محتاج اعرف رايكم بامانه
عرض للطباعة
محتاج اعرف رايكم بامانه
انا شايف انها عربية كويسة فى فئتها السعرية و اقتصادية فى التشغيل توكيلها كويس جدا ( منصور ) بس انا شكلها مش بيعحبنى خالص من ورة
بس انا ركبت الماتيز من زمان و الصراحة عجبتنى اوى عربية بتجرى جامد و صغيرة تركنها فى اى حته و غير كده اقتصادية جدا و بما ان الاسبارك هى التطور بتاع الماتيز مع تغييرات بسيطة فى الموتور يبقى هتبقى ان شاء الله حلوه
سيارة سيئة جدا مع واحد زميلي في الشغل وبيشتكي منها مر الشكوي صاج ضعيف جدا اصوات غريبة جدا من عند الزوايا وضيقة جدا من الداخل ممكن تناسب سيدة ساكنة في6اكتوبر وتوصل عيالها في المدرسة في 6اكتوبر برضة غير كدة مش نافعة في حاجة
يا ساتر يارباقتباس:
المشاركة الأصلية كتبت بواسطة elmasri
أهم حاجة انك تبقي مستوعب امكانياتها .. يعني دي عربية 1000 سي سي هاتش باك صغيرة .. فا متتوقعش منها انها تبقي وحش عالطريق يعني .. او متقارنهاش بعربيات تانية اعلي منها بكتير في الامكانيات .. و شوف انت محتاج ايه من العربية .. يعني لو واحد عيلته 5 مثلا اكيد مش دي العربية اللي بيدور عليها .. انما لو شاب بالكتير بيبقي راكب معاه 2 ولا 3 صحابه .. طبعا يفكر في العربية ..
دي عربية مدينة .. روح شوفها في معرض و اتفرج عليها و اركبها من جوة و اسأل اكتر من واحد معاه العربية لأن موضوع الرأي في اداء العربية ده شئ نسبي .. بعد كدة خد قرار الشراء ..
انا شفت reviews ليها كتير عالنت و كانت فيها كلام كويس عن العربية
ربنا يطمنك بص انا عاوز عربيه في حدود ال 55 الف تكون مناسبه لمشاوير الكليه و كده يعني بس اكيد عاوزها تعرف تشد معايا
دول يا باشا كل العربيات اللي ممكن تجيبهم بالسعر دة:اقتباس:
انا عاوز عربيه في حدود ال 55 الف تكون مناسبه لمشاوير الكليه و كده يعني بس اكيد عاوزها تعرف تشد معايا
اسبرانزا A213
بيرودوا كيليزي
سوزوكي ألتو
لادا 2110 أو 2115
هيونداي أتوس
كيا بيكانتو
و سبارك اللي بتسأل عليها.
أنا شخصياً أفضّل الكيا بيكانتو عن كل دول. ودلوقت كمان بعد ما طلع ليها توكيل في مصر أخيراً الموضوع بقى أحسن.
