انا فى حيرة كبيرة من شراء اللوجان - برجاء المساعدة

بجد انا فى حيرة كبيرة من الرينولوجان انا رحت اتفرجت عليها الفول اوبشن فى داون تاون فى اسكندرية وكنت ناوى احجز بس اللى بينكتب فى المنتدى عن بعض الاشياء محيرنى وجعلنى مترردد فى حجزها
1. رعشة الفتيس
2. يعنى ايه تدوس على الدبرياج الى اخره ازاى ودية عربية زيرو
3. بعض الحاجات الاوخرى ذكرها بعض الاخوة مما يجعل العربية فيها عيوب اساسية ولسه معداش على العربية سنة ازاى الكلام ده يحصل

انا لسه حديث العهد فى العربيات ولسه بتعلم القيادة ومتردد جدا انا عجبتنى العربية شكلا وسعرا بس ارجو من الاخوة سرد جميع عيوبها الى الان وهل هذه العيوب مؤثرة من ناحية قوة العربية وعلى ادائها.

ارجو من الناس متزعلشى منى انا بس عاوز اعرف اخر كلام فى العربية دى من جميع النواحى

اقتباس:

---

المشاركة الأصلية كتبت بواسطة abdelgawadprof

بجد انا فى حيرة كبيرة من الرينولوجان انا رحت اتفرجت عليها الفول اوبشن فى داون تاون فى اسكندرية وكنت ناوى احجز بس اللى بينكتب فى المنتدى عن بعض الاشياء محيرنى وجعلنى مترردد فى حجزها
1. رعشة الفتيس
2. يعنى ايه تدوس على الدبرياج الى اخره ازاى ودية عربية زيرو
3. بعض الحاجات الاوخرى ذكرها بعض الاخوة مما يجعل العربية فيها عيوب اساسية ولسه معداش على العربية سنة ازاى الكلام ده يحصل

انا لسه حديث العهد فى العربيات ولسه بتعلم القيادة ومتردد جدا انا عجبتنى العربية شكلا وسعرا بس ارجو من الاخوة سرد جميع عيوبها الى الان وهل هذه العيوب مؤثرة من ناحية قوة العربية وعلى ادائها.

ارجو من الناس متزعلشى منى انا بس عاوز اعرف اخر كلام فى العربية دى من جميع النواحى

---

يا باشا كل الى حضرتك بتقول عليه ديه مش مشاكل خالص أنا قريت كل الموضوعات الى حضرتك بتتكلم عنها وديه حاجات هتلاقى زيها فى اى عربية وبتظبط معظمها لوحده بعد التليين من تلقاء نفسه او فى الصيانة (عشان التظبيط ده اتعملت حاجة اسمها ضمان وتوكيل )
يعنى مثلا موضوع الدبرياج ده مش محتاج الا أن الدبرياج يعلى شويه وديه مش محتاجة اكتر من صبى ميكانيكى مش توكيل بس طبعا أنا هاستنى اعملها فى التوكيل عشان اضمن وبالمثل كل المشاكل لو أنى مش موافق على تسميتها مشاكل خالص
من الاخر العربية ممتازة وكل الناس الى جابتها هنا مبسوطه منها وأنا واحد من الناس ديه

اخي العزيز
عايز اقول لك بان السيارة معايا منذ اسبوعين و بالرغم من قصر المدة الا اني اخذتها مشوارين علي الصحراوي وكان معايا الزوجة و ثلاث اولاد و بالرغم من محاولاتي بعدم تجاوز ال 100 كيلو الا انني اجد استجابة السيارة مذهلة و سحبها ممتاز اولا لا الفتيس بيتهز و لا هناك اي صعوبة في النقل و قارنتها بسيارة نيسان صني جديدة عند احد الأقارب وقفناهم جنب بعض . دورنا السيارتين لم نجد فرق لا في اهتزاز و لا صوت الماتور فان كنت ناوي متسمعش كلام حد استخر الله و توكل و لو عندك حد تعرفه معاه لوجان اركبها علي الطبيعة و انا معنديش مانع مستعد لاي تجارب .... و مبروك عليك مقدما

