أعتقد ان فى أمل فى الشيفروليه كروز الخليجى ( الأردن )
السلام عليكم ورحمة الله وبركاته
طبعا فى ناس كتير معجبه بالكروز ولكن متضايقه من قلة كمالياتها وغلو سعرها
ولما جينا نفكر فى الخليجى لقينا انها نازله فى كل الدول العربيه بموتور 1800 فطبعا ماينفعش عندنا عشان الجمارك
و البلد الوحيده اللى بتنزل فيبها بموتور 1600 هى سوريا لكن برضه فى مشكله هى ان العربيات فى سوريا غاليه جدا اصلا
يعنى الكروز مانيوال أقل فئه بحوالى 137000 جنيه مصرى قبل الجمارك !!!!!!
والحل التانى هو الدايو لاسيتى وبرضه فيها مخاطره كبيره وكمان سعر اغلى
النهارده بقى وانا باقلب عالنت فتحت موقع شيفروليه ارابيا لقيتهم اضافوا الاردن ضمن البلاد اللى الكروز نازله فيها بموتور 1600
يعنى الكروز 1600 موجوده فى الأردن وسوريا فقط من كل الدول العربيه فى اسيا
حاولت أدور على اسعار العربيات فى الأردن او اتأكد من الخبر مش عارف
بس انا متأكد ان فى امكانيه ان الكروز تتجاب من هناك وسعرها ميكونش خيالى زى سوريا
لانى دايما كنت اسمع عن ان اللانسر بوما فى منها أردنى
وبتبقى أرخص من الوكيل عندنا
فياريت اللى عنده معلومات عن اسعار العربيات فى الأردن او ليه حد هناك او يعرف اذا كانت الكروز نزلت هناك ولا لسه يبلغنا
لان اكيد الموضوع دا يهم ناس كتير
والسلام عليكم