شوف السوزوكي الألتو 1100 سي سي جميله جدا جوه وبره وأقوى وأجمل في الشكل من السبارك
السبارك 1000 سي سي 47 حصان
الألتو 1100 سي سي 63 حصان
فعلا .. و هضيفلك معلومات صغيرة عن كل عربية من دول ..اقتباس:
المشاركة الأصلية كتبت بواسطة padel
اسبيرانزا 113 و 213 عربيات كويسة بس صيني و محدش يعرف اذا كانوا هيعيشوا ولا لأ .. يعني اللي بيشتريهم بيبقي واخد المخاطرة بتاعتهم .. 213 في التوكيل سعرها 52 الف و 113 سعرها 49 الف .. بس 113 شكلها احسن بكتير .. اللي هي الهاتش باك .. و العربيتين 1300 سي سي و فيهم فرامل ABS
البرادوا عربية حلوة و لكنها مش فخمة اوي يعني .. 1000 سي سي .. واخدة ستايل تصميم الميني كوبر شوية بس طبعا مش بنفس الفخامة .. سعرها 51 الف جميع الكماليات .. التوكيل بتاعها هاشم كارز .. متوسط المستوي
لادا .. عربية مش شبابي خالص الصراحة و ناشفة .. زلطة يعني رأيي ابعد عنها
هيونداي اتوس و البيكانتو 1100 سي سي .. و البكانتو احسن بس سعرها اغلي شوية من 55 الف .. هي ب 85 الف بالتكييف و الباور و ب 61 جميع الكماليات .. و الاتوس ب 56 تقريبا هاف اوبشن .. و الكاملة تقريبا ب 60
السوزوكي التو 1100 سي سي ب 55 الف كاملة و هي تجميع هندي و برده متوسطة الفخامة من جوة .. و شكلها مش وحش
السبارك في رأيي احسنهم شكلا الي جانب البيكانتو .. و هي 1000 سي سي بس و 4 سيليندر .. و من الحاجات اللي قريتها عالنت انها 65 حصان و ده حاجة كويسة جدا بس اللي قريته كان عن العربيات السبارك اللي في انجلترا مش عارف اللي نازل في مصر نفس المحركات ولا لأ .. اللي نازل مصر تجميع كوري .. و ميزة سبارك انك لو جبت عربية شيفروليه فا انت عالاقل معاك اسم شركة زي جينرال موتورز مش قليل لأنهم ناس اكيد مش بتهزر ..
بس هي ضيقة من جوة علي فكرة و معتقدش ان تكييف علي عربية 1000 سي سي هيبقي حلو .. هيكتف العربية اوي .. بس هي شكلها من برة حلو ..
في رأيي ترتيب العربيات .. لو تقدر تجيب بيكانتو طبعا هي افضل اختيار في كل دول
بعد البيكانتو كان هيبقي الشاريد بس مش موجودة للأسف .. بعد كدة السبارك بعد كدة الأتوس بعد كدة الكاليسا و الالتو .. و اللادا في الاخر
و متنساش ان معاك خيار شراء الصيني لو تقدر تاخد المخاطرة بتاعته .. انا واحد صاحبي جاب ال 113 و ماشية معاه مية مية بس الله اعلم مستقبلها ايه
السبارك في مصر 1000 سي سي 47 حصان مش 65 حصان
كان في موديل بينزل قبل ده 1100سي سي 65 حصان بس خلاص وقفوه وأنا شايف 55000 على عربيه 47 حصان كثييييييييير أوي الماروتي 37 حصان ب 36000 يعني دي تزيد 19000 و 47 حصان؟؟؟؟؟؟؟
انا لسة جاي من توكيل كيا حالا اللي جنب نادي الزمالك كنت مع واحد صحبي بنتفرج عالبيكانتو
العربية تمنها بقي 63 و نص كاملة .. و بصراحة انا شايف ان ده ثمن مبالغ فيه جدا بالنسبة لعربية 1100 سي سي .. و 68 اوتوماتك .. الناس دي بتستعبط ولا ايه !؟
ده موديل 2008 ( مش الشكل الجديد و العارض اللي هناك قاللي ان الشكل متغيرش اصلا و انه مش هيتغير و ميعرفش حاجة عن الموضوع ده بالرغم ان كل الناس شافته عالنت ! )
العربية البيكانتو الصراحة حلوة و احسن من السبارك .. بس سعرها مبالغ فيه جدا !! يعني اللي يخليني ادفع فيها 63 الف و شوية .. طب ما ازود 2000 جنيه و اجيب باليو 1500 سي سي !! مدام دخلت في الستينات و صرف بصرف !