امثلة لبعض مشاكل السيارت الى بتعتبر فعلا مشاكل مش هزة فتيس ودبرياج واطى .... الخ الكلام الهايف ده
شوف المشاكل الى بتققال على عربيات ثانية
http://www.nilemotors.net/Nile/74110-230.html
وديه مشكلة خاصة بالسيراتو
http://www.nilemotors.net/Nile/109619-a.html
وديه مشكلة خاصة باللانوس
http://www.facebook.com/group.php?gid=43289999558

كل المشاكل الى حضرتك بتتكلم عليها دى بسيطه جدا و ملهاش اى تأثير على العربيه
و خلى بالك انت راكب عربيه ب 67000 الف جنبه و مفيش عربيه فى الدنيا مفهاش مشاكل بس بالمقارنه بأى عربيه فى الفئه السعريه دى اللوجان تكسب بتفوق
العربيه معايا من شهر 5/2009 و عامل حوالى 12000 الف كيلو و العربيه ما شاء الله كل يوم بقتنع بيها اكتر من الأول
و ادئها فى تحسن مستمر بعد التلين و صيانه ال 10000
و الأختيار ليك طبعا

شكرا جزيلا على اهتمامكم بسؤالى وان شاء الله هروح احجز .

شكرا بجد يا جماعة معلشى انا كنت قلقان شوية ويا ريت على طول تقدمو لى النصيحة علشان انا لسه مبيتدئ وبتعلم القيادة حاليا على عربية لادا (مقلقوش عربية فظيعة اكنك بتسوق جرار) بس اعمل ايه هى اللى قدامى وبحاول اتعلم كويس الشهريين اللى جايين لحد مستلم اللوجان. هل فعلا ممكن استلمها فى شهر 3 زى ما بيقولو و هل فى معلومات عن اللوجان هاتشباك وهل فيها مميزات عن اللوجان العادية. انا عارف دوشت دماغكم بكلامى الكتير بس اعذرونى انا لسه مثل الطفل يحبو .........بس بجد يا جماعة انتم ناس عسل مشفتش ناس كده بالجمال ده بترد على طول وبالكلام الجميل ده....شكراااااااااااااااااا اااااااااااااا

اولا اهلا بيك وسطنا

حضرتك ممكن تحجرز عند معرض ذكى وهو خلاا اسبوع اسبوعين بالثير تكون مستلم
طبعا موضوع اهاتش باك جسب احتياجك للسياره لكنى هى هى السيدان لكن الفرق طبعا الشنطه اقل ف الهاتش
ويارب اكون افدك

بص يا سيدي
رينو اعلنت إنها حتنزل 4 عربيات جديدة وعربية 4x4 في معرض اوتماك اللي حيبدأ في 20 يناير واحدة منهم ال fleuence وأنا أعتقد الكليو الشكل الجديد والsandero اللي هي اللوجان الهتش باك وده توقع مش معلومة أو خبر بس موديلات رينو مش كتيرة للدرجة

مساء الخير.
أنا معايا لوجان فول اوبشنز عاملة 500 كيلومتر ودية ملاحظاتى عليها.
العيوب.
1-فعلا لازم تدوس على الدبرياج لاخرة علشان تعرف تنقل خصوصا على الأول و التانى.
2-هزة الفتيس للاسف موجودة وبالذات على السلانسية.
3-دواسة البنزين فيها أهتزاز موش لطيف.
المميزات.
1-الفرامل بتسعف جدا وقوية.
2-العزل وانتا فى الصالون معقول.
3-من سرعة 0 الى 100 فى 11 ثانية تقريبا.
4-ثبات ملوش حل بالنسبة لاخوتها اللى فى نفس الفئة السعرية.
يرجى ملاحظة انى لسة فى التليين ومعظم الاخوة هنا فى المنتدى أكدوا ان العيوب دية بتقل بعد التليين.

