجاه بقى شمال إجباري في شارع شبرا
كمل طوالي وانزل نفق شبرا
وعدي إشارة شارع الجلاء وادخل شمال كدة بقيت في ميدان رمسيس
وتوصل بالسلامة