لو تحب تتفرج بنفسك عالعربيتين .. توكيل كيا اول شارع بعد ماكدونالدز جامعة الدول يمين .. ادام مسجد الحامدية الشاذلية .. و منصور شيفروليه بعد ماكندونالدز مباشرة .. هو مكانش جايب سبارك للعرض بس جاب اتنين شفتهم انهاردة بس للاسف ملحقتوش كان قفل .. فا شفت العربية بس و هي واقفة مقعدتش فيها من جوة .. هروح اشوفها بكرة انشاء الله
بجد بجد ربنا يكرمك
افهم من كلامك ان البيكانتو تبدا من 62 الف :(
خلايهالهم احسن
يبقي كده افضل المتاح هو السبارك يعني اتوكل علي الله
اخيرا تعرفوا ايه انظمه التقسيط اللي تبع المنصور علما باني جاهز ب 25 الف دلوقتي ممكن ادفعهم مقدم ياتري الفايده كام و ايه النظام
طيب ما تفكر في الشاهين :roll:
و هي بشد جامد علي فكرة
انا واحدة صاحبة والدتي لسة متعاقدة عالعربية و انا معرفش تفاصيل حساب الفايدة بالزبط
بس هو كان تبع بتك ناصر .. هي دفعت برده 25 مقدم .. و القسط 670 جنيه شهريا لمدة خمس سنين
يعني العربية هتقف عليك في النهاية بحوالي زيادة عن تمنها 10 الالاف جنيه .. اللي هو الفايدة خلال الخمس سنين
واضح من كلامك إن ِ A113 هتكتسح الفئة دي ،،
إلا لو ديهاتسو عملتها و خلت الشاريد الجديدة في رينج الخمسينات ،،،
استبعد هذا الاحتمال
مظنش هتقل عن 80
استبعد هذا الاحتمال
مظنش هتقل عن 80 الف
انا انهاردة كنت في داهيتسو و قالوا ان مش هيجيبوا شاريد تاني اصلا ..
و علي فكرة السبارك طلعت 65 حصان فعلا زي المحركات اللي نازلة في انجلترا .. انا شفت الكتالوج بتاعها انهاردة العربي في التوكيل
يعني السبارك المحرك بتاعها اقوي من حتي البيكانتو و الاتوس
انا اتاكدت من كده برضه
ادعولي بس اعرف ابيع ال 127 عشان اعرف ادفع مقدم يكون محترم شويه و اقسط الباقي
بالتوفيق ان شاء الله
بالتوفيق انشاء الله ..
هو انت اما رحت تسأل مسألتش هتستلم امتي ؟
عشان انا اعرف ان الدفعة الحالية خلصت و الحجوزات الجديدة هتستلم من الدفعة الجديدة كمان شهر
قالولي نصف 12
طب تمام .. ده فرع المهندسين مش كدة ؟
ايوه
ايه رايك اللون الانسب للعربيه يكون ايه
و بالذات الاسود هيبقي لايق عليها ولا هتبقي تاكسي :)
هو انا شفت الاسود عليها كان جميل فعلا .. بس اللي انا شايفه في العربية دي ان الوانها بحس ان مش زي باقي العربيات .. بحس انها الوان صاحية شوية :) خصوصا الازرق و الاخضر و الاحمر بتوعها .. بحس انهم مختلفين عن باقي العربيات خصوصا الازرق و الاخضر بالذات
انما الاسود هيبقي احسن في تركيب الاكسسوار زي لو هتركب سبويلر مثلا ..
انا رأيي احسن الوانها الازرق بعديه الاخضر ثم الاسود ثم الاحمر
انا برده هتعاقد عالعربية قريب انشاء الله بس يا ريت التسليم يطلعوا رجالة و يسلموها في نص ديسمبر فعلا لأن الوالد واخد العربية و مسافر قريب و مش طالبة ميكروباصات هههه
هرد رد تاني فيه صور للعربية بألوانها المختلفة
طب ممكن طلب صغير
ممكن ايميلك عشان نظبط مع بعض اي اخبار جديده
و بالنسبه للاوان انا شفت الاحمر وهو حلو فعلا انما الابيض و الفضي مش حلوين خالص
اللونين دول بالذات بحسهم حلوين اوي عالعربية لأنهم مختلفين .. فا مديين للعربية شخصية كدة
انا بعتلك ايميلي في رسالة خاصة ..
و ده اللون الاحمر .. و فعلا فيه كام لون كدة ملهمش لزمة خصوصا الفضي شكله اقل لون عالعربية