عرض للطباعة
معروض عليا اوبترا 2008 اتوماتيك ب 70000 وماشيه 40000 كم بس والعربيه لونها نبيتى وراشه بره وعلى كلام صاحبها شوية تجاريح وعشان السيارة متامن عليها قام رشها على حساب التامين
طبعا انا مش مقتنع بالكلام ده لكن السمكرى بتاعى شافها وقالى الدواخل زى الفل لكن سعر العربية قليل بصراحة ومخلينى شاكك فيها فهل اكشف عليها فى التوكيل ولا ايه رايكم وشكرا
انا مش عارف اسعار الاوبترا حاليا
بس اكشف عليها في التوكيل
وان شاء الله خير
ربنا يدلك على الطريق الصحيح
مش مستريح للعربيه دى خاااااااااااالص
اكشف عليها فى التوكيل لو العربية كويسة ومفيهاش عيوب
توكل على الله وربنا يرشدك للخير ان شاء الله
العربيه سعرها مش رخيص قوى
هوه اقل من المعقول بثنه بسيطه
فانت مش هاتخسر حاجه لو كشفت فى التوكيل
وعشان تتأكد من العداد كمان
دى بقى لازم تكشف عليها فى التوكيل لانها سعرها كده يخلى الواحد يشك حتى لو كانت فابريكه
بص يا مان انا معايا ابترا 2008 اوتو ماتيك عامله 8000 كيلو بس فبريكه بره وجوه مش رشه خالص ومن فتره حبيت ابيعها وعرتها ب83 وده الرنج اما ال70 و40 الف ورشه اعتقد ابعد عنها احسن
اكشف عليها في التوكيل وصلي استخارة ولو تعرف حد في شركة التامين هيقولك تاريخ حوداث العربية يبقي احسن
طبعا اكشف فى التوكيل عشان تطمن لو فيها اى حاجة
السعر حلو بس اكشف فى التوكيل الكشف ب200 جنية بس بيشوف كل حاجة حتى البوية ويقولك دى رشة اية هى بس عدادها عالى بالنسبة للموديل
يا معلم عربيات الحوادث مليا الدنيا وبعدين يتتقفل بعد كده زى الفبريكه خلى باللك