أنا كل العربيات اللى سقتها قبل كده كنت بأدوس فيها الدبرياش كويس علشان أعرف انقل !!!!!
هو الحكاية دى بقت عيب ؟؟

ايه العربيات اللى بتنقل فيها من غير ما تدوس الدبرياش كويس؟؟

اقتباس:

---

المشاركة الأصلية كتبت بواسطة egyzizo

أنا كل العربيات اللى سقتها قبل كده كنت بأدوس فيها الدبرياش كويس علشان أعرف انقل !!!!!
هو الحكاية دى بقت عيب ؟؟

ايه العربيات اللى بتنقل فيها من غير ما تدوس الدبرياش كويس؟؟

---

+1
ما هو دة اللى حيجننى :44:

اقتباس:

---

المشاركة الأصلية كتبت بواسطة egyzizo

أنا كل العربيات اللى سقتها قبل كده كنت بأدوس فيها الدبرياش كويس علشان أعرف انقل !!!!!
هو الحكاية دى بقت عيب ؟؟

ايه العربيات اللى بتنقل فيها من غير ما تدوس الدبرياش كويس؟؟

---

فيه عربيات الدبرياج بيبقى عالى شويه فبيفصل الحركة قبل الاخر بشويه بس الفكرة ان الدبرياج لو على قوى هياثر على الدسك والاسطوانه ده على قد معلوماتى المتواضعة

كنت زى حضرتك من سنة تقريباً .. ولكن بعد ابحاث على المنتديات وتجارب عملية .. لان اخوك موسس ومتردد حبتين ما لقتش افضل من اللوجان فى حدود سعرها بل يمكن ان تصنف مع الاعلى فى السعر .. والأفضل من اللوجان بأمانة شديدة هو أعضاء قسم رينو فى هذا المنتدى .. يعنى تقدر تطمن معاك وكيل محترم واعضاء اكثر من محترمين ومتعاونين جداً بصدق ومحبة ، يعنى لو حصلت معاك مشكلة لا قدر الله تقدر تلاقى دعم من ناس كتير ومش اى ناس .. دول وحوش :S_thum1[1]:

اقتباس:

---

فيه عربيات الدبرياج بيبقى عالى شويه فبيفصل الحركة قبل الاخر بشويه بس الفكرة ان الدبرياج لو على قوى هياثر على الدسك والاسطوانه ده على قد معلوماتى المتواضعة

---

شكراً على المعلومة ، على أى حال أنا شايف ان وضع الدبرياج عندى مثالى ..

اقتباس:

---

المشاركة الأصلية كتبت بواسطة best2010

كنت زى حضرتك من سنة تقريباً .. ولكن بعد ابحاث على المنتديات وتجارب عملية .. لان اخوك موسس ومتردد حبتين ما لقتش افضل من اللوجان فى حدود سعرها بل يمكن ان تصنف مع الاعلى فى السعر .. والأفضل من اللوجان بأمانة شديدة هو أعضاء قسم رينو فى هذا المنتدى .. يعنى تقدر تطمن معاك وكيل محترم واعضاء اكثر من محترمين ومتعاونين جداً بصدق ومحبة ، يعنى لو حصلت معاك مشكلة لا قدر الله تقدر تلاقى دعم من ناس كتير ومش اى ناس .. دول وحوش

---

ما تحته خط أصبح فيه شك مؤخـــراً ..
فيا ريت لا يضعه أحد العوامل المحبذة لشراء اللوجان ..

فيه شك مؤخراً ليه ؟
يا ريت تكتب لنا عملوا معاك ايه؟

أنا شخصياً لسه ما رحتلهمش وان كنت شايل هم اليوم ده ..
بس حضرتك تقدر تتصفح فى المنتدى هتلاقى الزملاء اللى عندهم مشاكل ولجأوا فيها للتوكيل مش مبسوطين
على أى حال ، الموضوع مازال تحت التقييم وأرجو ان تكون المشاكل دى حالات فردية مش قاعدة ..